<h3><span style="color: rgb(237, 35, 8);"> ཉིན་དང་ཟླ་བསགས་པའི་བརྩེ་བ།</span></h3><h3><span style="color: rgb(237, 35, 8);">༄༅།།༢༠༡༧ལོའི་ཟླ་༧པའི་ཚེས་༣ཉིན་ནས་སློབ་གསོ་ཅུས་ནས་རྩ་འཛུགས་བྱས་ཤིང་གྲོང་སྡེ་དང་གྲོང་བརྡལ་རྫོང་རིམ་པའི་སློབ་གྲྭ་རེ་རེ་ནས་མངགས་ཤིང་མི་གྲངས་སུམ་ཅུའི་གྲུབ་པའི་སྒྱུ་རྩལ་ལ་དགའ་ཞིང་སློབ་མ་ཤ་ཚ་བའི་ཉམས་ཆུང་དགེ་རྒན་གྱི་ཞབས་བྲོ་རུ་ཁག་གམ་ཞབས་བྲོ་ཚོགས་པའི་་ཟླ་བརྒྱད་པའི་ཚེས་ལྔ་ཉིན་གྱི་ཞོགས་པ་ནམ་མཁའ་ན་སྤྲིན་པ་འཁྲིགས་ཤིང་ཁ་དབུགས་ཧ་ཅང་དྭངས་བ་ངོ་གདོང་འཛུམ་གྱི་གང་བའི་ཉིན་མོ་འདི་ལ་ཚང་མ་བསམ་ཐོག་གཅིག་ལ་བབས་ནས་སུམ་མདོའི་རྩྭ་ཐང་གི་རས་གུར་ཕུབ་པའི་ཡུལ་དེ་ལ་སྤྲོ་གསེང་དུ་ཕེབས་པའི་མི་སྣའི་སྐུ་པར་དང་འགྲུལ་བཞུད་ཀྱི་བསམ་ཚོར།</span></h3> <h3><span style="color: rgb(237, 35, 8);"> གོང་པར་འདི་ནི་འདབ་པའི་ཆེས་སྤྱིར་བཏང་གི་ཞང་གྲོང་ན་མི་ཚེ་དང་ལང་ཚོ་སློབ་གསོ་ལ་འབུལ་བའི་ན་གཞོན་གྱི་དཔུང་སྡེ་ཞིག་ཡིན་ལ་ཀྲུང་གོ་མི་དམངས་བཅངས་འགྲོལ་དམག་བཙུགས་ནས་ལོ་འཁོར་༩༠་ལོན་པའི་དྲན་གསོའི་བྱ་འགུལ་སྟེང་རེ་བ་དང་སྤོབས་པའི་ཁེངས་བའི་ཕོ་གསར་མོ་གསར་ཚོའི་གར་གྱི་སྟངས་སྟབས་མངོན་པའི་སྐབས་སུ་མཉམ་དུ་བསྐྱོན་པའི་ཐུན་མོང་གི་ལག་རྟགས།</span></h3> <h3><span style="color: rgb(237, 35, 8);">རས་གུར་ནང་ནས་བོད་རང་གི་ཐུན་མོང་མ་ཡིན་པའི་རྩམ་དྲི་དང་མར་དྲི་དྲོ་བའི་ཤ་མོག་དང་རྒྱུ་མ་དཀྲུག་ཇ་སོགས་དགོད་སྒྲའི་ངང་ཟ་འཐུང་བྱེད་པའི་ཟུར་ཙམ།</span></h3> <h3> ལ་རྒྱའི་དཔུང་བ་མཐོ་ཞིང་མཐུན་སྒྲིལ་གྱི་ཨ་ལུང་གཅིག་དུ་སྦྲེལ་བའི་ང་ཚོའི་རྒྱས་ཟ་རྒྱས་འཐུང་བྱེད་པའི་རྣམ་པ་འདི་ལ་ཡིད་སྨོན་འཆོར་ན་ཁ་ངོ་དང་རང་ཚུགས་མ་བསམ་པར་ཤོག་དང་མཉམ་འཐུང་བྱེད། ཨ་རག་གི་བཟི་ཁ་ནས་འཚོ་བ་དང་སེམས་པའི་བར་གྱི་ཚོར་སྣང་གསོན་པོ་འཚོལ་འདོད་ན་ཤོག་དང་མཉམ་འཐུང་བྱེད།ཁྱོད་རང་སྐྲག་མི་དགོས་འདི་ནི་ང་ཚོའི་རང་སྟེང་ནས་བསྡུས་པའི་སྒོར་མོ་ལས་གཞན་གྱི་དཀའ་སྡུག་གི་རྔུལ་ཆུ་ལས་བཏོན་པའི་དཀོར་ཟས་མིན་ཤོག་དང་མཉམ་ཟ་བྱེད།</h3> <h3> དེང་རབས་ཀྱི་ལས་ལ་བརྩོན་པའི་མཛེས་མ་གཉིས་དང་སྤོ་ལོ་རྒྱག་མཁན་ཞབས་བྲོ་འཁྲབ་མཁན་ཁ་རྩལ་ཅན་དགེན་རྣམས་པའི་ཤ་བསྲེགས་པའི་རྣམ་པ།</h3> <h3><br /></h3><h3> ཉིན་གང་བོར་གླུ་ལངས་ཁ་བརྡ་བྱས་རྩེད་མོ་རྩེ་ནས་ཐང་ཆད་པའི་བར་གསེང་ནས་གློ་བུར་དུ་ལྷང་འཇགས་ཀྱི་གྲུ་ཟུར་ཞིག་པར་མིག་ལ་བཀོད་པ།</h3> <h3><br /></h3><h3> བྱིས་པ་ཚོ་ཡར་མར་མྱུལ་ནས་ཨ་མ་གཉིས་ཀྱི་ལག་ཟས་ལ་ཡ་མཚན་དང་སྐོམ་པ་ཆུ་འདོད་ལྟར་མིག་ཅེ་རེེར་ལྟ་བ</h3> <h3>དགེན་སྟོབས་ལྡན་ནི་གསར་བུ་ཚོ་དང་སེམས་མཐུན་ལ།སྐྱེས་ཕོ་རབ་ཤིག་ལ་འཛོམས་གསུམ་ཡོད་ཟེར་བ་བཞིན་བཤད་ཕོད་པ་སྒྲུབ་ཕོད་པ་ལས་ཕོད་པའི་མི་བུ་ཞིག་ཡིན།ཁོ་ནི་འདབ་པ་ནས་འཚར་ལོངས་བྱུང་བ་དང་ཡུལ་གྲུ་འདི་ན་སྙན་གྲགས་རྒྱས་པའི་གླུ་བ་ཞིག་ཡིན་ལ་ཐེངས་འདིའི་བྲོ་འཁྲབ་པའི་སྣེ་ཁྲིད་ཡང་ཡིན་ང་ཚོར་སྙན་མོ་ངག་གི་གླུའི་ལྟ་བ་བྱེད་བཞིན་པ།</h3> <h3> སྒང་བ་བོད་པའི་གནས་རི་ས་གཙང་གཡའ་དག་གི་ཡུལ་ནས་སྐྱེས་ཤིང་བོད་གཞས་ལེན་མི་ཤེས་ཤིང་ཆང་ཕོར་ཡར་བཀྱགས་ནས་ཚང་མའི་དབྱིས་རིགས་ཀྱི་གླུ་གཞས་ཤིག་མཉམ་དུ་ལེན་པའི་རྣམ་པ།</h3> <h3> རས་གུར་ཆུང་ཆུང་འདིའི་ནང་ན་བཤད་མི་ཚར་བའི་གཏམ་རྒྱུད་དང་གླེང་མི་ཚར་བའི་ལོ་རྒྱུས་དཔང་པོ་ཡོད།ཉིན་གཅིག་གི་དུས་ཚོད་ནི་ཧ་ཅང་མགྱོགས་མོད་འོན་ཀྱང་ཤ་བསྲེག་གི་ཡོ་བྱེད་དང་རས་གུར་སོགས་གང་ཅིའི་ཐད་ནས་ཧ་ཅང་བཟང་།རང་གི་ཡིད་སེམས་ཀླུང་ལ་སྙིང་རྗེ་བའི་དགེ་རྒན་འདི་ཚོ་དུས་བརྟན་དུ་གནས་པར་ཤོག།</h3><h3> མདོར་གཏམ་སྙིང་གི་རི་མོ་ནི་ད་ཐེངས་སྤྱི་བསྡོམས་པའི་སྤྲོ་གསེང་འདི་ཞུགས་ཐུབ་པའི་མི་གྲངས་ཉེར་ལྔ་དང་ཉིན་འདིར་ཕེབས་མ་ཐུབ་པའི་དགེ་རྒན་ཡང་ཁ་ཤས་ཡོད་མོད་འོན་ཀྱང་འདི་དག་ལ་འཁང་ར་མེད་རྒྱུ་མཚན་ནི་རང་རང་ལ་ཡང་ལས་ཀ་དང་འཚོ་བ་ཞིག་ཡོད་པའི་དབང་གི་ནམ་རྒྱུན་ཁོམ་པ་དང་དུས་ཚོད་ཡོད་མེད་དགོས་དབང་གི་ཕྲད་སྲིད་པ་ཡིན།དེའི་རྐྱེན་གྱིས་དུས་ཚོད་རེག་ཐུབ་པ་རེ་བྱུང་ན་ཡང་བསྐྱར་མཉམ་འཛོམས་ཀྱི་དགོད་སྒྲ་དང་ལྷན་དུ་བསྡད་ནས་གང་དགའ་གང་བཟའ་བྱེད་ཡ།ཧུར་བརྩོན་དང་སྐྱེས་གཟུགས་ཡག་ལ་གཞོན་ཤ་འཛོམས་པའི་སྙིང་ལ་རྗེ་བོ་ཚོ།ཕོ་ཚུགས་ལྡན་ལ་གཞུང་དྲང་ཚུལ་ལྡན་གྱི་སྟར་ཤར་ཚོ།ང་ཚོ་ལ་ལས་བསྐལ་འཛོམས་ན་ད་དུང་སློབ་གསོའི་སྟེགས་བུ་སྟེང་ནས་ཤ་ཚ་ཚ་དང་སྙིང་ཉེ་ཉེ་ཡི་བློ་གསལ་གཞོན་ནུ་ཚོར་ཡོན་ཏན་བསྩོལ།རང་ལ་དགོས་པའི་ཡོན་ཏན་ཉི་མ་རེ་ལ་ཁོག་དུ་བཟུང་ནས་སྦྱང་སྟོབས་ཀྱི་དཔལ་འབར་བའི་སློབ་བུ་ཚོར་ཤེས་རིག་གི་སྒོ་མོ་བསྩོལ།རིག་པའི་ཁ་ཕྱོགས་བསྟན་ནས་སློབ་བུ་ཚོར་རང་ལ་དབང་བའི་ནམ་མཁའ་ཞིག་བསྐྲུན་ཡ།མདོར་ན་སློབ་གསོ་ལའང་འདི་ལྟ་བུའི་དགའ་ཞེན་དང་སྟོབས་ཤུགས་འབུལ་ནས་དཔལ་འབྱོར་རིག་གསུམ་གྱིས་མངའ་ཐང་དར་བའི་གཞན་གྱི་མིག་ནང་གི་འོད་དང་ཀླད་པའི་གཙུག་ལྟ་བུའི་མི་མང་ཚོགས་སའི་གྲལ་དང་མཁས་བ་འདུག་སའི་དཀྱིལ་ནས་འདབ་པ་ཞེས་མགྲིན་པ་གཟེངས་སུ་བཏོན་ཆོག་པའི་ཡུལ་གྲུ་ཞིག་དུ་གྱུར་བར་སྨོན་པར་འཚལ་ལོ།།</h3><h3><br /></h3><h3>དོ་རྒྱ་བ་དོན་གྲུབ་དབང་རྒྱལ་ནས་ལོ་ཟླ་ཚེས་བཟང་ཉིན་ཟིན་བྲིས་ཙམ་དུ་ཤར་མར་བྲིས།ཡིག་ནོར་དང་ཚིག་གི་སྦྱོར་བ་ལ་དགོངས་དག</h3><h3><br /></h3>