<h3 style="text-align: center;">བློ༷་གྲོས་ཆེན་པོའི་མཁྱེན་བརྩེ་མཁའ་ལ་འཕྱོ།།</h3><h3 style="text-align: center;"><br /></h3><h3 style="text-align: center;">བཟ༷ང་པོ་གསུམ་གྱི་ཡོན་ཏན་འབྲུག་ལྟར་ལྡིར།།</h3><h3 style="text-align: center;"><br /></h3><h3 style="text-align: center;">བསྟ༷ན་པའི་མཛད་འཕྲིན་ཕྱོགས་བཅུ་ཡོངས་ལ་ཁྱབ།།</h3><h3 style="text-align: center; "><br /></h3><h3 style="text-align: center;">འཛིན་སྐྱོ༷ང་སྤེལ་མཛད་མཁས་གྲུབ་ཁྱེད་ལ་འདུད།།</h3><h3 style="text-align: center;"><br /></h3><h5 style="text-align: center;">ཆབ་དགོན། དགེན་ཉམ་ཆུང་ངེས་གཟུང་གིས།👏🏽👏🏽👏🏽</h5> <h3><br /></h3><h3 style="text-align: left;"><br /></h3><h3 style="text-align: left;"><br /></h3><h3 style="text-align: left;">བྱམས་བརྩེ་ཟབ་པའི་ཐུགས་སེམས་དཀར་པོ་སྔོན་ནས་རང་ཆས་གྲོགས་སུ་འགྲོག། རྩོད་ངག་རིགས་པའི་ཁུག་སོ་རེ་ལ་སྡེ་བདུན་འགྲོས་ཀུན་བསྡོམས་ཤིང་བསྡུས།། མདོ་སྔགས་གཞུང་བརྒྱའི་ཕྲ་རགས་གནད་ཀུན་གོ་རིག་ཟུང་ལྡན་ཁྱེད་ལ་མཛའ།། དེ་ཕྱིར་ཁྱེད་ལ་སྨོན་པའི་ཚིག་འདི་མགོ་མཁྲེགས་ཅན་པོས་དབང་མེད་ཐལ།། ཆབ་དགོན་ལྷོ་གྲི་ཁ་འཐམ་ནས།👏👏👏</h3><h3 style="text-align: center;"><br /></h3><h3 style="text-align: center;">གནས་ལྔ་རིག་པའི་གཞུང་ལུགས་གསེབ་ནས་བློ༷་གྲོས་ཟེར་གྱིས་ཟབ་གནད་ཕྲ་མོ་ཇི་བཞིན་གས༵ལ།།</h3><h3 style="text-align: center;">གས༵ལ་བ་དེ་ཉིད་འདོམས་མཁས་ཐུགས་རྗེ་པདྨའི་རང་མདངས་གཤིས་སུ་རྫོགས་པས་ཐབས་ཤེས་ཟུང༵་།།</h3><h3 style="text-align: center; ">ཟུང༵་འབྲེལ་གཤོག་གི་རྩལ་རྫོགས་སྲིད་ཞིའི་ཕ་མཐར་གདོད་ནས་གཤེགས་ཟིན་མཛད་བ༷ཟང་ཀུན་ལ་ཁྱབ༵།།</h3><h3 style="text-align: center;">ཁྱབ༵་བདག་བསྟ༷ན་པ་མི་ནུབ་སྲིད་མཐར་སྐྱོ༷ང་ཕྱིར་མི་ཡི་གར་མཛད་མགོན་པོ་གང་དེར་འདུད།།</h3><h3 style="text-align: center;">ལྕགས་ཟམ་ཨ་ནུ་ཕན་རྒྱམ་ནས་ཕུལ། 👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">འཆད་པ་གཡུ་འབྲུག་བཞད་པའི་གྲེ་འགྱུར་དང་།། </h3><h3 style="text-align: center;"> རྩོད་པ་གློག་ཞགས་དམར་པོའི་གར་སྟབས་དང་།། </h3><h3 style="text-align: center;"> རྩོམ་རིག་སྦྲང་ཆར་ཟིམ་མ་དུས་འབབ་ཀྱིས།།</h3><h3 style="text-align: center;"> གོ་ལ་ཟླུམ་པོའི་ཁོར་ཡུག་མཛེས་གྱུར་ཅིག། </h3><h3 style="text-align: center;"> བླ་བྲང་མ་ཆོས་གྲགས་ཀྱིས།👏🏽👏🏽👏🏽</h3><h3 style="text-align: center;"> </h3><h3 style="text-align: center;">བློ༷བཟ༷ང་རྒྱལ་བསྟ༷ན་པད་ཚལ་ཡངས་པོ་དེར།།</h3><h3 style="text-align: center;">སྐྱོ༷ང་བའི་དམ་ཆོས་སྦྲང་ཆར་འབབ་མཁན་པ།།</h3><h3 style="text-align: center;">འཕཊ་པའི་རིགས་བཞི་ལྡན་པའི་ཚངས་སྤྱོད་ཅིག།</h3><h3 style="text-align: center;">བཤེས་གཉེན་སེམས་པ་ཆེན་པོ་ཕྱག་གི་ཡུལ།།</h3><h3 style="text-align: center;">ཆབ་མདོ་བ་མེ་སྟག་ཆུང་ཆུང་གིས།👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">རིགས་པའི་རྣམ་དཔྱོད་རྩལ་གྱི་འགྲོད་ལམ་ནས།།</h3><h3 style="text-align: center;">མཁས་མང་སྟོང་གི་སྙིང་རྩ་རབ་ཏུ་འདར།།</h3><h3 style="text-align: center;">བཙུན་པའི་འདུལ་ཁྲིམས་བསྲུང་བའི་མཛད་བཟང་དེས།།</h3><h3 style="text-align: center;">ཚུལ་ཆལ་དྲི་མ་ཅན་རྣམས་སྙིང་རྩ་འདར།།</h3><h3 style="text-align: center;">ཆབ་ངོམ་བཅུ་དྲུག་འོད་ལྡན་གྱིས།👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">སྐུ་ཡི་མཚན་དཔེའི་ཟེར་གྱིས་རྟ་བདུན་དབང་པོ་བག་ལ་ཞ།།</h3><h3 style="text-align: center;">གསུང་གི་དབྱངས་སྒྲ་སྙན་པས་དབྱར་གྱི་རྔ་ཡང་ཟིལ་གྱི་མནན།། </h3><h3 style="text-align: center;">ཐུགས་རྒྱུད་ཟབ་གསལ་མཁྱེན་པས་ལྷ་ལམ་པོར་རབ་འཁུ་བ།།</h3><h3 style="text-align: center;">ངེས་པ་དོན་གྱི་བཤེས་གཉེན་ཆེན་པོ་ས་གསུམ་འགྲོ་བའི་གསོས་སྨན་ཉིད།།</h3><h3 style="text-align: center;">ཆབ་མདོ་བ་གངས་བསིལ་ནས།👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">ན་ཚོད་ཕྲ་ཡང་ཤེས་བྱའི་གནས་ལ་ཁྱེད་ལས་རྒན་པ་སུ་ཡང་མེད།།</h3><h3 style="text-align: center;">ཟང་ཟིང་ནོར་ལ་ཞེན་ཆགས་ཆུང་ཡང་མཁྱེན་རྒྱ་རིན་ཆེན་ཕྲེང་བས་ལྗིད།།</h3><h3 style="text-align: center;">དམན་ས་བཟུང་ཡང་འཇིག་རྟེན་འདི་ན་ཁྱེད་ལས་མཐོ་བའི་གང་ཟག་མེད།།</h3><h3 style="text-align: center;">ངན་རྣམས་འདུལ་ཞིང་སྐྱོབ་པའི་མགོན་པོ་ཁྱེད་ལས་བཟང་བ་ཅི་ཞིག་མཆིས།། ལྕི་སྨད་ངོམ་སྟོད་བ་ལོག་འཇོམས་ཀྱིས།👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">མ་རིག་མུན་པ་བསལ་བའི་སྒྲོན་མེ་དངོས།། </h3><h3 style="text-align: center;"> མི་བུའི་རིན་ཐང་སྟེར་བའི་བཀའ་དྲིན་ཅན།། </h3><h3 style="text-align: center;"> ཤེས་རིག་ནུ་ཞོ་སྦྱིན་པའི་བློ་སྟོབས་མངའ།། </h3><h3 style="text-align: center;"> བློ༷་བཟ༷ང་རྒྱལ་བསྟ༷ན་སྐྱོ༷ང་བའི་བླ་མར་འདུད།། </h3><h3 style="text-align: