<h1><b>བུམ་པ།</b></h1><h3><font color="#167efb"> </font><font color="#39b54a">[ལྷོ་ཁ] ནག་པ།</font></h3><h3></h3><h3><font color="#167efb">ལྟོ་ལྡིར་བ། </font></h3><font color="#167efb">སྣོད་སྤྱད་ཅིག་གི་ཁ་དོག་ཡིན་ན།</font><div><font color="#167efb">ཆགས་སྡང་གསལ་བའི་འཇིག་རྟེན་འདིར། <br></font><font color="#167efb">སྨུག་པོ་ཆང་།<br></font><font color="#167efb">སེར་པོ་སྦི་རག<br></font><font color="#167efb">དམར་པོ་ཇ།<br></font><font color="#167efb">གང་ཡང་ཁྱོད་ཀྱི་མདངས་སུ་འགྱུར་བ་ལ་འཁང་ར་ཞིག་མེད་དམ། </font><h3></h3><h3><font color="#167efb"><br></font></h3><font color="#167efb">ཞབས་ཞུམ་པ།</font><h1></h1><font color="#167efb">ཁྱོད་ཀྱི་གཤིས་སུ་འགྲུབ་ན། <br></font><font color="#167efb">ཕྱ་ལེ་བའམ་ཕྱ་ལེ་བ་མ་ཡིན་པའི་གཞི་རུ།<br></font><font color="#167efb">དྲང་བ།<br></font><font color="#167efb">འཁྱོག་པ།<br></font><font color="#167efb">ལྡེམ་པ།<br></font><font color="#167efb">གང་ཡང་ཁྱོད་ཀྱིས་འཁྱོངས་པའི་ཚུགས་ཀ་དེ་ཡིན་འདོད་དམ།</font><h1></h1><h1><br></h1><font color="#167efb">ཆུ་སྐྱོར་བ།<br></font><font color="#167efb">ཁྱོད་ཀྱི་རྨ་མེད་རིན་ཐང་ཡིན་ན།</font></div><div><font color="#167efb">བཀོལ་སྤྱོད་ཀྱི་རེས་ཁ་རྒོད་པའི་དུས་འདིར།<br></font><font color="#167efb">དྭངས་པ་དང་ཉལ་ཉིལ།<br></font><font color="#167efb">མངར་བ་དང་སྐྱུར་བ། </font><div><font color="#167efb">ཕྱོགས་མེད་དང་ཕྱོགས་རེ་བ།<br>ཅི་ཡང་ཁྱོད་ཀྱིས་གཉོར་འདོད་པའི་བུུ་ཆུང་དེ་ཡིན་ནམ།</font></div></div> <h1><font color="#010101"><b>ཞར་བཀོད་ཅིག</b></font></h1><h3> <font color="#167efb">རླུང་གིས་བཏབ་པའི་ལྦུ་བ།</font></h3><h3><font color="#167efb"> སྐད་ཅིག་མའི་སྐར་མདའ་བཞིན།</font></h3><h3><font color="#167efb"> དྲན་པའི་ཕ་རོལ་ནས་ཚུ་རོལ་དུ་འགྱུ།</font></h3><h3><font color="#167efb"> དྲན་པ་ད་དུང་མ་སད་གོང་། </font></h3><h3><font color="#167efb"> བུམ་པ་བསྐྱང་མ་ཞིག་འཇའ་ཚོན་དུ་འཐིམས།</font></h3><h3><font color="#167efb"><br></font></h3><h3><font color="#167efb"> ཐལ་མོ་བྲང་ལ་སྦྱར་ཞིང་།</font></h3><div><font color="#167efb"> འཇའ་ཚོན་འོག་ན་མིག་ཆུ་འཁྱིལ།</font></div><div><font color="#167efb"> མིག་ཆུའི་ཀློང་ནས།</font></div><div><font color="#167efb"> ཅི་ཞིག་བཙལ་བཙལ་ཡང་གང་ཡང་མ་རྙེད།</font></div><div><font color="#167efb"> </font></div><h3><font color="#167efb"> རེད་དེ། རྐྱང་ཁུག་མང་བའི་ལམ།</font></h3><h3><font color="#167efb"> ཇི་ལྟར་བགྲོད་པ་གསལ་ཆ་བྲལ།</font></h3><h3><font color="#167efb"> མིག་སྔ་ན་ལིང་ཏོག་བཞིན་འགྲེང་བ།</font></h3><div><font color="#167efb"> སོ་མ་བཏང་བའི་བུམ་པ་ཞིག་རྡོ་གཟེབ་ནས་ཡར།</font></div><div><font color="#167efb"> དེ་ནས་བཟུང་། ལམ་གྱི་རྐྱང་ཁུག་ལ་དོ་གལ་བྱེད་མཁན་མེད་དེ།</font></div><div><font color="#167efb"> རྫུད་ལམ་ཐུར་ལ་བདེ་བས་ཡིན་པ་འདྲ།</font></div> <h3>_____________________________________________</h3><h3><font color="#167efb"> </font><font color="#39b54a">ལུས་རྟེན་ནི་མི་ཚེའི་ཕ་མཐར་བགྲོད་པའི་གྲུ་དང་འདྲ་ཟེར། ལུས་རྟེན་ནི་བདེ་ཐང་དུ་འཚོ་དགོས་ཤིང་། དེ་ལྟར་རུང་ན་ཅི་འདོད་དུ་བཀོལ་དུ་རུང་ཟེར། འོ་ན་མི་ཚེའི་ཕ་མཐའ་རིག་གིན་པ་ཁྱོད་ཡིན་ནམ། མི་ཚེའི་ཕུགས་འདུན་མངོན་འགྱུར་བྱེད་པའི་སླད་དུ་ཁྱོད་ཀྱི་བདེ་ཐང་གི་ལུས་རྟེན་ཇི་ལྟར་བཀོལ་བཞིན་ཡོད། གསུང་རབ་ཏུ་མི་ཡི་ལུས་རྟེན་ནི་དལ་འབྱོར་གྱི་ལུས་རྟེན་ཡིན་པར་གསུངས། འོ་ན་ཁྱོད་ཀྱིས་རང་ཉིད་ཀྱི་དལ་བ་དང་འབྱོར་པའི་ཡོན་ཏན་དུ་མས་ཕྱུག་པའི་ལུས་རྟེན་འདི་ལ་བརྟེན་ནས་མི་ཚེའི་རིན་ཐང་ཅི་ཞིག་མངོན་པར་བྱེད། ལུས་རྟེན་འདི་བཟའ་བཏུང་གི་འཁོར་ལོ་ཙམ་དུ་ཟད་ན་ཅི་འདྲའི་ཕངས་ཨང་། གལ་ཏེ་ལུས་རྟེན་འདི་བཀོལ་དུ་རུང་ན་ཅི་འདྲའི་མཚར་སྡུག་ལྡན་པའི་ཕུགས་བསམ་གྱི་མདུན་ལྗོངས་ཤིག་བསྐྲུན་ཆོག་ཨང་། འདིར་བུམ་པ་ནི་གཞན་དབང་གི་ལུས་རྟེན་ལ་གདུངས་པའི་ཆོ་ངེ་ཞིག་ཡིན་ལ། ལུས་རྟེན་གྱི་བདག་པོར་རློམ་པའི་རྣམ་ཤེས་གྲུང་པོ་དེའི་ཚ་འདྲི་ཞིག་ཀྱང་ཡིན་འདོད།</font></h3>