<h3> ࿐སྨན་རི་བ།</h3><h3>སྐུ་ཉིད་ཡུལ་ཁམས་ན་འཚོ་ཞིང་བཞུགས་དུས།</h3><h3>ཡུལ་ཁམས་ལ་འོད་ལམ་གྱིས་ཁེངས་བས།</h3><h3>འཁོས་དམན་གྱི་ང་ཚོ།</h3><h3>ན་བུན་དང་མུན་འདམ་གྱི་ཀློང་ན་འཚོ་མ་དགོས།</h3><h3>རིན་པོ་ཆེ།</h3><h3>མི་ཡུལ་གྱི་ཞིང་འདིར།</h3><h3>སྐུ་ཉིད་ཀྱི་ཐུགས་བརྩེ་བའི་རང་གཤིས་མངོན་པས།</h3><h3>ཡངས་བའི་འཇིག་རྟེན་གྱི་ཁམས་ན།</h3><h3>བདེ་སྐྱིད་ཀྱི་གསེར་ཞལ་ང་ཚོས་མཇལ།</h3><h3>རིན་པོ་ཆེ། དོན་ངོ་མ།</h3><h3>དོན་དམ་པའི་ཁྱེད་ནི།</h3><h3>ཅི་འདྲའི་རླབས་ཆེན་བ་ཞིག</h3><h3>ཉིད་ཀྱི་མཁྱེན་བརྩེ་ནུས་གསུམ་གྱི་དཔལ་ཡོན་དང་།</h3><h3>འཆད་རྩོད་རྩོམ་གསུམ་གྱི་མཛད་འཕྲིན་ནི།</h3><h3>རི་རབ་བཞིན་བརྗིད་ཆགས་ལ།</h3><h3>རྒྱ་མཚོ་བཞིན་གཏིང་ཟབ་པ་ཞིག་རེད་ཨང་།</h3><h3>རིན་པོ་ཆེ།</h3><h3>སྐུ་ཡི་མི་ཚེ་ཧྲིལ་བོ་བསྟན་དོན་ལ་བསྲིངས་བའི།</h3><h3>ཉིད་ཀྱི་མཛད་རྗེས་དང་ཕྱག་ལས་ནི།</h3><h3>ས་ཁྱོན་གོ་ལའི་ཡངས་སྟེང་ན།</h3><h3>མཐའ་ཡས་པའི་མཁའ་དབྱིངས་བཞིན།</h3><h3>གཞལ་ཐབས་བྲལ་བ་ཞིག་ཨང་།</h3><h3>རིན་པོ་ཆེ གློ་བུར་དུ།</h3><h3>སྐུ་ཉིད་བདེ་དབྱིངས་སུ་གཤེགས་དོན་ཅི་ལགས།</h3><h3>འཛམ་གླིང་གི་གསེར་གྱི་ཉི་གཞོན།</h3><h3>ཁྱེད་འདི་ལྟར་ནུབ་པ་སྔ་སོང་།</h3><h3>མུན་འཇོམས་ཀྱི་སྒྲོན་མེ་རྐང་གཅིག</h3><h3>ཁྱེད་ཉིད་འདི་ལྟར་གཟིམས་པ་སྔ་སོང་།</h3><h3>ཤུལ་ལུས་ཀྱི་ང་ཚོ།</h3><h3>ལས་དམན་གྱི་ང་ཚོས།</h3><h3>ད་ནས་སྡུག་ཡུལ་གྱི་ཁམས་ན་ཇི་ལྟར་འཚོ།</h3><h3>མགོན་མེད་སྐྱབས་མེད་ཀྱི་ང་ཚོས།</h3><h3>རྩེ་གཅིག་གསོལ་བ་སྙིང་ནས།</h3><h3>ཡང་སྤྲུལ་ཉི་གཞོན་འཆར་བའི་དུས་བཟང་ཞིག་སྒུག་ཡོད།</h3><h3>རིན་པོ་ཆེ མྱུར་དུ་ཕེབས་རོགས།</h3><h3>རིན་པོ་ཆེ སྤྱན་གྱིས་གཟིགས་ཤིག</h3><h3> རིག་ལྕི་གསལ་ནས། </h3>