center;"> ཆབ་དགོན་བ་ཉལ་མཛོ་གྲོད་ཀྱིས། 👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">ཀ་དག་རྒྱལ༵་ས་ཟིན་ཀྱང་རྒྱལ༵་སྲས་ཚུལ་འཛིན་ཅིང་།།</h3><h3 style="text-align: center;">ཁ་ཚིག་འཇམ༵་ཞིང་གཤིས་རྒྱུད་འཇ༵མ་པའི་དགེ་བའི་བཤེས།།</h3><h3 style="text-align: center;">ག་ཤལ་རྒྱ༵ན་དོར་ངུར་སྨྲིག་རྒྱ༵ན་འཆང་མཁས་པའི་དབང་།།</h3><h3 style="text-align: center;">ང་ཡི་སྐྱབ༵ས་མཆོག་སླུ་མེད་སྐྱབ༵ས་གནས་ཀུན་འདུས་གུས།།</h3><h3 style="text-align: center;">ལྕགས་ཟམ་རྨད་ཤེས་ཟླར་བསྐྱོད་ཀྱིས་ཕུལ།👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">མཁྱེན་ཡངས་མཁས་པའི་ཁྱུ་མཆོག་ཁྲོད་ནས།།</h3><h3 style="text-align: center;">རྣམ་དཔྱོད་རིག་པའི་རྩལ་དྲུག་རྫོགས་ཏེ།།</h3><h3 style="text-align: center;">ཁེངས་དྲེགས་སེམས་ཀྱི་དྲི་མ་དོར་བའི།།</h3><h3 style="text-align: center;">འདུལ་འཛིན་བློ་བཟང་མཚན་ཅན་འདུད་དོ།།</h3><h3 style="text-align: center;">ཆབ࿐ཤེས་འཚོལ།</h3><h3 style="text-align: center;">ཆབ࿐ཤེས་འཚོལ།👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">བློ་གྲོས་གསེར་གྱི་བུམ་པ་ཐུགས་སུ་གཏམས།།</h3><h3 style="text-align: center;">ྃ</h3><h3 style="text-align: center;">བཟང་པོའི་བདུན་རྩིའི་མཚོ་མོ་ཁ་ལུད་ཅིང་།།</h3><h3 style="text-align: center;"> ྃ</h3><h3 style="text-align: center;">བསྟན་འཛིན་བུ་སློབ་ཀུན་གྱི་ནད་བརྒྱའི་སྨན།།</h3><h3 style="text-align: center;"> ྃ</h3><h3 style="text-align: center;">སྐྱོང་བའི་ཚོགས་རྣམས་ཉ་གང་ཟླ་བཞིན་རྒྱས།།</h3><h3 style="text-align: center;"> ྃ</h3><h3 style="text-align: center;">འདན་ཆོས་འཁོར་དགོན། _______གདོང་བརྟན་པོས།👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">བློ༷་ཆེན་རྒྱལ་བའི་གསང་གསུམ་ཐུགས་ཀྱི་བཅུད།། </h3><h3 style="text-align: center;">བཟ༷ང་གསུམ་བཟང་དགུའི་ཁོ་ལག་ཡོངས་སུ་རྫོགས།། </h3><h3 style="text-align: center;">རྒྱལ་བསྟ༷ན་ཇི་བཞིན་སྐྱོ༷ང་ལ་ཐབས་མཁས་ཅན།། </h3><h3 style="text-align: center;"> མཚན་ལྡན་དྲིན་ཅན་བླ་མ་ཕྱག་་གི་ཡུལ།། </h3><h3 style="text-align: center;"> བྲག་ལྗོངས། ཤར་གྱི་སྐར་ཆེན་གྱིས། །།👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">རིག་གནས་ཀུན་ལ་མཁ༵ས་པའི་དཀྱིལ་འཁོར་རྒྱས།།</h3><h3 style="text-align: center;">ཉེས་ལྟུང་མ་གོས་བཙུ༵ན་པའི་འོད་དཀར་འཕྲོ༎</h3><h3 style="text-align: center;">བློ་གྲོས་ཀུ་མུད་བཞད་པའི་མཛད་བཟ༵ང་ཅན༎</h3><h3 