<h1 style="text-align: center;">ཆེ་ལ་ལ</h1><h3 style="text-align: center;"><font color="#39b54a"><br></font></h3><h3 style="text-align: center;"></h3><h3 style="text-align: center;"><font color="#39b54a">སྒོ་ཁྱི་ངུ་ཟུག་ཡ་གའི་བྲག་ལ་རྡོལ།།</font></h3><font color="#39b54a"><div style="text-align: center;">བྱ་བྱེའུ་ཅ་ཅོ་མ་ཀའི་མཚོ་ལ་འཁྱུག།།</div><div style="text-align: center;">ནུབ་ཁའི་རི་བོ་་སྨག་ནག་དགྲ་ཡིས་གཡོགས།།</div><div style="text-align: center;">བྱིས་བློའི་འཆར་གཏམ་རྩུབ་པོའི་རླུང་གིས་ཁྱེར།།</div><br></font><h3 style="text-align: center;"></h3><h3><font color="#39b54a"><br></font></h3><h3 style="text-align: center;"><font color="#39b54a"><br></font></h3><h3 style="text-align: center;"><font color="#39b54a">འཛུམ་ཆུང་གད་མོ་ལོ་ཟླའི་གཙང་པོས་ཟགས།།</font></h3><font color="#39b54a"><div style="text-align: center;">སྙན་ཚིག་ཟེག་མ་ཁྲོ་བའི་ངག་གིས་གཏོར།།</div><div style="text-align: center;">ཉི་མའི་ཞི་འཇམ་ཚ་དྲག་མེ་ཡིས་གདུང་།།</div><div style="text-align: center;">ལ་ཁའི་གཟི་མདངས་འཆར་ཡན་དུག་གིས་བཤགས།།</div><div style="text-align: center;"><br></div></font><h3 style="text-align: center;"></h3><h3 style="text-align: center;"><font color="#39b54a"><br></font></h3><h3 style="text-align: center;"><span style="color: rgb(57, 181, 74);"><br></span></h3><h3 style="text-align: center;"><span style="color: rgb(57, 181, 74);">མེས་པོའི་ལོ་རྒྱུས་མཛུབ་མོའི་ཟུང་ནས་བགྲང་།།</span><br></h3><font color="#39b54a"><div style="text-align: center;">དཔའ་ཆེན་རྒོད་པོ་སྣང་ཡན་འཕྲུལ་ལ་བསྒྱུར།།</div><div style="text-align: center;">སྟག་གཟིགས་ངར་འབོད་སྙིང་ཁའི་དཀྱིལ་ནས་འཕྱོ།།</div><div style="text-align: center;">རྟུལ་ཕོད་གར་བའི་ལོ་ཟླ་འཁྱག་གིས་བསྡམས།།</div><div style="text-align: center;"><br></div></font><h3 style="text-align: center;"></h3><h3 style="text-align: center;"><font color="#39b54a"><br></font></h3><h3 style="text-align: center;"><font color="#39b54a"><br></font></h3><h3 style="text-align: center;"><font color="#39b54a">དབྱར་སྐྱེས་རྫ་རྔ་ཁྲོ་མདངས་ཆེ་ལ་ལ།།</font></h3><font color="#39b54a"><div style="text-align: center;">དགུན་ཁའི་འཁྱག་རོམ་ངར་མདངས་རྩུབ་ལ་ལ།།</div><div style="text-align: center;">སྟོན་ཀའི་རླུང་བུ་ལྡིར་སྒྲ་ཆེ་ལ་ལ།།</div><div style="text-align: center;">དཔྱིད་ཀའི་དཔལ་ཡོན་མཛེས་སྡུག་ལྡན་ལ་ལ།།</div><div style="text-align: center;"><br></div></font><h3 style="text-align: center;"></h3><h3 style="text-align: center;"><font color="#39b54a"><br></font></h3><h3 style="text-align: center;"><font color="#39b54a"><br></font></h3><h3 style="text-align: center;"><font color="#39b54a">ནམས་མཁའི་སྐར་ཆེན་འོད་ཀྱིས་ཚ་ཚ་སྤྲོ།།</font></h3><font color="#39b54a"><div style="text-align: center;">ཟླ་བའི་འོད་ཟེར་འཁྱུག་གིན་ལྷབ་ལྷོབ་བསྒྱུར།།</div><div style="text-align: center;">ཡོད་ཚད་ངར་བའི་མེ་བཏག་ཚག་ཚིག་འཚུབ།།</div><div style="text-align: center;">ཁྲག་ཐིག་ཝུ་བའི་མི་ཚེ་རྒོད་ལ་ལ། །</div></font><h3 style="text-align: center;"> </h3><h3 style="text-align: center;"> ལྡོང་མུན་སད་ནས</h3><div style="text-align: center;"><br></div>