<h3 style="text-align: center;"><font color="#ed2308"> </font><b style=""><font color="#ed2308">དམྱལ་བ་ཞིག་ལ་འགྲོ་དགོས་བྱུང་ཡང་བོད་རྒྱུད་ནང་བསྟན་གྱི་དམྱལ་བར་འགྲོ་འདོད།</font></b></h3><div> གངས་ཞུན།</div><div><br></div><div>བྱིན་རླབས་ཡོད་ཀྱང་ཆོག་ལ་མེད་ཀྱང་ཆོག</div><div>ལས་རྒྱུ་འབྲས་ཀྱི་རིགས་ལམ་ལ་ཡིད་ཆེས་ཤིང</div><div>སྟོང་རྟེན་འབྱུང་གི་ལྟ་བ་བྲང་ལ་བརླན་པ་ནས་བཟུང</div><h3>དམྱལ་བ་ཞིག་ལ་འགྲོ་དགོས་བྱུང་ཡང་བོད་རྒྱུད་ནང་བསྟན་གྱི་དམྱལ་བར་འགྲོ་འདོད།</h3><div><br></div><div>མཐུ་རྩལ་ཡོད་ཀྱང་ཆོག་ལ་མེད་ཀྱང་ཆོག</div><div>ཕ་རྒྱུད་ཀྱི་རིས་་སུ་འཁྲུལ་བ་མེད་ཅིང</div><div>མ་རྒྱུད་ཀྱི་རིགས་སུ་ནོར་བ་མེད་པ་ཡིན་ཕྱིན</div><div>བཀའ་ཆད་ཅིག་ཁུར་དགོས་བྱུང་ཡང་རྒྱུད་པའི་སྲུང་མའི་བཀའ་ཆད་ཁུར་འདོད</div><div><br></div><div>མདུན་ལམ་ཡོད་ཀྱང་ཆོག་ལ་མེད་ཀྱང་ཆོག</div><div>ཐུན་མོང་གི་འཚོ་གནས་ལ་ཐད་ཀར་འབྲེལ་ཞིང</div><div>དབུལ་བའི་སྡུག་བསྔལ་ལ་ཐར་ལམ་རེ་རེག་ཕྱིན</div><div>མིང་ངན་ཞིག་ཁུར་དགོས་བྱུང་ཡང་ཕ་ཡུལ་ལུང་བའི་མིང་ངན་ཁུར་འདོད།</div><div><br></div><div>ཁེ་ཕན་ཡོད་ཀྱང་ཆོག་ལ་མེང་ཀྱང་ཆོག</div><div>དངོས་ཡོད་ལ་ངར་ཆེན་གྱིས་ཁ་གཏད་གཅོག་ཅིང</div><div>ངའི་མི་དམངས་ལ་འཚམས་པའི་འགྲོ་ལམ་རེ་རྙེད་ཕྱིན</div><div>ཕམ་ཁ་ཞིག་ཉོ་དགོས་བྱུང་ཡང་མདོ་དབུས་མཐོ་སྒང་་ནས་ཕམ་ཁ་ཉོ་འདོད།</div><div><br></div><h3><br></h3>