<h3 style="text-align: center;">རི་བོའི་ཕར་ནང་།</h3><div style="text-align: center;"><br></div><div style="text-align: center;">རི་བོ་སྟོང་གི་ཕར་ནང་ནས།།</div><div style="text-align: center;">ཆུ་བོ་སྟོང་གི་ཚུར་ནང་ནས།།</div><div style="text-align: center;">རི་ཆུ་གྲངས་མེད་བར་མཚམས་ན།།</div><div style="text-align: center;">ཁྱོད་ཉིད་གླེང་ནས་དྲན་བཞིན་ཡོད།།</div><div style="text-align: center;"><br></div><div style="text-align: center;">མི་ཚོགས་རྒྱས་མེད་མང་ས་ནས།།</div><div style="text-align: center;">སྐད་དང་ཡིག་རིགས་མོད་ས་ནས།།</div><div style="text-align: center;">མི་རིགས་གྲངས་མེད་འདུ་ས་ན།།</div><div style="text-align: center;">ཁྱོད་ཉི་ཡིད་ལ་ཝ་ལེར་ཤར།།</div><div style="text-align: center;"><br></div><div style="text-align: center;">བར་ཐག་བཤད་ན་ཡིད་སེམས་སྐྱོ།།</div><div style="text-align: center;">རེ་སྒུག་ཟེར་བཞིན་མིག་ཆུ་ཤོར།།</div><div style="text-align: center;">སྐྱོ་གདུང་འདྲེས་མའི་སོ་ཁ་ནས།།</div><div style="text-align: center;">ཁྱོད་ནི་བརྗེད་མེད་རི་བོ་རེད།།</div><div style="text-align: center;"><br></div><div style="text-align: center;">ནམ་ཟླ་ངོ་བོ་གཞན་ལ་འགྱུར།།</div><div style="text-align: center;">རྫ་ཆུའི་བཞུར་སྒྲ་རྣ་བར་རྩུབ།།</div><div style="text-align: center;">བྲག་ཆ་ལྟ་བའི་སྒྱུ་མའི་ཁམས།།</div><div style="text-align: center;">ནམ་ཞིག་འདི་ལས་ཐར་བར་སྨོན།།</div><div style="text-align: center;"><br></div><div style="text-align: center;">མཚན་ལྗོངས་གློག་འོད་མིག་ལ་ཞེན།།</div><div style="text-align: center;">རྫང་བུ་དག་གིས་མཛེས་ཉམས་ངོམ།།</div><div style="text-align: center;">ཡིད་ཀྱི་གཏིང་གི་མཛེས་པ་དེ།།</div><div style="text-align: center;">སུ་དང་གང་གིས་རྟོགས་མི་ནས།།</div><div style="text-align: center;"><br></div><div style="text-align: center;">ཁྱོད་ཞལ་མིག་ལ་འཁྱིལ་བ་དེ།།</div><div style="text-align: center;">མིག་གི་བདག་རྐྱེན་ཁོ་ནར་གྱུར།།</div><div style="text-align: center;">མིག་ཟུང་ཙུམ་བར་མ་གྱུར་བར།། </div><div style="text-align: center;">སེམས་ཀྱི་ངེས་ལ་མར་མེ་བཞིན།།</div><div style="text-align: center;"><br></div><div style="text-align: center;">དུས་རླུང་།</div>