<h3> ༼རང་སྐུལ།༽</h3><h3> ࿑མཉམ་མེད་ཇོ་བོ་ཆེན་པོས། བོད་ན་མདོ་རྒྱུད་བསྟན་བཅོས་མང་བོ་ལྟ་རྒྱུ་མེད་པས་ངའི་དད་པ་ཉམས་སོང་ཞེས་གསུངས་པ་ཡབ་རྗེ་འཇམ་དབྱངས་བླ་མས་མདོ་སྡེ་ཇི་ཙམ་མང་དུ་བལྟས་པ་བཞིན་དད་པ་ལྷག་པར་རྒྱས་པའི་དོན་དུ་བཀྲལ་ཡོད། འོན་ཀྱང་ཁོ་བོས་རྣམ་གཡེང་དང་འདུ་འཛིའི་བར་ནས་ཅི་ཐུབ་གང་ཐུབ་ཀྱིས་བཀའ་དང་དགོངས་འགྲེལ་ཡང་འགྲེལ་རྣམས་སུ་མཇལ་མོད། འཕྲལ་ལ་དད་གུས་དང་ངེས་འབྱུང་སྤུ་སུད་རེ་སྐྱེས་ཙམ་ལས། སྐབས་ཀུན་ཏུ་རང་རྒྱུད་ལ་སྦྱར་བར་མི་བརྩོན་པར་ཉི་ཚེའི་ཐོས་པ་དེ་དག་རྙེད་བཀུར་གྲགས་འདོད་ཕུགས་སུ་འཆང་སྟེ། སྒོ་སྣ་ཚོགས་ཤིག་ནས་ཁྲོམ་བསྒྲགས་སམ་གཞན་ལ་ངོམས་ཅི་ཐུབ་བྱེད་པ་ནི་ཆོས་པའི་གཟུགས་ཅན་ཆོས་ལ་ཞེ་གཏིང་ནས་མི་གུས་པའི་རྣམ་འགྱུར་ངན་པའི་རང་རྟགས་སུ་གོར་མ་ཆག་ཨང་། </h3><h3> 2017/7/14ཉིན། རྣམ་འབྱེད་ཤེས་རབ། </h3>