<h3 style="text-align: center;">སྡུག་གི་ལོ་ཟླ།</h3><div style="text-align: center;"><br></div><div style="text-align: center;">ཁྱེད་ནི་མི་ཡུལ་དང་གཏན་བྲལ་ཐོས་རྗེས།།</div><div style="text-align: center;">སེམས་པ་དམར་པོ་འདི་མེ་ལ་སྒྲོན་སོང་།།</div><div style="text-align: center;">སྨེ་སྔགས་གདུང་དབྱངས་ཀྱི་ཁྲོད་ནས་གླེང་བཞིན།།</div><div style="text-align: center;">སྡུག་གི་མཆི་མ་འདི་དབང་མེད་ཤོར་འགྲོ།།</div><div style="text-align: center;"><br></div><div style="text-align: center;">སྐྱོ་བའི་རབ་ཁ་ནས་ཁེར་རྐྱང་ངུ་བཞིན།།</div><div style="text-align: center;">འཕྲད་པའི་དུས་ཤིག་ཀྱང་མེད་པར་བསམ་ན།།</div><div style="text-align: center;">སེམས་པ་གློ་བུར་དུ་སྡུག་གིས་མནར་ཡོང་།།</div><div style="text-align: center;">མིག་གོང་དབང་མེད་དུ་འཆི་མས་བརླན་སོང་།།</div><div style="text-align: center;"><br></div><div style="text-align: center;">ཞལ་གསུང་དྲོན་མོ་དེ་ཡིད་ལ་དྲན་ན།།</div><div style="text-align: center;">མི་ཆུའི་མཚོ་མོ་ལ་སྐམས་ཐབས་མི་འདུག།</div><div style="text-align: center;">སྡུག་གི་སྨྲེང་བ་འདི་རླུང་ལ་བསྐུར་ནས།། </div><div style="text-align: center;">ན་ཟུག་བཟོད་མེད་ཅིག་སེམས་ལ་ཉར་ཡོད།།</div><div style="text-align: center;"><br></div><div style="text-align: center;">རྨ་ཀློང་རིང་མོ་ཡི་བཞུར་སྒྲ་འགྱུར་ནས།།</div><div style="text-align: center;">གདུང་འབོད་རེ་རེ་བཞིན་ང་ཡིས་གསན་ནས།།</div><div style="text-align: center;">རླབས་ཕྲེང་རེ་རེ་ལ་ལྟ་བཞིན་སྐྱོ་སོང་།།</div><div style="text-align: center;">སློབ་གྲའི་གླིང་ཀ་ནས་ཁྱོད་རང་དྲན་ཡོང་།།</div><div style="text-align: center;"><br></div><div style="text-align: center;">མདང་གསུལ་རྨི་ལས་ལས་འཕྲད་པར་རྨིས་དུས།།</div><div style="text-align: center;">བས་ཀྱང་ཨ་ལན་ཞིག་ཡེ་ནས་མ་བྱུང་།།</div><div style="text-align: center;">སད་དུས་ངུ་འབོད་ཀྱིས་མད་ཁང་དཀྲོགས་སོང་།།</div><div style="text-align: center;">ཁྱེད་རང་དྲན་པ་ནི་བཟོད་ཐབས་མི་འདུག།</div><div style="text-align: center;"><br></div><div style="text-align: center;">འཆི་བ་ལྡོག་མེད་འདི་འཁོར་བའི་ཆོས་ཉིད།།</div><div style="text-align: center;">སྡུག་བསྔལ་རེ་མོས་བཞིན་མྱོང་བ་ལས་དབང་།།</div><div style="text-align: center;">ལས་བདའ་རང་ཉིད་ལ་བྱེད་བཞིན་འགྲོ་དུས།།</div><div style="text-align: center;">སྐྱོ་བས་ངུ་འབོད་འདི་ངག་ནས་ཤོར་སོང་།།</div><div style="text-align: center;"><br></div><div style="text-align: center;">སྐྱབས་གནས་བསླུ་མེད་ཀྱི་དྲིན་ཅན་བླ་མ།།</div><div style="text-align: center;">ང་ཡི་མོས་པོ་ལ་མགོན་སྐྱབས་མཛོད་ཅིག།</div><div style="text-align: center;">ཕྱི་མའི་ཕྲེང་ལམ་ནས་བསྐྱེད་མ་མཛོད་ཅིག། </div><div style="text-align: center;">དག་པའི་ཞིང་ཁམས་ནས་སྐྱེས་བར་སྨོན་ཅིག།</div><div style="text-align: center;"><br></div><div style="text-align: center;"><br></div><div style="text-align: center;"><br></div><div style="text-align: center;"><br></div><div style="text-align: center;">༨་༡༦ཉིན་དུས་རླུང་ནས།</div><div style="text-align: center;"><br></div><div style="text-align: center;"><br></div><div style="text-align: center;"><br></div><div style="text-align: center;">་</div>