<h1 style="text-align: center;">ཧད་གཏམ</h1><h3 style="text-align: center;"><br></h3><h3 style="text-align: center;"><br></h3><h3 style="text-align: center;"></h3><h3> དམ་པ་སྐྱེས་ཆེན་ཚོས་འར་འུར་ལབ་ལན།།</h3> སྐད་ཅིག་འཕྱོར་ལྡིང་ལ་ལྡིར་ལྡིར་འུར་འུར།།<br> རང་བཞིན་བག་ཆགས་ཀྱི་རལ་གྲི་དམར་པོས།།<br> གདུང་བའི་རྨ་ཁ་ཞིག་སེམས་སུ་སྦས་འདུག།<h3 style="text-align: center;"></h3><h3><div style="text-align: center;"><br></div><div style="text-align: center;"><br></div><div style="text-align: center;">རྔམ་བརྗིད་འོད་སྣང་ལ་གཟི་མདངས་རྒྱས་ཤིང་།།</div><div style="text-align: center;">མཚར་སྡུག་ཉི་ཟེར་ལ་དཔའ་ངར་ལྡུད་པའི།།</div><div style="text-align: center;">དུག་ལྕེའི་རལ་གྲི་ཡིས་རྣོ་འཕྲུལ་རྩུབ་པོས།།</div><div style="text-align: center;">འཇིག་རྟེན་ཨུ་ཚུགས་ལ་ལག་བརྡ་སྤྲད་འདུག།</div><div style="text-align: center;"><br></div><div style="text-align: center;"><br></div><div style="text-align: center;">རླུང་འཚུབ་སྤུ་གྲི་ཡིས་འཛུམ་མདངས་གཙེས་པའི།།</div><div style="text-align: center;">ཚག་ཚིག་ཀི་སྒྲ་ལ་དུངས་ཞེན་དབེན་ཞིང་།།</div><div style="text-align: center;">འདས་པའི་གླུ་ཚིག་ལ་ཡིད་སྨོན་སྐྱེལ་བཞིན།།</div><div style="text-align: center;">དམུ་རྒོད་གདུག་རྩུབ་ཀྱི་གློག་འོད་འཁྱུག་འགྲོ།</div><div style="text-align: center;"><br></div><div style="text-align: center;"><br></div><div style="text-align: center;">ཨ་མཚར་ཝ་མོ་ཡི་གུས་ཞུམ་མི་འདོད།།</div><div style="text-align: center;">སྒྱིད་ལུགས་རྨོངས་པ་ཡི་ཚུལ་ལ་མི་སེམས།།</div><div style="text-align: center;">སྲང་ལམ་མུན་རུབ་ཀྱི་སྐྱོ་ངལ་ཁྲོད་དུ།།</div><div style="text-align: center;">གདུང་བའི་ན་ཟུག་ཅིག་རླུང་ལ་སྐུར་འདོད།།</div><div style="text-align: center;"><br></div><div style="text-align: center;"><br></div><div style="text-align: center;">ཕྱི་མིག་འཕར་ལྡིང་གི་ལམ་སོར་འགྲེང་སྟེ།།</div><div style="text-align: center;">ཨུ་ཚུགས་འདབ་ལོ་ཡིས་དྲེགས་སེམས་ངོམས་པའི།།</div><div style="text-align: center;">ལེ་ལོའི་སྡོང་རྒན་དག་ཕྱིས་སུ་གཡུགས་ཏེ།།</div><div style="text-align: center;">འོད་སྟོང་མི་ཚེ་ལ་ལག་བརྡ་སྦྲེལ་ཡོད།།</div><div style="text-align: right;"> </div><div style="text-align: right;">ལྡོང་མུན་སད་ནས</div></h3><h3 style="text-align: center;"></h3><h3 style="text-align: center;"></h3><h3 style="text-align: center;"></h3>