<h3 style="text-align: left;"> བུ་མོར་ཕུལ་བའི་གཏམ</h3><h3 style="text-align: left;"><br></h3><h3 style="text-align: left;">ངག་གི་མཆོད་པ་འཇིག་རྟེན་འདིར་ཕུལ་བ་ནས</h3><div style="text-align: left;"><br></div><div style="text-align: left;">གོམ་ཁའི་རི་མོ་ཕྱི་ཁྱིམ་བར་འཇོག་པའི་བར་</div><div style="text-align: left;"><br></div><div style="text-align: left;">ངའི་ཁྱེད་ཀྱི་འཛུམ་མདངས་དུས་སུ་འཚོ་མ་མྱོང་ཤིང</div><div style="text-align: left;"><br></div><div style="text-align: left;">ངའི་ཁྱེད་ཀྱི་གཅིན་པ་ལན་གཅིག་ཀྱང་འཕོ་མ་མྱོང་བ</div><div style="text-align: left;"><br></div><div style="text-align: left;">སེམས་ཀྱི་ན་ཟུག་ཅིག་ཅི་ལ་མིན</div><div style="text-align: left;"><br></div><div style="text-align: left;">ཡིན་དེ ཁྱོད་ནི་ངའི་སེམས་སུ་སྦྲུམ་ཡོད</div><div style="text-align: left;"><br></div><div style="text-align: left;">ང་ཡི་འགན་ཁུར་ཞིག་ཀྱང་ཅི་ལ་མིན</div><div style="text-align: left;"><br></div><div style="text-align: left;">ཡིན་དེ ཁྱོད་ནི་ངའི་ཁྲག་གི་རང་མདངས</div><div style="text-align: left;"><br></div><div style="text-align: left;">ལན་རེར་མཐོང་བའི་ཁྱེད་ཀྱི་དགོད་ཁ་དང</div><div style="text-align: left;"><br></div><div style="text-align: left;">སྐབས་རེར་ཐུག་པའི་འཚོ་བའི་རི་མོ་དེ</div><div style="text-align: left;"><br></div><div style="text-align: left;">ངའི་རྨི་ལམ་དུ་རྨིས་བ་ལན་གཅིག་ག་ལ་ཡིན</div><div style="text-align: left;"><br></div><div style="text-align: left;">ངའི་དྲན་ངོས་སུ་ཤར་བ་ཐེངས་གཅིག་གང་ནས་ཡིན</div><div style="text-align: left;"><br></div><div style="text-align: left;">མི་ཚོགས་མང་ས་ནས་འཁྱར་འཁྱོར་གྱི་གོམ་ཁ་དེར་རེ་ཞིང</div><div style="text-align: left;"><br></div><div style="text-align: left;">ཁྱིམ་ཀྱི་སྒོ་ཁ་ནས་དགའ་མགུ་ཡི་འཐམ་འཁྱུད་དེར་སེམས་ཡོད་པ</div><div style="text-align: left;">དགུང་གི་སྐར་མ་དང་ཁྱེད་ཀྱི་ཨ་མར་གསལ</div><div style="text-align: left;"><br></div><div style="text-align: left;">ང་ཡི་གཅེས་ལོ་མ</div><div style="text-align: left;"><br></div><div style="text-align: left;">ཁྱོད་ཀྱི་བརྙན་གཟུགས་ལ་གྱེར་ནས</div><div style="text-align: left;"><br></div><div style="text-align: left;">དགོད་སྒྲ་ལ་རེ་ཞིང་སྒུག་ཡོད་པ་</div><div style="text-align: left;"><br></div><div style="text-align: left;">ཁྱེད་ཀྱི་ཨ་ཕ་ཡིན</div><div style="text-align: left;"><br></div><div style="text-align: left;">ཁ་པར་གྱི་སྐུད་སྣེ་ལ་འཇུས་ཏེ</div><div style="text-align: left;"><br></div><div style="text-align: left;">ཁྱེད་ཀྱི་བདེ་ཐང་ལ་སེམས་ཀྱིས་བསྐྱོར་ཡོད་པ་</div><div style="text-align: left;"><br></div><div style="text-align: left;">ཁྱེད་ཀྱི་ཨ་མ་ཡིན</div><div style="text-align: left;"><br></div><div style="text-align: left;">ཨ་མའི་སྐྱིད་ཀྱི་རུ་མ</div><div style="text-align: left;"><br></div><div style="text-align: left;">ཨ་ཕའི་སེམས་ཀྱི་དྲོད་ཁོལ </div><div style="text-align: left;"><br></div><div style="text-align: left;">ཨ་མའི་ཁྱོད་ལ་ནུ་རིན་ཞིག་ཆད</div><div style="text-align: left;"><br></div><div style="text-align: left;">ཨ་ཕའི་ཁྱོད་ལ་སེམས་པ་ཞིག་ཆད</div><div style="text-align: left;"><br></div><div style="text-align: left;">གཅེས་ཕྲུག་མ</div><div style="text-align: left;"><br></div><div style="text-align: left;">འགྲོ་ན་གོམ་ཁ་བརྟན་པོ་བྱོས</div><div style="text-align: left;"><br></div><div style="text-align: left;">འདུག་ན་འཛུམ་ཁ་གྱི་ལེར་དགོས</div><div style="text-align: left;"> </div><div style="text-align: left;"> 2017.3.9ཉིན་གྱི་བུ་མོ་དྲན་པའི་ཟིན་ཐོ།</div>