<h3> མཐོང་སྨོན་གླིང་ཚང་གིས། </h3><h3>དགེ་རྒན་དུས་ཆེན་ལ་སྙན་རྩོམ་གྱི་མེ་ཏོག་གཏོར་བ། མཉམ་རྩོམ་སྤེལ་ཐེངས་ཞེ་ལྔ་པ།</h3><h3><••••••••••••••••••••••••••••••••••••••••••••></h3> <h3>ལས་ཀྱིས་རྣམ་ཤེས་ཆགས་པའི་གུར་ཁང་ལ། ། </h3><h3>ཡབ་མེས་ཚང་གི་སྲོག་རྩའི་སྐད་ཡིག་དེ། ། </h3><h3>དབྱངས་ཀྱི་མགྲིན་ངག་གཙང་མས་སྒོ་འབྱེད་པོའི། ། </h3><h3>དུས་སྟོན་བསུ་བའི་ཁ་གཡང་ང་ཚོས་འབོད། ། </h3><h3><_______གཟི་ཁྲ་རིལ་གྱིས་བརྩམས།</h3><h3 style="text-align: center; "><br /></h3> <h3>ལྷོད་ཆགས་གཟི་བརྗིད་ལྡན་པའི་དགེན་རྒན་ལགས།།</h3><h3>ཉིན་མཚན་ལྟོས་མེད་བུ་སློབ་གསོ་སྐྱོང་གནང་།།</h3><h3>ཚད་གསུམ་རིག་པའི་འཕྲུལ་འཁོར་བསྐོར་ལ་མཁས།།</h3><h3>དྲིན་ཆེན་དགེན་རྒན་ཁྱེད་ཀྱི་དུས་ཆེན་བསུ།།</h3><h3><____________སེར་བ་ཡིིས་བརྩམས།</h3><h3><br /></h3> <h3>སེམས་ཀྱི་ལོ་མ་སད་ཀྱིས་མ་བཅོམ་ཞིང་། ། </h3><h3>དམ་པའི་གཞུང་གི་དཀའ་གནད་ཟབ་མོ་ལ། ། </h3><h3>མཐའ་སྡོམ་རིག་པས་གྲབ་པའི་བདག་ཉིད་མཆོག། </h3><h3>སྐུ་ཚེ་མི་འགྱུར་གཡུང་དྲུང་བརྟན་པར་ཤོག ། </h3><h3><___________རིག་སད་ཀྱིས་བརྩམས།</h3><h3><br /></h3> <h3>ཞི་བའི་ཐུགས་ལ་ཚེམ་དཀར་འཛུམ་གྱིས་ཕྱུག།</h3><h3>ཀུན་སྤྱོད་བཟང་ལ་འགྲོ་བ་བྱམས་ཀྱིས་སྐྱོང་།།</h3><h3>གནས་ལྔ་རིག་པའི་རྣམ་དཔྱོད་ཆེས་མཐོ་བའི།།</h3><h3>དགོས་འདོད་མཚུངས་པའི་སློབ་དཔོན་ཁྱེད་ཉིད་བསྔགས།།</h3><h3><________ལྡོང་ཚུལ་བསྟན་གྱིས་བརྩམས།</h3><h3><br /></h3> <h3>མི་ཚེ་རླུང་ལ་མ་སྐུར་རེ་འདུན་གྱི་ཀློང་ནས།།</h3><h3>སེམས་འདི་སློབ་གསོ་སྐྱོང་བའི་དྲིན་ཆེན་ཁྱེད་ཡིན་ནོ།།</h3><h3>བྱམས་བརྩེའི་སྙིང་ཁུ་དམར་པོ་སེམས་ཐོག་ན་བཞུར་དུས།།</h3><h3>དྲིན་ཆེན་དགེ་རྒན་དམ་པའི་དུས་ཆེན་འདིར་གླེང་འདོད།།</h3><h3><br /></h3><h3><___________གཤེན་ཕྲུག་གིས་བརྩམས།</h3> <h3>བསྟན་དང་འགྲོ་བར་ཕན་ཕྱིར་བཀའ་སྤྱད་དང་སྙིང་རུས།།</h3><h5>བསླབ་གསུམ་འདུས་སྡེ་སྐྱོང་བའི་རྣམ་དཀར་གྱི་མཛད་བཟང་།།</h5><h3>དུས་ཀུན་རྒྱུན་བཞིན་མི་ལྷོད་བདེན་གཙོ་རུ་འཛིན་མཁན།</h3><h3>མཚུངས་མེད་དྲིན་གྱི་བཤེས་གཉེན་སྐུ་ཚེ་ཡུན་བརྟན་སྨོན།།</h3><h3><___________ཁྲ་ཟི་འཁྱུག་གིས་བརྩམས།</h3> <h3>ཞོགས་པ་དེར།</h3><h3>མཛེས་སྡུག་གིས་སྐྲུན་ཞིང་།</h3><h3>འཇིན་རྟེན་འདིར་དགའ་བས་བསུ།</h3><h3>ང་ཚོ་ཉིན་དེར་དགེ་རྒན་གྱི་དུས་ཆེན་བསུ་ཞིང་།</h3><h3>སྨོན་ཚིག་གི་མཆོད་པ་འབུལ།</h3><h3>ཆེས་མཐོ་བའི་མི་ཚེ་འདི་སློབ་གསོ་དང་ལྷག་བསམ་སྙིང་རྗེས་སྐྱོང་མཁན་དགེ་རྒན་ཡིན་ལ།</h3><h3>མཛེས་སྡུག་གི་ཕོ་བྲང་དེར་འུར་སྒྲས་སྒྲོག་པ།</h3><h3>དགེ་རྒན་གྱིས་གནང་བའི་ང་ཚོས་འཆད་རྩོད་ཀྱི་འུར་སྒྲ་ཡིན། གལ་ཏེ་གནས་འདིར་ཁྱེད་མེད་ན་ང་ཚོ་འུར་ཆའི་ཁ་དེ་མེད་པ་དང་ཁྱད་མེད།</h3><h3>ཕོ་བྲང་གི་བརྗིད་ཉམས་ཀྱང་འདི་ལྟར་གལ་ལ་རྒྱས་ནུས། ཁྱེད་མེད་ན་ང་ཚོ་རྐང་པ་གཉིས་ཐོག་ཏུ་ལངས་ཐུབ་ཀྱང་འགྲོ་མི་ཐུབ། ང་ཚོས་ཇི་ལྟར་བཤད་ཀྱང་ཁྱེད་ནི་སེམས་ཀྱི་ལྷ་ཡིན་ལ།</h3><h3>ལུས་ཀྱི་གོས་ཡིན། དགེ་རྒན་ལགས།</h3><h3><_______བཙན་ཞགས་ཀྱིས་བརྩམས།</h3> <h3>སྐུ་བརྗིད་ལྷུན་པོའི་དཔག་བསམ་ལྗོན་ཤིང་རྩེར།།</h3><h3>གསུང་དབྱངས་དཔྱིད་ཀྱི་ཕོ་ཉས་སྒྲ་སྙན་སྒྲོག།</h3><h3>ཐུགས་ཀྱི་པད་མས་བུང་བ་སྤྲིན་བཞིན་འདུས།།</h3><h3>ཡོན་ཏན་རལ་གྲིས་རྨོངས་པའི་དྲ་བ་དཔྲལ།།</h3><h3>ཕྲིན་ལས་ཚ་བས་མུན་པའི་བ་མོ་གཞོམས།།</h3><h3><________ཁྱུང་གི་རུ་ཐུར་གྱིས་བརྩམས།</h3><h3><br /></h3> <h3>གང་སྐུ་མི་འགྱུར་རི་རྒྱལ་ཇི་བཞིན་གཡོ་འགུལ་མི་མངའ་འཇིག་མེད་བརྟན་གྱུར་ཅིག།</h3><h3>གང་གསུང་འགག་མེད་ཁུ་བྱུག་ཇི་བཞིན་མགྲིན་དབྱངས་སྒང་དྲུག་རི་ལ་གྲགས་གྱུར་ཅིག།</h3><h3>གང་ཐུགས་འཁྲུལ་བྲལ་དབྱིངས་སྔོན་ཇི་བཞིན་ཆར་སྤྲིན་སྟུག་པོས་འཚེ་དོགས་དབེན་གྱུར་ཅིག།</h3><h3>ཡོན་ཏན་མི་ཟད་སྐར་ཚོགས་ཇི་བཞིན་ལྷ་ལམ་ཡངས་ནས་སྒྲིབ་མེད་བཀྲ་གྱུར་ཅིག།</h3><h3>ཕྲིན་ལས་ཟབ་མོ་དབྱར་མཚོ་ཇི་བཞིན་སྒང་དྲུག་རི་བོའི་ཕར་མཐར་བརྒལ་གྱུར་ཅིག།</h3><h3><_______ལྡོང་གཡུང་དྲུང་གིས་བརྩམས།</h3><h3><•••••••••••••••••••••••••••••••••••••••••••••></h3><h3> ལས་འཛིན་པ། ལྡོང་གཡུང་དྲུང་། སྦྲེལ་ཨང་།</h3><h3><br /></h3><h3> ༡༨༧༩༨༩༨༧༤༣༩ ifffiiifffiifuf</h3><h3 style="text-align: center; "><••••••••••••••••••••••••••••••••••••••••••></h3>