<h1> རྨ་ཀླུང་གསེར་ལྡན་དལ་གྱིས་བཞུར་བཞིན་སྔོན་བྱུང་གཏམ་ལ་བསམ་གཞིག་བྱེད།།<br /> འདབ་བཟང་ཁྱུང་ཆེན་རི་བོའི་གཟུགས་ཀྱིས་ཆོས་སྡེ་སྐྱོང་བར་སྔར་བཞིན་འགྱིང་།།<br /> དགའ་ལྡན་བཀྲ་ཤིས་འབྱུང་བའི་ཆོས་སྡེ་རྒྱང་རིང་ལམ་དུ་ཡོད་ནའང་།།<br /> ཆོས་དུང་དཀར་བོའི་དབྱངས་སྙན་རིང་མོ་རྣ་བའི་ལམ་དུ་ལྷང་ངེར་གསལ།།</h1><h3><br /></h3> <h1> སྔོན་གྱི་ལོ་ཟླ་རིམ་བཞིན་འདས་ན་ཡང་།།<br /> གནའ་བོའི་གཏམ་དག་ད་དུང་ངག་ན་རྒྱུ།།<br /> དམ་པ་དག་གི་བཀའ་དྲིན་རྗེས་དྲན་ཕྱིར།།<br /> མཆོད་པའི་རྟེན་མཆོག་ལྷ་མིའི་དཔྱིད་དུ་སྦྲེངས།།</h1> <h1> རྒྱང་གི་རི་ཡིས་གངས་ཀྱི་ཅོད་པན་མནབ།།<br /> བར་གྱི་རྫ་རིས་བཙན་པོའི་གོ་ཆ་གྱོན།།<br /> མདུན་གྱི་གཞི་རུ་ལེ་ཏོག་དཔྱིད་དུ་བཞད།།<br /> རྒྱབ་དུ་གསེར་ལྡན་བུ་མོ་དལ་གྱིས་འགྲོ།།</h1> <h1> ཞིག་པ་དངོས་པོའི་ཆོས་སུ་གྲུབ་ན་འང་།།<br /> བསམ་བཞིན་བཤིག་པའི་སྐྱོ་བ་སྙིང་ལ་འཁྱིལ།།<br /> གནའ་བོའི་ཤུལ་དུ་དལ་གྱིས་འཁྱམ་པ་ན།། </h1><h1> མེས་པོའི་ལོ་རྒྱུས་གསལ་ལེར་དྲན།།<br /></h1>