<h3><span style="color: rgb(237, 35, 8);"><br /></span></h3><h3><span style="color: rgb(237, 35, 8);">ཉིན་ཐོ །</span></h3><h3><span style="color: rgb(237, 35, 8);"> 2017……8……24 རེས་གཟའ་ལྷ་ཡི་བླ་མ །</span></h3><h3><span style="color: rgb(237, 35, 8);"><br /></span></h3><h3><span style="color: rgb(237, 35, 8);">དེ་རིང་ངས་མཐོ་འབྲིང་སློབ་མ་འགའི་དཔེ་ཆ་ཉུང་ཤས་ཤིག་བཀླགས་པ་ཡིན ། དངོས་གནས་བློར་ཕན་པའི་ལེགས་བཤད་དུ་མ་ཞིག་གདའ་མོད ། དེའི་ནང་ནས ། ༼མང་དུ་ཀློག་པ་དང་མང་དུ་འབྲི་བ༽ཞེས་པའི་བསླབ་གཞི་ཞིག་གདའ ། དེར་ཞིབ་ཕྲའི་སྒོ་ནས་ཀློག་པ་ཡིན ། དེའི་བརྗོད་བྱ་དང་རྗོད་བྱེད་ལེགས་ཤིང་ན་གཞོན་བསླབ་གཉེར་བ་ཚོར་སློབ་གསོ་ཞིག་ཀྱང་རེད་འདུག </span></h3><h3><span style="color: rgb(237, 35, 8);">དེ་ནས་རྩོམ་པ་པོ་ཁོང་གིས༼དཔེ་ཆར་དགའ་བར་གྱིས་དང་། དེས་ཁྱོད་ལ་སྟོབས་ཤུགས་སྩོལ་ངེས་ཡིན "༽ཞེས་བྲིས་ནས་ན་གཞོན་ང་ཚོར་དྲན་སྐུལ་གྱི་གདམས་ངག་ཏུ་བཀོད་ཡོད་པ་མ་ཟད ། རྩོམ་པ་པོ་ཚད་ལྡན་སོགས་ཀྱི་རྩོམ་ཡིག་མང་པོ་ཡང་ནས་ཡང་དུ་བཀླགས་ན །རྗེས་སུ་ཁྱོད་ཀྱིས་རྩོམ་ཡིག་འབྲི་སྐབས་རྩོམ་ཉམས་དང་ཚིག་འགྲོས་སོགས་ལ་ལད་མོ་བྱས་ནས་ཆོག་པ་གསུངས་འདུག ཁོང་གི་ལེགས་བཤད་ཀྱི་གསུང་དེས་ཕྲན་ཆུང་བདག་གི་དྭངས་གསལ་མེ་ལོང་ལྟ་བུའི་བློ་ངོར་བསུབ་ཏུ་མེད་པའི་རི་མོ་ཞིག་རྐོ་སོང་།</span></h3><h3><span style="color: rgb(237, 35, 8);">ཁོང་གི་ལེགས་བཤད་དེ་ནི་མི་བདེན་པ་སུ་ཞིག་སྒྲུབ་ནུས ། སུ་ཞིག་ལ་ལུང་རིགས་ཡོད ། ཇི་སྐད་དུ་རྗེ་གུང་ཐང་རིན་པོ་ཆེའི་ཞལ་སྔ་ནས ༼""རྩོམ་མཁན་རྣམས་ནི་རྐུ་མ་ཡིན །ང་ནི་རྐུ་མའི་རྒྱལ་པོ་ཡིན ""༽ཞེས་གསུང་པ་དང་ཕྱོགས་མཐུན་ཡོད་པས །</span></h3><h3><span style="color: rgb(237, 35, 8);">དཔེ་ཆ་མང་པོ་དང་རྩོམ་ཡིག་འདྲ་མིན་མང་པོ་བཀླག་དགོས་པ་ནི ། སློབ་མ་ཚོར་ཕྲག་ཏུ་བབ་པའི་འོས་འགན་ལྕི་མོ་ཞིག་དང་ ། དེའི་ནང་དོན་བཟང་པོ་དང་རང་ལ་ཉེ་བར་མཁོ་བ་རྣམས་ཟིན་བྲིས་སུ་ཕབ་ནས་བློར་བྱང་ཆུབ་པ་གནང་དགོས་པ་ཞིག་ཅི་ལ་མིན །</span></h3><h3><span style="color: rgb(237, 35, 8);">ངས་ཀྱང་དེར་ངེས་ལྡན་གྱི་མདོ་བཞིན་ཁས་བླངས་ནས་རང་ཁྱིམ་གྱི་སྒོ་རྭའི་རོ་ལྡན་སྡོང་བའི་འོག་ཏུ་འདུག་ནས་སྙན་རྩོམ་ཀློག་ཞོར་དུ་ཉིན་ཐོ་དང་རྩོམ་རྙོག་ལ་རོལ་ནས་ཉི་མ་སྐྱེལ་པ་ཡིན །</span></h3><h3><span style="color: rgb(237, 35, 8);"> ࿐ཉི་མ་ནུབ་ཁའི་ཉི་ཟེར་རང་ཁྱིམ་ལ་ཕོབ་པ་དང་མཉམ་དུ་ནས་བྲིས །</span></h3><h3><span style="color: rgb(237, 35, 8);"><br /></span></h3><h1><br /></h1>