<h3>ང་རང་གིས་དཔེ་ཆ་ཁྱོད་ཉིད་ངོ་ཤེས་ནས་གྲོགས་སུ་བཟུང་རྗེས།</h3><h3>ངས་ཁྱོད་ནི་ཡ་ཆུང་སྙིང་གི་སྒྲོམ་དུ་ཉར་ཡོད།</h3><h3>སེམས་པ་དང་དུངས་བ་བར་ལ་བཅོལ་ནས།</h3><h3>ལུས་མཆོག་ཀླད་པའི་དབང་རྩ་རེ་རེའི་གསེང་དུ།</h3><h3>ཁྱོད་ལ་དུངས་བ་བརྗོད་པའི་ཤིས་ཚིག་བྲིས་པ་གཅིག་ཙམ་ག་ལ་ཚད།</h3><h3><br /></h3><h3>ངའི་ངུ་མ་དགོད་པའི་བྱིས་པའི་དུས་ཚིགས་དག་ལ།</h3><h3>ཁྱོད་ཉིད་ངོ་ཤེས་གྲོགས་སུ་གྱུར་མེད་སྐབས།</h3><h3>ང་ནི་འཇིག་རྟེན་འདི་ལ་ཇི་ལྟར་ཡོང་བ། ཅི་ཕྱིར་སླེབས་པ་གཏན་ནས་མི་གསལ།</h3><h3>དེ་དུས་རྩེད་ར་ཁྲ་མོའི་ངའི་མི་ཚེའི་ཁ་ཕྱོགས་ཡིན་ལ།</h3><h3>རྩེད་ཆས་རེ་རེ་ངའི་ངའི་ཚེ་སྲོག་གི་གྲུབ་ཆ་ཡིན།</h3><h3>ང་ང་རང་དུ་ངོས་འཛིན་མྱུང་མེད།</h3><h3><br /></h3><h3>ཁྱོད་ཉིད་ཀྱིས་བདག་ལ་འགྲོ་གྲོགས་དང་འདུག་གྲོགས་བྱས་པའི་ཁྲོད་ནས།</h3><h3>ངས་ཁྱོད་ནི་བློ་གཏད་ཆོག་པའི་གྲོགས་མཆོག་དེ་ཡིན་པ་ཚོར་བྱུང་།</h3><h3>ཁྱོད་ཀྱིས་ང་ལ་ཡང་དག་པའི་མི་ཚེའི་ཁ་ཕྱོགས་སྩོལ་ནས།</h3><h3>མ་འོངས་མདུན་ལམ་ལ་འོད་སྣང་སྦྱིན་ཏེ།</h3><h3>རང་ཉིད་རང་ཉིད་དུ་ཤེས་སུ་བཅུག </h3><h3><br /></h3><h3>མ་གཞི་བདག་ནི་འཇིག་རྟེན་དུ་ཡོང་བ་ནི།</h3><h3>ཀྱལ་ཀ་ལས་གཞན་པའི་འོས་འགན་ཞིག་མཆིས།</h3><h3>དེ་ནི་འཇིག་རྟེན་འདི་ངོ་བོ་རྟོགས་རྒྱུ་དང་།</h3><h3>འཚོ་བའི་བྲོ་བ་རོ་མྱོང་བྱ་རྒྱུ་རེད།</h3><h3>དེ་ལས་ད་དུང་དཔེ་ཆ་ཡི་འཇིག་རྟེན་ཁྲོད་དུ་ཐེངས་གཅིག་བགྲོད་དགོས་པ་རེད།</h3><h3><br /></h3><h3> རྒྱལ-འགྱོད་གདུང་ནས</h3><h3> ༢༠༡༧.༤.༢༣ཉིན</h3><h3><br /></h3><h3><br /></h3>