<h3>དར་ལྕོག་འགུལ་གྱིན་འགུལ་གྱིན་ཁྱོད་ལ་རང་སེམས་མི་བརྟན་པའི་གནས་ལུགས་ཤིག་བརྗོད་ཡོད། འོན་ཀྱང་ཁྱོད་ཀྱིས་མཚམས་སྤྲིན་ཁྲོད་ཀྱི་དར་ལྕོག་འགུལ་གྱིན་པ་ལས་རང་སེམས་འགུལ་གྱིན་པའི་ངང་ཚུལ་མ་རྟོགས།</h3> <h3>མི་ཚེ་ནི་ཉི་གཞོན་ཤར་ཚུལ་དང་མཚུངས་ཤིང་ཉི་ནུབ་རྒས་ཚུལ་དང་ཡང་མཚུངས།</h3> <h3>ཞོགས་པར་རྒྱང་རིང་གི་ཉི་གཞོན་གསལ་བོར་མཐོང་ཐུབ། འོན་ཀྱང་ཁྱོད་ཀྱིས་རང་ཉིད་གཏན་ནས་མཐོང་མ་མྱོང། དེའི་ཕྱིར་ཉི་གཞོན་ལ་ལྟ་སྐབས་རང་ཉིད་ལའང་ལྟ་བར་གྱིས་ཤིག</h3> <h3>ཉི་གཞོན་ནི་ཁེར་རྐྱང་གི་འགྲུལ་བཞུད་པ་ཞིག་སྟེ། ཁྱོད་ཀྱི་མི་ཚེ་སྐྱེལ་སྟངས་དང་ཧ་ཅང་མཚུངས། འོན་ཀྱང་ཁྱོད་ཀྱིས་རང་ཉིད་གང་ནས་ཡོང་ཞིང་གང་དུ་འགྲོ་བར་མནོ་བསམ་གཏོང་མྱོང་ངམ།</h3> <h3>མི་ཚེར་མཚམས་སྤྲིན་ལྟ་བུའི་མཛེས་སྡུག་སྤྲས་ཤིང་ཉི་གཞོན་ལྟ་བུའི་འོད་སྣང་འཁྱུད་སྲིད་དམ། མི་ཚེ་ནི་ཉིན་གཅིག་ལ་འགོ་བརྩམས་ཤིང་ཉིན་གཅིག་ལ་འཇུག་བསྡུས་འགྲོ་བ་མིན་ནམ།</h3><h3><br /></h3><h3>༢༠༡༧.༩.༡༢གང་བྱུང་དུ་ཤར་མར་བྲིས།</h3>