<h3> གསལ་བརྡ།</h3><h3><br /></h3><h3>ཞང་ཞུང་སྒོ་པའི་ལྟེ་གནས་ཁྱུང་པོ་རྩེ་དྲུག་དགོན་སུམ་པ་གླང་གི་གྱིམ་ཤོད་ཤེལ་ལེ་རྒྱ་སྐར་གླིང་གི་༼དམྱལ་འཆམ་ངན་འགྲོའི་སྒོ་གཅོད་ཀྱི་མཛད་སྒོ་༽ཆེན་མོའི་འདུ་ཚོགས་ཀྱི་མཛད་རིམ་ཁག།</h3><h3><br /></h3><h3>༡༽ 2017ལོའི་སྤྱི་ཟླ་བདུན་པའི་ཚེས་གཉིས་དང་བོད་ཟླ་ལྔ་པའི་ཚེས་དགུ་ཉིན་ཁྲོ་བོའི་སྨན་སྒྲུབ་ཆེན་མོའི་ཕྱི་རྟེན་སྐོས་ཀྱི་བསྙེན་པ་སྟེ་རྒྱལ་ཐོ་འཛུགས་པ་དང་། དུས་མཚུངས་སུ་ཚོགས་ཁག་གཞན་ཀྱང་རྒྱན་དགོད་འགོ་བཟུང་རྒྱུ།</h3><h3><br /></h3><h3>༢༽ སྤྱི་ཟླ་བདུན་པའི་ཚེས་དགུ་ནས་བཅོ་བརྒྱད་བར་དང་བོད་ཟླ་ལྔ་པའི་ཚེས་བཅོ་ལྔ་ནས་ཉེར་བཞི་བར་༼ཞང་བོད་རིག་གཞུང་འཆད་རྩོད་ཆེན་མོ་༽དང་དྲག་སྔགས་དབལ་མོའི་འབུམ་ཚོགས་རྒྱས་འབུལ་ཞུ་རྒྱུ།</h3><h3><br /></h3><h3>༣༽ སྤྱི་ཟླ་བདུན་པའི་ཚེས་བཅུ་བདུན་དང་བོད་ཟླ་ལྔ་པའི་ཚེས་ཉེར་གསུམ་ཉིན་ཕྱོགས་ཁག་གཞན་གྱི་བླ་སྤྲུལ་མཁན་པོ་དགེ་བཤེས་སོགས་ཕེབས་བསུ་ཞུ་རྒྱུ།</h3><h3><br /></h3><h3>༤༽ སྤྱི་ཟླ་བདུན་པའི་ཚེས་བཅུ་དགུ་དང་བོད་ཟླ་ལྔ་པའི་ཚེས་ཉེར་དྲུག་ཉིན་རྒྱུན་ལྡན་གྱི་གར་འཆམ་གཟིགས་མོར་འབུལ་རྒྱུ།</h3><h3><br /></h3><h3>༥༽ སྤྱི་ཟླ་བདུན་པའི་ཚེས་ཉི་ཤུ་དང་བོད་ཟླ་ལྔ་པའི་ཚེས་ཉེར་བདུན་ཉིན་ཞི་ཁྲོའི་ཁྲིད་འཆམ་མམ་༼དམྱལ་འཆམ་ངན་འགྲོའི་སྒོ་གཅོད་༽འཆམ་རྒྱུ།</h3><h3><br /></h3><h3>༦༽ སྤྱི་ཟླ་བདུན་པའི་ཚེས་ཉེར་གཅིག་དང་བོད་ཟླ་ལྔ་པའི་ཚེས་ཉེར་བརྒྱད་ཉིན་ཁྲིད་འཆམ་གྱི་གནས་འདྲེན་ཆེན་མོ་དང་།</h3><h3> ཕྱི་དྲོར་སྨིན་གྲོལ་ཚོགས་ཆེན་འདུ་ཁང་དང་གསེར་ཐང་གི་སྦྱིན་བདག་ཁག་ལ་ལེགས་གསོལ་གཟེངས་རྟགས་གནང་རྒྱུ།</h3><h3><br /></h3><h3>༧༽ སྤྱི་ཟླ་བདུན་པའི་ཚེས་ཉེར་གཉིས་དང་བོད་ཟླ་ལྔ་པའི་ཚེས་ཉེར་དགུ་ཉིན་དད་ལྡན་མང་ཚོགས་ལ་བཀའ་དབང་གནང་རྒྱུ།</h3><h3><br /></h3><h3>༨༽ སྤྱི་ཟླ་བདུན་པའི་ཚེས་ཉེར་གསུམ་དང་བོད་ཟླ་ལྔ་པའི་ཚེས་སུམ་ཅུ་ཉིན་རྗེས་བྱ་བཀྲ་ཤིས་གསོལ་རྒྱུའི་རིམ་པ་བཅས་སོ།།</h3><h3><br /></h3><h3>2017ལོའི་4ཚེས་4ཉིན་སྒྲུབ་ཆེན་གོ་སྒྲིག་ཚོགས་ཆུང་ནས།</h3>