style="text-align: center;">བཤེས་གཉེན་མཚན་མོའི་མགོན་པོར་གསོལ་བ་འདེབས།། </h3><h3 style="text-align: center;">ལྕགས་ཟམ། རྒྱ་མཚོའི་གོས་ཅན་གྱིས།👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">བློ༵་གྲོས་བཟང་པའི་ཤེས་རབ་ཁོག་ནས་རྒྱས།། </h3><h3 style="text-align: center;">ཕྱི་ཡི་སྤྱོད་པ་ཁྲིམས་ཀྱིས་ཞི་ཞིང་དུལ།།</h3><h3 style="text-align: center;">མཁས་བཙུན་བཟ༵ང་པོས་བསྟ༵ན་པ་སྐྱོ༵ང་བྱས་ཏེ།།</h3><h3 style="text-align: center;">མི་འཇིགས་སེང་གེ་ཁྲི་ལ་བརྟན་པར་བཞུགས།། </h3><h3 style="text-align: center;"> ལྕི་སྨད་སྐལ་རྡོ་ནས།👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">བསླབ་གསུམ་འདུལ་ཁྲིམས་དུལ་བའི་ཀུན་རྫོབ་མཛེས།།</h3><h3 style="text-align: center;">སྡེ་གསུམ་འཆད་ཉན་རྟོགས་པའི་དོན་དམ་བྱོས།།</h3><h3 style="text-align: center;">བརྒལ་བརྟག་ཐལ་ངག་ཉམས་ཀྱིས་ལོག་རྟོག་འཇོམས།།</h3><h3 style="text-align: center;">ཕྱོགས་ཀྱི་གླང་པོའི་རྗེས་འགྲོ་ཁྱེད་མཆོག་འདུད།།</h3><h3 style="text-align: center;">རྫ་རྒྱུད། སྨྱུག་ཟིལ་བུས།👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">བློ༵་བཟ༵ང་རྒྱལ་བའི་དགོངས་བཅུད་པདྨའི་ཚལ།།</h3><h3 style="text-align: center;">འཆད་རྩོད་ཉི་ཟླ་ཟུང་གིས་རྒྱས་པ་མཛད།།</h3><h3 style="text-align: center;">བསྟ༵ན་འཛིན་མཁས་ཀུན་དགྱེས་པའི་རབ་བྱུང་སྡེ།།</h3><h3 style="text-align: center;">སྐྱོང༵་མཛད་མགོན་པོ་དེ་ལ་བསྟོད་ཕྱག་འཚལ།། </h3><h3 style="text-align: center;">སྨར་ཁམས། གློག་དམར་གྱིས། 👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">བློ༵་གྲོས་སྙིང་སྟོབས་པད་མའི་མདངས་ལྡན་ཞིང་།།</h3><h3 style="text-align: center;">བཟ༵ང་པོས་མཛད་པ་ལྷ་ལམ་ཡོངས་ཁྱབ་པའི།།</h3><h3 style="text-align: center;">བསྟན༵་པའི་རིང་ལུགས་ཡིད་བཞིན་དབང་གི་རྒྱལ།།</h3><h3 style="text-align: center;">སྐྱོང༵་ཞིང་སྤེལ་བའི་དེད་དཔོན་ཁྱེད་ལ་འདུད།།</h3><h3 style="text-align: center;"> ལྕགས་ཟམ། དུས་འོད་ནས།།👏🏽👏🏽👏🏽</h3><h3 style="text-align: center;"><br /></h3><h3 style="text-align: center;">བློ༵་གྲོས་ཟབ་མོའི་གཞུང་ལུགས་ཀུན་གྱི་མདུད་བརྒྱ་ཅིག་ཆར་བཀྲོལ།། </h3><h3 style="text-align: center;"> བཟ༵ང་གསུམ་མངའ་བའི་བསླབ་གསུམ་སྐྱོན་གྱི་མ་གོས་རྣམ་དག་པ།། </h3><h3 style="text-align: center;"> བསྟ༵ན་པའི་བདག་པོ་རྒྱལ་བའི་གདུང་ཚབ་སྙིགས་མའི་དུས་འདིར་རྒྱལ་བསྟན་ཀུན།། </h3><h3 style="text-align: center;"> སྐྱོང༵་མཛད་ཉིད་ཀྱི་ཞབས་ཀྱི་པད་མོར་བདག་ཅག་སྤྱི་བོར་བཀོད་ཏེ་རབ་འདུད་དོ།། ལྕགས་ཟམ། བྱམས་པ་ཡར་འཕེལ་ནས།👏🏽👏🏽👏🏽</h3><h3 style="text-align: center;">བློ་བཟང་རྒྱལ་བསྟན་འཛིན་སྐྱོང་སྤེལ་མཁན།།</h3><h3 style="text-align: center;">རྣམ་དཔྱོད་རིག་པའི་རྩལ་གྱི་བདག་པོ།།</h3><h3 style="text-align: center;">བཅུ་ཕྲག་རིག་པའི་གནས་ཀྱི་ལམ་སྟོན།།</h3><h3 style="text-align: center;">མ་རིག་མུན་པ་སེལ་བའི་སྒྲོན་མེ།།</h3><h3 style="text-align: center;">ཆབ་དགོན། རིགས་བཟང་བུ་ཕྲུག་གིས།👏👏👏</h3><h3 style="text-align: center;"><br /></h3><h3 style="text-align: center;">བློ༵་ཆེན་དོན་དམ་རྟོགས་པའི་ལྟ་བ་ཟབ།།</h3><h3 style="text-align: center;">བཟ༵ང་ལམ་སྟོང་ཉིད་མ་ལུས་སྒོམ་མཛད་པའི།། </h3><h3 style="text-align: center;">བསྟ༵ན་འཛིན་ཀུན་གྱི་ཐུཊ་དོན་སྤྱོད་པ་ཡིས།།</h3><h3 style="text-align: center;">རྒྱལ་བའི་བསྟན་སྐྱོ༵ང་མ་ནོར་ཁྱེད་ལ་བསྟོད།།</h3><h3 style="text-align: center;">བྲག་ཡབ། ཤེས་འཚོལ་ནས།👏👏👏</h3><h3 style="text-align: center;"><br /></h3><h3 style="text-align: center;">འཁོར་བ་དུག་ལྕེ་གཡོ་བའི་གདུག་ཅན་ཚང་འདིར།། </h3><h3 style="text-align: center;">ལས་ཉོན་སྡུག་གིས་གཟིར་བའི་ཉམས་ཐག་འགྲོ་རྣམས།།</h3><h3 style="text-align: center;">རྣམ་གྲོལ་ལམ་ལ་འགོད་པའི་མི་ཡི་ཤ་ཚུགས།།</h3><h3 style="text-align: center;">འདུལ་འཛིན་གཟུགས་སུ་རོལ་བའི་སེམས་པ་ཆེན་པོ།།</h3><h3 style="text-align: center;">གྲངས་མེད་བསྐལ་པའི་དབུས་ནས་འགྲོ་བའི་དོན་དུ།།</h3><h3 style="text-align: center;">རིན་ཆེན་སེམས་མཆོག་བསྐྱེད་པ་དགོངས་པར་མཛོད་ལ།།</h3><h3 style="text-align: center;">བདག་སོགས་གུས་ལྡན་བུ་རྣམས་བྱང་ཆུབ་བར་དུ།།</h3><h3 style="text-align: center;">གསང་གསུམ་བདུད་རྩིར་རོལ་བའི་སྐལ་བཟང་སྩོལ་ཅིག། </h3><h3 style="text-align: center;">ལྕགས་ཟམ། འོད་ཟེར་ནས།👏🏽👏🏽👏🏽</h3><h3><br /></h3> <h3 style="text-align: center;">བློ༵་བཟ༵ང་རྒྱལ་བ་གཉིས་པ་ཙོང་ཁ་པའི།།</h3><h3 style="text-align: center;">བསྟན༵་པ་རིན་ཆེན་འབྱུང་ཁུངས་ལྟ་བུ་འདི།།</h3><h3 style="text-align: center;">འཛིན་སྐྱོང༵་སྤེལ་ལ་འགྲན་པའི་ཟླ་བྲལ་བ།།</h3><h3 style="text-align: center;">བདག་ཉིད་ཆེན་པོ་ཁྱེད་ལ་སྙིང་ནས་འདུད།། </h3><h3 style="text-align: