<h1 style="text-align: center;"><b><font color="#ff8a00">༼ཡིད་ཀྱི་གབ་རྩེ།༽</font></b></h1> <h3><div style="text-align: left;">ཡངས་པའི་རྩྭ་ཐང་ན</div><div style="text-align: left;">མགོ་བོ་མཁའ་ལ་ཕྱོགས</div><div style="text-align: left;">ལག་པ་བྲང་ལ་བཞག་སྟེ</div><div style="text-align: left;">མིག་ཟུང་ཟུམ་གྱིན</div><div style="text-align: left;">ཅི་ཞིག་ལ་མཉམ་པར་བཞག་ཡོད</div><div style="text-align: left;">བསིལ་རླུང་འཇམ་པོ་ངོ་ལ་དལ་བུ་རྒྱུ་དུས</div><div style="text-align: left;">གང་ཞིག་ཡིད་ལ་དྲན་སོང</div><div style="text-align: left;">ཨ་་་་་ཨ་་་་་་</div><div style="text-align: left;">དེ་ནི་ང་རང་གཅིག་པུ་ལས་སུ་ཞིག་གིས་ལན་འདེབས་ནུས</div><div style="text-align: left;">གང་ཞིག་གིས་ཡིད་ལ་འཆར་ཐུབ</div><div style="text-align: left;">དོན་འདི་ནི་རྨི་ལམ་གྱི་ཞིང་ཁམས་ཉུལ་བ་བཞིན</div><div style="text-align: left;">དུས་ཐུང་ཞིག་ལ་འཇིག་རྟེན་སྐོར་བ་བྱས་སོང</div><div style="text-align: left;">དེའི་སྐབས་ཚོར་བ་ངོ་མ་ཞིག་གི་ང་རང་ཡོངས་སུ་བཟི་སོང</div><div style="text-align: left;">ཨ་ལ་ལ་་་་</div><div style="text-align: left;">འདི་ནི་བུ་རམ་གྱི་བྲོ་བ་བཞིན</div><div style="text-align: left;">ཡིད་ལ་གསར་པོར་འཆར་ཡང་ཇི་བཞིན་སྨྲ་བ་ནི་མི་ནུས་སོ།།</div></h3> <h3><div style="text-align: center;"><i><font color="#39b54a">2017—8—10/19:45</font></i></div><i><div style="text-align: center;"><i><font color="#39b54a">ཨ་ཀར་ཤེས་ཀྱིས་ཐོལ་གྱིས་བྲིས་སོ།།</font></i></div></i></h3> <h1 style="text-align: center;"><b><font color="#ff8a00">༼སྐྱེས་ཕོ་རབ་ཅིག་འདོད།༽</font></b></h1> <h3><div style="text-align: left;">ངས་གདམ་པའི་མདུན་ལམ</div><div style="text-align: left;">ངའི་རྡོག་པའི་འོག་གི་ལམ་བུ་འདི</div><div style="text-align: left;">ཀྱག་ཀྱོག་དང་འཕྲང་ལམ་ཇི་ལྟར་རྒོད་ཀྱང</div><div style="text-align: left;">ངས་དབུགས་རིང་ཞིག་གི་སྣ་ལ་ངལ་གསོ་ཡང་བྱེད་མི་སྲིད་ལ</div><div style="text-align: left;">ང་ཡི་ཐང་ཆད་ནས་ཕྱི་ལོག་ཀྱང་དེ་བས་བྱེད་མི་སྲིད</div><div style="text-align: left;">དེས་ན་ངས་ནམ་ཡང</div><div style="text-align: left;">གཏན་དུ</div><div style="text-align: left;">སེམས་ཀྱི་ཞིང་ཁམས་དེ་ལ་མ་སླེབས་བར</div><div style="text-align: left;">མདུན་ནས་མདུན་དུ་བསྐྱོད་རྒྱུ་ཡིན</div><div style="text-align: left;">གཞན་གྱིས་ང་ལ་ཀླད་རྙིང་དང</div><div style="text-align: left;">ཨུ་ཚུགས་ཅན་ཞེས་སྡིགས་མོ་བྱས་ན་ཡང་ཆོག</div><div style="text-align: left;">གང་ལྟར་ང་ནི</div><div style="text-align: left;">མི་ལུས་ལ་མི་སེམས་ལྡན་པའི་སྐྱེས་ཕོ་རབ་ཅིག་དང</div><div style="text-align: left;">ཁ་དང་ལག་པ་དོ་མཉམ་པའི་ཕོ་རྒོད་ཅིག་ལ་འདོད</div><div