<h3><font color="#57a7ff">འཇམ་དཔལ་དཔའ་བོའི་སྤོབས་པའི་གཏེར་ཆེན་ཚོགས། །<br></font><font color="#57a7ff">དབྱངས་ཅན་དགའ་མས་གཅིག་ཏུ་སྤུངས་པའི་དཔྱིད། །<br></font><font color="#57a7ff">བསྟན་པའི་སྤྱི་ནོར་སྲིད་མུན་དྲུངས་འབྱིན་པའི། །<br></font><font color="#57a7ff">ཐེག་ཆེན་ཆོས་ཀྱི་ཉི་མ་འཚོ་གཞེས་གསོལ། །</font></h3><h3><br></h3> <h3><font color="#57a7ff">དཔལ་ངོར་ཨེ་ཝཾ་ཆོས་ལྡན་གྱི་གདན་རབས་དོན་ལྔ་པ་སྐྱབས་རྗེ་ཤར་ཆེན་༧ཀླུ་ལྡིང་མཁན་ཆེན་རྡོ་རྗེ་འཆང་འཇམ་དབྱངས་བསྟན་པའི་ཉི་མ་མཆོག་སྤྱི་ལོ་༢༠༡༧ལོའི་བོད་ཟླ་༥པའི་ཚེས་༡ཉིན་དཔལ་གྱི་གདན་ས་ཆེན་མོ་ངོར་ཨེ་ཝཾ་ཆོས་ལྡན་དགོན་དུ་ཞབས་སོར་བདེ་བར་འཁོད་སྐབས་ངོར་དགོན་གྱི་མཁན་སློབ་དགེ་འདུན་འདུས་མང་དང་བཅས་པས་བསུ་བ་སེར་སྦྲེང་ཞུས་ནས་གདན་འདྲེན་པ་དང་ཆབས་ཅིག་ངོར་ཕན་བདེ་མཁན་རིན་པོ་ཆེ་༧འཇམ་དབྱངས་ཐུབ་བསྟན་སྙིང་པོ་མཆོག་དང་ཕན་ཚུན་ཞལ་མཇལ་ཐོག་བཀྲ་ཤིས་པའི་མཇལ་དར་འབུལ་གནང་མཛད་ནས་གཟིམ་ཆུང་བཀྲ་ཤིས་དགའ་འཁྱིལ་དུ་གསུང་མོལ་ལྷུག་པོར་གནང་བཞིན་པ།</font></h3> <h3><font color="#ed2308">བོད་ཟླ་༥པའི་ཚེས་༢ཉིན་གྱི་ཞོགས་པ་༧ཀླུ་ལྡིང་མཁན་ཆེན་རྡོ་རྗེ་འཆང་མཆོག་དཔལ་ངོར་ཨེ་ཝཾ་ཆོས་ལྡན་གྱི་གསང་ཆེན་རྡོ་རྗེའི་ཕོ་བྲང་ངོར་ཆེན་དབང་ཁང་ཆེན་མོར་བྱོན་ནས་ངོར་གྱི་ཁྲི་དམར་དུ་ཞབས་སོར་བདེ་བར་འཁོད་རྗེས་༧ཕན་བདེ་མཁན་རིན་པོ་ཆེ་གཙོ་བོར་གྱུར་པའི་མཁན་སློབ་འདུས་མང་ཡོངས་ནས་དམ་པ་གང་ཉིད་སྐུ་ཚེ་ཞབས་པད་བརྟན་ཅིང་མཛད་འཕྲིན་ཕྱོགས་མཐར་ཁྱབ་པའི་སླད་མཎྜལ་སྐུ་གསུང་ཐུགས་རྟེན་དང་། བཀྲ་ཤིས་རྫས་བརྒྱད་དང་རྟགས་བརྒྱད་འབུལ་གནང་མཛད་བཞིན་པ།</font></h3> <h3><font color="#39b54a">སྐྱབས་རྗེ་༧ཀླུ་ལྡིང་མཁན་རིན་པོ་ཆེ་མཆོག་ནས་བསྐྱར་བཞེངས་མཛད་བཞིན་པའི་གཙུག་ལག་ཁང་བསམ་གྲུབ་མཐོང་གྲོལ་ཆེན་མོར་གཟིགས་ཞིབ་དང་འབྲེལ་ཕྱག་གནས་མཛད་པ།</font></h3> <h3><font color="#57a7ff">བོད་ཟླ་༥་པའི་ཚེས་༣གྱི་སྔ་དྲོར་སྐྱབས་རྗེ་༧ཀླུ་ལྡིང་མཁན་རིན་པོ་ཆེ་མཆོག་ནས་ངོར་དགོན་གཞུང་དང་། བཤད་གྲྭ སྒྲུབ་གྲྭ་བཅས་ཀྱི་དགེ་འདུན་པ་བརྒྱ་ཕྲག་གསུམ་ལྷག་ལ་གསང་ཆེན་རྡོ་རྗེ་ཐེག་པའི་ཉེ་ལམ་ལམ་ཟབ་བླ་མའི་རྣལ་འབྱོར་གྱི་ཆོས་ཆར་འབེབས་པར་མཛད་པ་དང་འབྲེལ་བླང་དོར་གྱི་བཀའ་སློབ་ཟབ་མོ་བསྩལ་བ།</font></h3> <h3><font color="#57a7ff">བོད་ཟླ་༥པའི་ཚེས་༤ཡི་སྔ་དྲོར་ཤར་ཆེན་༧ཀླུ་ལྡིང་མཁན་རིན་པོ་ཆེ་མཆོག་ངོར་དགོན་གྱི་ཁོར་ཡུག་ལ་གཟིགས་ཞིབ་དང་འབྲེལ་ངོར་དགོན་གྱི་སྒྲུབ་གྲྭ་ཁང་གསང་ཆེན་སྒྲུབ་པའི་བསྟི་གནས་སུ་ཞབས་སོར་འཁོད་དེ་སྒྲུབ་གྲྭའི་མཁན་སློབ་དང་ལྷན་དུ་དྲན་རྟེན་སྐུ་པར་བསྐྱོན་གནང་མཛད་པ།</font></h3> <h3><font color="#39b54a">སྐྱབས་རྗེ་༧ཀླུ་ལྡིང་མཁན་རིན་པོ་ཆེ་མཆོག་ནས་རྒྱ་ཆེའི་དད་ལྡན་མང་ཚོགས་རྣམས་ལ་ཞལ་མཇལ་གྱི་སྒོ་ནས་བྱིན་རླབས་བསྩལ་བ།</font></h3> <h3><font color="#57a7ff">བོད་ཟླ་༥པའི་ཚེས་༤ཡི་ཉིན་གུང་ཤར་ཆེན་༧ཀླུ་ལྡིང་མཁན་ཆེན་རྡོ་རྗེ་འཆང་མཆོག་ཕན་བདེ་མཁན་རིན་པོ་ཆེའི་ཕེབས་རོགས་འོག་ངོར་བཤད་གྲྭ་ཐུབ་བསྟན་མདོ་སྔགས་རིག་པའི་འབྱུང་གནས་སུ་ཞབས་སོར་འཁོད་ནས་བཤད་གྲྭའི་ཆོས་རར་གཟིགས་ཞིབ་དང་འབྲེལ་བཤད་གྲྭའི་ལྷ་ཁང་དུ་གནས་གཟིགས་བསྐྱངས་ནས་བཤད་གྲྭའི་མཁན་པོ་རྣམ་གཉིས་དང་ལྷན་དུ་སྐུ་པར་བསྒྲོན་པ།</font></h3> <h3><font color="#ed2308">སྐྱབས་རྗེ་༧ཀླུ་ལྡིང་མཁན་རིན་པོ་ཆེ་མཆོག་དང་༧ཕན་བདེ་མཁན་རིན་པོ་ཆེ་གཙོ་བོར་གྱུར་པའི་ངོར་དགོན་གྱི་མཁན་སློབ་འདུས་པ་ཡོངས་ལྷན་དུ་དྲན་རྟེན་སྐུ་པར་བསྐྱོན་པ།</font></h3> <h3><font color="#57a7ff">བོད་ཟླ་༥པའི་ཚེས་༥ཉིན་གྱི་ཞོགས་པར་སྐྱབས་རྗེ་༧ཀླུ་ལྡིང་མཁན་རིན་པོ་ཆེ་མཆོག་སྐུ་འཁོར་དང་བཅས་པ་གདན་ས་ཆེན་མོ་ངོར་ཨེ་ཝཾ་ཆོས་ལྡན་དགོན་ནས་ཆིབས་ཞལ་བསྒྱུར་གནང་མཛད་པའི་སྐབས་ངོར་དགོན་གྱི་དགེ་འདུན་འདུས་མང་ཡོངས་ནས་བླ་སློབ་དམ་ཚིག་གཅིག་མཐུན་ཐོག་ཐུགས་འཁྲེང་བའི་སྒོ་ནས་ཕེབས་སྐྱེལ་ཞུ་བཞིན་པ།</font></h3> <h1>སྒྲིག་སྦྱོར་བ། ཨེེ་ཝཾཾ་གྱིི་དུང་ཟླ།</h1>