<h3>དྲིན་ཆེན་མ་ལོ།</h3><h3>ཚིག གདུགས་དཀར</h3><h3>གདངས།དམངས་ཁྲོད།</h3><h3>གཞས་མ།ཟོན་ཐར་སྐྱིད།</h3><h3>རོལ་མོ་སྒྲིག་བཟོ།རིན་ཆེན་འབུམ།</h3><h3>དྲིན་ཆེན་མ་ལོའི་ལུས་ལ།།</h3><h3>འཚོ་བའི་མངར་སྐྱུར་འགོས་ཡོད།།</h3><h3>སྐྲ་དཀར་ཉག་མ་རེ་ལ།།</h3><h3>ལོ་ཟླའི་མྱོང་བ་འདུས་ཡོད།།</h3><h3>དྲིན་ཆེན་མ་ལོའི་ངག་ལ།།</h3><h3>མ་ཎི་ཡིག་དྲུག་སྐྱོར་ཡོད།།</h3><h3>ཕྲ་ཆུང་མིག་གི་ནང་ལ།།</h3><h3>བྱམས་བརྩེའི་འོད་ཀྱིས་ཁྱབ་ཡོད།།</h3><h3></h3><h3>དྲིན་ཆེན་མ་ལོའི་སེམས་ལ།།</h3><h3>བུ་མོའི་བདེ་སྡུག་འཁོར་ཡོད།།</h3><h3>བུ་མོའི་གླུ་སྐད་ནང་ལ།།</h3><h3>མ་ལོའི་བརྩེ་བ་འཁྱིལ་ཡོད།།</h3><h3>དྲིན་ཆེན་མ་ལོའི་བློ་ལ།།</h3><h3>ལས་འབྲས་རི་མོ་མངོན་ཡོད།།</h3><h3>ཕྲེང་རྡོག་རེ་རེའི་གཞུང་ལ།།</h3><h3>མ་ལོའི་སྙིང་རྗེ་སིམ་ཡོད།།</h3><h3></h3><h3>དྲིན་ཆེན་མ་ལོའི་རྒྱུད་ལ།།</h3><h3>མཛངས་མའི་ཡོན་ཏན་འཛོམས་ཡོད།།</h3><h3>བརྩེ་བའི་འཛུམ་ཆུང་རེ་ལ།།</h3><h3>ཟོལ་མེད་ལྷག་བསམ་ཉར་ཡོད།།</h3><h3>དྲིན་ཆེན་མ་ལོའི་གདོང་ལ།།</h3><h3>ལོ་ཟླའི་རྒས་གཉེར་བབས་ཡོད།།</h3><h3>ཚེ་རིང་ནད་མེད་ཡོང་བའི།།</h3><h3>རྟེན་འབྲེལ་གླུ་ཞིག་ངས་ལེན།</h3>