center;"> ལྕགས་ཟམ། གསེར་སྨྱུག་ནས།👏👏👏</h3><h3 style="text-align: center;"><br /></h3><h3 style="text-align: center;"><br /></h3><h3 style="text-align: center;">བློ༵་བཟང༵་རྒྱལ་བའི་བསྟན༵་པ་སྐྱོང༵་མཛད་མཁན།།</h3><h3 style="text-align: center;">ཚུལ་ཁྲིམས་འོད་ཀྱིས་རྨོངས་མུན་ཟླ་ལྟར་གསལ།།</h3><h3 style="text-align: center;">སྙིང་རྗེ་དབང་གིས་སློབ་བུ་སྐྱོང་མཛད་པ།།</h3><h3 style="text-align: center;">མདོ་སྔགས་གཞུང་ལུགས་སྨྲ་མཁན་གཙུག་ན་རྒྱལ།།</h3><h3 style="text-align: center;"> ལྕགས་ཟམ། དམ་ཆོས་ནས།👏👏👏 </h3><h3 style="text-align: center;"><br /></h3><h3 style="text-align: center;"> རྗེ་བླ་མའི་བཀའ་དྲིན་སྙིང་དབུས་འཆང་།།</h3><h3 style="text-align: center;">དྲིན་བསམ་ཤིང་བསམ་ན་མོས་གོས་སྐྱེ།།</h3><h3 style="text-align: center;">དུས་འདི་ནས་བྱང་ཆུབ་མ་ཐོབ་བར།།</h3><h3 style="text-align: center;">ཕ་བླ་མས་རྗེས་སུ་བཟུང་དུ་གསོལ།། </h3><h3 style="text-align: center;"> ལྕགས་ཟམ། མ་ནོར་ལམ་འཚོལ་ནས།👏🏽👏🏽👏🏽</h3><h3 style="text-align: center;"><br /></h3><h5 style="text-align: center;">བློ༵་གཏེར་མཆོག་དང་གཉིས་སུ་མེད་པས་བདེན་གཉིས་ཕྲ་རགས་མངོན་གསུམ་མཁྱེན༵།།</h5><h5 style="text-align: center;">བཟང༵་ངན་ལས་འདས་རིས་མེད་ཕྱོགས་ལ་སེམས་པ་ཆེན་པོས་ལྷག་ཏུ་བརྩེ༵།།</h5><h5 style="text-align: center;">བསྟན༵་ལ་སྡང་བའི་རྒོལ་ངན་གཞོམ་ཞིང་གཞུང་བརྒྱའི་མདུད་པ་བཀྲོལ་བར་ནུས༵།</h5><h5 style="text-align: center;">བསྟན་འགྲོ་སྐྱོང༵་བའི་རྒྱལ་བའི་གདུང་འཚོབ་གཤེས་གཉེན་ཁྱེད་ལ་གུས་པས་འདུད།། </h5><h5 style="text-align: center;">ལྕགས་ཟམ་བྱམས་པ་རྒྱལ་མཚན་ནས། 👏🏽👏🏽👏🏽</h5><h3 style="text-align: center;"><br /></h3><h3 style="text-align: center;">བློ་གྲོས་བརྩོན་ལྡན་ཟུང་གི་རིག་རྩལ་རྫོགས། །</h3><h3 style="text-align: center;">བཟང་པོའི་འཕྲིན་ལས་ཉི་ཟླའི་རྣ་ཆ་གཡོ། །</h3><h3 style="text-align: center;">རྒྱལ་བསྟན་སྙིང་པོ་འཛིན་སྐྱོང་སྤེལ་མཁས་པའི། །</h3><h3 style="text-align: center;">བཤེས་མཆོག་རི་དབང་རྒྱལ་པོར་སྤྱི་བོས་འདུད།།</h3><h3 style="text-align: center;"> ཆབ་དགོན། བུང་བའི་སྐྱེས་ཚལ་ནས།👏👏👏</h3><h3 style="text-align: center;"><br /></h3><h3 style="text-align: center;"><br /></h3><h3 style="text-align: center;">སྨྲ་ངན་ཕས་ཀྱི་རྒོལ་བའི་ཀླད་འགེམས་ཤིང་།།</h3><h3 style="text-align: