<h1><b><span style="color: rgb(22, 126, 251);">མདོ་སྨད་སྨྲ་སེང་རྣམ་གསུམ།</span></b></h1><h3></h3><h3><b><u><br /></u></b></h3><h3><b><u><span style="color: rgb(237, 35, 8);"> གདོང་བཙུན་རྒྱ་ཐར།</span></u></b><br /></h3><h3><b>ང་ཡི་དད་པའི་ནམ་མཁར།།</b></h3><b>རྟག་ཏུ་ཚེས་པའི་ཉི་མ།།<br /></b><b>མདོ་སྨད་སྨྲ་སེང་རྣམ་གསུམ།།<br /></b><b>འཛམ་གླིང་མཁས་དགུའི་ཏོག་རེད།།<br /></b><b><br /></b><h3></h3><h3><b>ཞང་བོད་གཞུང་བརྒྱའི་དགོངས་དོན།།</b></h3><b>ཐུགས་ཀྱི་ཟབ་སར་འཁྱིལ་བའི།།<br /></b><b>མདོ་སྨད་སྨྲ་སེང་རྣམ་གསུམ།།<br /></b><b>གངས་རིའི་གཙུག་གི་རྒྱན་རེད།།<br /></b><b><br /></b><h3></h3><h3><b>སྐུ་ཚེ་ཐོས་པས་སྐྱེལ་ཞིང་།།</b></h3><b>བུ་སློབ་བྱེ་བ་སྐྱོང་མཛད།།<br /></b><b>མདོ་སྨད་སྨྲ་སེང་རྣམ་གསུམ།།<br /></b><b>ས་སྟེང་འགྲོ་བའི་མགོན་རེད།།<br /></b><b><br /></b><h3></h3><h3><b>འཆད་རྩོད་རྩོམ་གྱི་རྒྱལ་མཚན།།</b></h3><b>མི་ནུབ་སྲིད་མཐར་སྒྲེང་མཁན།།<br /></b><b>མདོ་སྨད་སྨྲ་སེང་རྣམ་གསུམ།།<br /></b><b>བསྟན་འགྲོའི་ཁོང་གི་སྙིང་རེད།།<br /></b><b><br /></b><h3></h3><h3><b>བརྒྱད་ཅུའི་ལ་རིང་བརྒལ་ཀྱང་།།</b></h3><b>བགྲེས་སོང་རྒན་པོའི་ཉམས་མེད།།<br /></b><b>མདོ་སྨད་སྨྲ་སེང་རྣམ་གསུམ།།<br /></b><b>སྐལ་བཟང་འགྲོ་བའི་མིག་རེད།།<br /></b><b><br /></b><h3></h3><h3><b>སྨྲ་སེང་རྣམ་གསུམ་ཞེས་པའི།།</b></h3><b>མཚན་གྱི་མཆོད་སྤྲིན་ཐོག་མ།།<br /></b><b>སྔོན་བསགས་ལས་དབང་ཡགས་པས།།<br /></b><b>ཕྲན་གྱིས་ཕུལ་སྐལ་ལྡན་ཡོད།།<br /></b><b><br /></b><h3></h3><h3><b>སྨྲ་བ་མི་ཡི་སེང་ཆེན།།</b></h3><b>བདག་གི་བཤེས་གཉེན་རྣམ་གསུམ།།<br /></b><b>བསྐལ་པ་རྒྱ་མཚོའི་བར་དུ།།<br /></b><b>རྟག་ཏུ་བཞུགས་པའི་སྨོན་ལམ།།<br /></b><h3><span style="font-weight: bold;"> ཞེས་པ་འདི་ནི་འཛམ་གླིང་མཁས་པའི་མཆོག་གྱུར་སྨྲ་དབང་བོན་བརྒྱ་ཐམས་ཅད་མཁྱེན་པ་དང་། ཡོངས་ཀྱི་དགེ་བའི་བཤེས་གཉེན་ཆེན་པོ་རྗེ་བཙུན་ནམ་མཁའ་ཚུལ་ཁྲིམས་རིན་པོ་ཆེ། མཁས་དབང་སྐྱང་སྤྲུལ་དྲི་མེད་འོད་ཟེར་དཔལ་བཟང་པོ་རྣམ་པ་གསུམ་ལ་མདོ་སྨད་སྨྲ་སེང་རྣམ་གསུམ་ཞེས་མཚན་གྱི་མཆོད་པ་གཙང་མ་ཐོག་མར་ཕུལ་བའི་ལས་དང་སྐལ་པ་བཟང་པོ་ཅན་གུས་སློབ་གདོང་བཙུན་རྒྱ་ཐར་གྱིས་ཁམས་ཉག་རོང་གི་ཡུལ་དུ་གུས་པ་རྒྱ་མཚོས་བཏེགས་པ་ལགས་སོ།། ༢༠༡༧/༥/༢</span><b>༧</b></h3><h5><b></b></h5><b></b><h3></h3><h3></h3><h3></h3><h3></h3><h3></h3><h3></h3><h3></h3>