<h3> </h3><h3> ཚེ་རིང་སྐྱིད།<br /></h3><h3><br /></h3><h3><br /></h3><h3><br /></h3><h3>ཁྱེད་བཞུད་ཤུལ་དུ། ཁྱེད་དྲན་པའི་སེམས་པ་ཆུ་ལས་གྲང་།</h3><h3>ངས་ཁེར་རྐྱང་གི་གཏམ་རྒྱུད་འབྲི་བཞིན།</h3><h3>ངས་ཁེར་བགྲོད་ཀྱི་འཚོལ་སྙེག་བྱེད་བཞིན།</h3><h3>རེ་སྒུག་ཁྲི་ཕྲག་གི་གསང་བ་རུམ་ཞིང་།</h3><h3>འཆར་ཡན་སྣ་མང་གི་ཡུལ་གྲུ་འགྲིམ།</h3><h3>འདི་ལྟར་ཧ་ཅང་འདོད་པའི་ཡུལ་གྲུ་ཞིག་གི་ཆེད་དུ།</h3><h3>ནམ་རྒྱུན། ཁྱེད་ཁོ་ནའི་རྡོག་སྒྲར་ཉན།</h3><h3>ངས་ཁྲུང་ཁྲུང་གི་གཤོག་འགྱུར་ལ་ཡིད་སྨོན་བྱེད་ཞོར།</h3><h3>ངས་ཁེར་རྐྱང་གི་ཟླ་བ་ཁེར་བགྲོད་ལ་ལེ་བདའ་བྱེད་ཞོར།</h3><h3>འཕུར་འདོད་པའི་སེམས་པ།</h3><h3>སྟོང་བསམ་གྱི་ཡུལ་གྲུ་འགྲིམ་ནས་འཁྱམས་ཟིན།</h3><h3>འདི་ལྟར་ཟླུམ་གཟུགས་ཀྱི་གོ་ལ་རྐང་འོག་ཏུ་བརྫུ་བཞིན།</h3><h3>གཞུ་རྒྱུད་གཅིག་གི་གཡུལ་སར་ཕྱིན།</h3><h3>ཡིན་ན་ཡང་ཁྱེད་བཞུད་ཤུལ་དུ།</h3><h3>ང་། སྟོན་མཇུག་གི་མེ་ཏོག་བཞིན།</h3><h3>ང་། དགུན་གཞུང་གི་སྡོང་སྐམ་བཞིན་ཡོད་ཚད།</h3><h3>སྲོག་དབང་གི་རང་ཚུགས་དབེན་ལ།</h3><h3>དབྱར་གཞུང་གི་མཛེས་སྡུག་ཡལ།ཡ</h3><h3><br /></h3>