center;">བློ་གསལ་བྱེ་བ་ཡང་དག་ལམ་ལ་འགོད།།<br /></h3><h3 style="text-align: center;">བློཾ་བཟཾང་རྒྱལ་བསྟཾན་སྐྱོཾང་བའི་བཤེས་གཉེན་རྗེ།།<br /></h3><h3 style="text-align: center;">མི་འབྲལ་སྤྱི་བོའི་རྒྱན་དུ་རྟག་བཞུགས་གསོལ།།</h3><h3 style="text-align: center;"> ཆབ་དགོན། _མུན་འཇོམས་ནས།👏👏👏</h3><h3 style="text-align: center;"><br /></h3><h3 style="text-align: center;">ཤེས་བྱའི་མཁའ་ལ་བློ༷་བཟ༷ང་མཁྱེན་དཔྱོད་ཀྱི།།</h3><h3 style="text-align: center;">ཆོས་ཚུལ་བཟང་པོའི་འོད་ཞགས་རྣོན་པོ་ཡིས།།<br /></h3><h3 style="text-align: center;">མཐའ་ཀླས་ས་ཆེན་བསྟ༷ན་པའི་པད་ཚལ་འབུམ།།<br /></h3><h3 style="text-align: center;">ཆེས་ཆེར་སྐྱོ༷ང་འདི་ཕན་བདེའི་རྩ་ལག་དངོས།། <br /></h3><h3 style="text-align: center;">ཆབ་དགོན། ཤར་གྱི་རླུང་དམར་ནས།👏👏👏</h3><h3 style="text-align: center;"><br /></h3><h3 style="text-align: center;">གང་གི་དགྱེས་ཞལ་མཇལ་བའི་སྐལ་བ་ནི།།</h3><h3 style="text-align: center;">རེ་ཞིག་རིང་པར་གྱུར་ཀྱང་དེ་ཡི་ནི།།</h3><h3 style="text-align: center; ">སྔག་འོས་ཡོན་ཏན་ཐོས་པས་རིང་མོ་ནས།།</h3><h3 style="text-align: center; ">མི་ལྡོག་དད་པའི་ས་བོན་ཅི་ཡང་ཐེབས།། </h3><h3 style="text-align: center; ">མཛོ་སྒང་། ལས་ནས།👏🏽👏🏽👏🏽</h3> <h3>བློ༵་གྲོས་ཟེར་གྱི་ཆ་ཤས་རེས་ཀྱང་རྨོངས་པའི་མུན་སྟུག་ཅིག་ཆར་འཕྲོག །</h3><h3>བཟ༵ང་པོའི་དྲོད་ཀྱིས་གདུལ་བྱའི་ཞིང་སར་ངེས་ལེགས་འབྲས་བུ་དཔག་མེད་བསྐྲུན།།</h3><h3>མདོ་སྔགས་བསྟ༵ན་པའི་དཀའ་གནད་ཚང་ཚིང་རྨང་ནས་སྲེག་པའི་ཚ་རླབས་ཅན།།</h3><h3>སྐལ་ལྡན་པད་ཚལ་སྐྱོང༵་བའི་གཉེན་གཅིག་བཤེས་གཉེན་སྲིད་པའི་སྒྲོན་མེར་འདུད།།</h3><h5>རྩོམ་སྒྲིག་པ་དྷཱིཿཀུན་ཁྱབ་ནས་ཕུལ། </h5> <h1><span style="color: rgb(237, 35, 8);">རྩོམ་འབྱོར་རིམ་བཞིན་ཁ་སྣོན་ཞུ་ཆོག། </span></h1> <h3>ས་ཕྱོགས་གང་སར་བཞུགས་པའི་མཁས་དབང་ཁོང་གི་བུ་སློབ་སྙུག་ཐོགས་པ་ཡོངས་ཀྱིས་དེ་རིང་དགེ་རྒན་གྱི་དུས་ཆེན་འདི་དང་བསྟུན་ཏེ་ཁོང་ལ་སྙན་ངག་ཤོ་ལོ་ཀ་རེས་མཆོད་པ་ཞིག་འབུལ་ཐུབ་པའི་རེ་སྐུལ་སྙིང་ནས་ཞུ། ངེས་དགོས་པ་ལ་རྩོམ་གྱི་མཇུག་ཏུ་རྩོམ་པ་པོ་སོ་སོའི་མིང་དང་། ཕ་ཡུལ། ཡང་ན་དགོན་པའི་མིང་ངེས་པར་དུ་འགོད་རོགས་གྱིས།</h3><h3><br /></h3><h1><span style="color: rgb(22, 126, 251);">རིན་པོ་ཆེ་ཁོང་ལ་བསྟོད་རྩོམ་འབུལ་འདོད་ནས་གུས་པ་དང་སྐད་འཕྲིན་འབྲེལ་དགོངས་ན་གཤམ་གྱི་བཤེར་རིས་བརྒྱུད་ནས་ཕེབས་ཤོག 👇🏽👇🏽👇🏽</span></h1>