style="text-align: left;">དེས་ན་ངས་ཁ་བཤད་ལག་ལ་ལེན་ནས</div><div style="text-align: left;">མདུན་ནས་མདུན་དུ</div><div style="text-align: left;">ཡུན་ནས་ཡུན་དུ་བསྐྱོད་རྒྱུ་ཡིན</div></h3> <h3 style="text-align: center;"><i><font color="#39b54a"><br></font></i></h3><div style="text-align: center;"><i><font color="#39b54a">2017—8—10/21:7</font></i></div><div style="text-align: center;"><i><font color="#39b54a">ཨ་ཀར་ཤེས་ཀྱིས་མ་བཅོས་ཐོལ་བྱུང་དུ་བྲིས་སོ།།</font></i><br></div> <h1 style="text-align: center;"><b><font color="#ff8a00">༼སེམས་ཀྱི་རང་གཤིས༽</font></b></h1> <h1><div style="text-align: center;">སེམས་ཀྱི་ཚོར་བ་གཤོག་ཐོགས་རྒོད་པོ་བཞིན།།</div><div style="text-align: center;">འཇིག་རྟེན་མཁའ་དབྱིངས་འདི་རུ་རྒྱང་དུ་འཕུར།།</div><div style="text-align: center;">འདྲིས་པའི་དངོས་པོ་བྲག་རྐོས་རི་མོ་བཞིན།།</div><div style="text-align: center;">སུས་ཀྱང་བསུབ་མེད་བརྟན་པོར་ཡིད་ལ་འཆར།།</div></h1> <h3 style="text-align: center;"><i><font color="#39b54a">2017—8—10/20:13</font></i></h3><div style="text-align: center;"><i><font color="#39b54a">ཨ་ཀར་ཤེས་ཀྱིས་སོ།།</font></i></div> <h1 style="text-align: center;"><b><font color="#ff8a00">༼ཚོར་བ་སྐྱུར་མོ།༽</font></b></h1> <h1><div style="text-align: center;"><font color="#39b54a">གདོས་བཅས་ལུས་འདི་མལ་ས་ནང་དུ་ལྷུངས།།</font></div><div style="text-align: center;"><font color="#39b54a">སེམས་ཀྱི་རྟ་ཕོ་རྨི་ལམ་མཁའ་གྲོང་ཉུལ།།</font></div><div style="text-align: center;"><font color="#39b54a">ཁྲ་ཆུང་མིག་གཉིས་ལྷོ་མཐའི་སྤྲིན་ལ་འཕྲེང་།།</font></div><div style="text-align: center;"><font color="#39b54a">དབུགས་རིང་ཞིག་གི་མཇུག་ཏུ་སྐྱོ་བས་བཟི།།</font></div></h1> <h3 style="text-align: center;"><i>ཨ་ཀར་ཤེས་ཀྱིས་སོ།། 2017-8-13/15:40</i></h3> <h3><div style="text-align: center;"><font color="#39b54a">ཡིག་འབྲི་པ། ཨ་ཀར་ཤེད།</font></div><div style="text-align: center;"><font color="#39b54a">执笔者：阿呷西</font></div><div style="text-align: center;"><font color="#39b54a">པར་ལེན་པ། ཨ་ཀར་ཤེས།</font></div><div style="text-align: center;"><font color="#39b54a">摄影师： 阿呷西，</font></div><div style="text-align: center;"><font color="#39b54a">བརྙན་ལེན་པ། ཨ་ཀར་ཤེས།</font></div><div style="text-align: center;"><font color="#39b54a">拍摄者：阿呷西</font></div><div style="text-align: center;"><font color="#39b54a">སྒྲིག་སྦྱོར་པ། ཨ་ཀར་ཤེས།</font></div><div style="text-align: center;"><font color="#39b54a">编排着： 阿呷西</font></div></h3>