<h3>༼བསྟོད་ཚིག་དད་པའི་ཨ་ལོང་།༽</h3><h3><br /></h3><h3>༼སློབ་དཔོན་ཐོན་མི །༽</h3><h3><br /></h3><h3>རྒྱ་གར་མཁས་པའི་གཞུང་ལུགས་ཆུ་སྤེལ་ལས །།</h3><h3>ཕ་མཐའ་སྒྲོལ་བྱེད་དྲི་མེད་རིགས་པ་ཡིས །།</h3><h3>རྨད་བྱུང་ལེགས་བཤད་རྣམས་ཀྱི་བཅུད་བླངས་ནས །།</h3><h3>བོད་ཀྱི་བརྡ་སྤྲོད་རིག་པའི་སྲོལ་རེ་འབྱེད །།</h3><h3><br /></h3><h3><br /></h3><h3>༼སི་ཏུ་པཎ་ཆེན་ཆོས་ཀྱི་འབྱུང་གནས །༽</h3><h3><br /></h3><h3>སི༵་ཏུ༵་པཎ༵་ཆེ༵ན་བོད་ལ་བཀའ་དྲིན་ཆེ །།</h3><h3>ཆོ༵ས་ཀྱི༵་འབྱུ༵ང་གན༵ས་ལྔ་རིག་གནས་ལ་མཁས །།</h3><h3>མུ་ཏིག་ཕྲེང་མཛེས་བོད་པའི་བརྡ་ལ་མཁོ །།</h3><h3>བཀའ་དྲིན་མཚུངས་མེེད་གངས་ཅན་བརྡ་སྤྲོད་པ །།</h3><h3><br /></h3><h3>༼མཁས་པའི་དབང་པོ་པྲ་ཏི་རིན་ཆེན་དོན་གྲུབ །༽</h3><h3><br /></h3><h3>འཇམ་དཀར་བསྒྲུབས་ནས་ཨ་ཡིག་རང་བྱོན་མཇལ །།</h3><h3>སྔར་ལས་འཕགས་པའི་རྣམ་དཔྱོད་རབ་རྒྱས་ནས །།</h3><h3>ཀུན་བཟང་དགོངས་འགྲེལ་ལ་སོཊ་ལེཊ་བཤད་རྣམས །།</h3><h3>སྟོན་པའི་དུས་ཡིག་ཅན་གྱི་མཁས་དབང་རྨད །།</h3><h3><br /></h3><h3>༼དུང་དཀར་བློ་བཟང་འཕྲིན་ལས །༽</h3><h3><br /></h3><h3>འཆད་པའི་གསུང་སྙན་དུ༵ང་དཀ༵ར་སྒྲ་བཞིན་སྒྲོག །</h3><h3>རྩོད་པའི་བློ༵་གྲོས་རྟོག་གེའི་དཀྱིལ་དུ་བཟ༵ང་།།</h3><h3>རྩོམ་པའི་རྣམ་དཔྱོད་སྟོན་གྱི་ལྷ་ལམ་བཞིན །།</h3><h3>མཛད་པ་འཕྲི༵ན་ལ༵ས་གངས་ཅན་ལྗོངས་སུ་རྨད །།</h3><h3><br /></h3><h3>༼ཚེ་ཏན་ཞབས་དྲུང་།༽</h3><h3><br /></h3><h3>སྒྲ་ཚད་སྙན་དངགས་མངོན་བརྗོད་སྡེབ་སྦྱོར་སོགས །།</h3><h3>ཕྱུག་པའི་མཁས་ཆེན་ཁྱུ་ཡི་དཀྱིལ་ན་ཡང་།།</h3><h3>ཐོན་མིའི་དགོངས་པ་ཇི་བཞིན་འགྲེལ་མཁན་ནི །།</h3><h3>མཁས་མཆོག་ཚེ༵་ཏ༵ན་ཞ༵བས་་དྲུ༵ང་ཁྱེད་ལས་སུ །།</h3><h3><br /></h3><h3>༼དམུ་དགེ་བསམ་གཏན །༽</h3><h3><br /></h3><h3>ཨ་ནུའི་རྣམ་སྤྲུལ་དམུ༵་དགེ༵་ཡུལ་དུ་འཁྲུངས །།</h3><h3>བས༵ན་གཏ༵ན་རྒྱ༵་མཚོ༵་ས་སྟེང་ཡོངས་སུ་གྲགས།།</h3><h3>དགའ་འཇུག་ལ་སོགས་ལེགས་བཤད་རྨད་བྱུང་རྣམས།།</h3><h3>འཇིག་རྟེན་འདྲེན་བྱེད་དེ་དང་གཉིས་སུ་མེད །།</h3><h3><br /></h3><h3>༼མཁྱེན་རབ་འོད་གསལ །༽</h3><h3><br /></h3><h3>བརྡ་སྤྲོད་རིག་པའི་མཁྱེ༵ན་དཔྱོད་ཧ་ཅང་ཟབ །།</h3><h3>ར༵བ་རིབ་སྒྲིབ་པའི་གཞོན་སྐྱེ་བདག་འདྲ་ལ །།</h3><h3>རྟ་བདུན་འོ༵ད་ཀྱིས་སྨག་རུམ་བཅོམ་པ་བཞིན།།</h3><h3>སྣང་གས༵ལ་སྒྲོན་མེ་སྦར་མཁན་ཁྱེད་ལ་འདུད །།</h3><h3> </h3><h3> </h3><h3><br /></h3><h3>࿐ཡུལ་ཁྱད་པར་ཅན་ལ་བསྟོད་ཕྱག་དང་དད་གུས་སོགས་བྱས་ན ། རང་ཉིད་ཀྱིས་བསོད་ནམས་རླབས་ཆེན་བསགས་པའི་རྒྱུ་རྐྱེན་དེ་ལས་འཕགས་པ་མེད་ཅེས་པའི་ལུང་དེར་ངེས་དོན་གྱི་མདོ་བཞིན་ཁས་ལེན་བྱས་ཏེ ། འབའ་པ་རོང་སྨྱུག་གིས་བློ་རྩེ་གཅིག་ཏུ་བསྒྲིམས་ནས་མཁས་པའི་དབང་པོ་བརྡ་སྤྲོད་སྨྲ་བའི་དབང་ཕྱུག་ཁོང་ཚོར་༼བསྟོད་ཚིག་དད་པའི་ཨ་ལོང་༽ ཞིག་གིས་སྒོ་གསུམ་གུས་པས་སྙིང་ནས་བསྟོད་དོ །། </h3><h3><br /></h3><h3><br /></h3>