<h3 style="text-align: center; ">༧སྐྱབས་རྗེ་ཟམ་གདོང་རིན་པོ་ཆེ་མཆོག་གིས</h3><h3><br /></h3><h3>སློབ་སྦྱོང་གི་ "སློབ་" དང་ "སྦྱོང་" ཞེས་པའི་ཚིག་གཉིས་ཡོད། སློབ་ཞེས་པ་ནི་ཐོག་མར་མ་གོ་བ་ཞིག་གོ་བར་བྱས་ཏེ་ཐོས་བྱུང་གི་ཤེས་རབ་ཀྱི་ཐོག་ནས་གཏན་ལ་འབེབས་རྒྱུ་ཞིག་རེད། དེ་ནི་དགེ་རྒན་ནམ་དེབ་སོགས་ལས་ཐོས་པ་ལ་བརྟེན་ནས་འདི་ནི་འདི་འདྲ་ཞིག་རེད་བསམས་པ་དེ་ལ་ཐོས་བྱུང་གི་ཤེས་རབ་ཟེར་བ་རེད། དེ་རང་གི་ཡོན་ཏན་མ་རེད། གཞན་ལས་གཡར་བ་ཞིག་རེད། རང་གི་ཡོན་ཏན་ཆགས་པ་ལ་བསམས་བྱུང་གི་ངེས་པ་རྙེད་པ་ཞིག་དགོས་ཀྱི་རེད། དེ་ནི་རིགས་པས་བརྟག་དཔྱད་བྱས་ཏེ་དེབ་ཀྱི་ནང་དུ་ཡོད་པ་དེ་དངོས་གནས་རེད་འདུག་མི་འདུག་སོ་སོས་ངེས་པ་རྙེད་པ་ཞིག་དགོས་རེད། རྒན་ལགས་ཀྱིས་རེད་གསུངས་པ་དེ་ལ་སོ་སོའི་རྒྱུ་མཚན་ལ་བརྟེན་ནས་ངེས་པ་རྙེད་ཐུབ་པ་ཞིག་ལ་ཤེས་པ་ཟེར། ཁྱེད་ཚོས་ངས་བཤད་པ་དེ་ཚོར་ཆ་བཞག་ནས་ཕྱིན་པ་ཡིན་ན་ཁྱེད་ཚོ་ལ་ཕན་གནོད་འདྲེན་རྒྱུ་གང་ཡང་མེད། ངས་ཞུས་པ་དེ་ཚོ་དངོས་གནས་རེད་འདུག་མི་འདུག དངོས་པོའི་གནས་ཚུལ་དང་མཐུན་གྱི་འདུག་མི་འདུག རིགས་པའི་རྒྱབ་རྟེན་འདུག་གམ་མི་འདུག་བཅས་ལ་ལེགས་པར་དཔྱད་དེ། ཁོས་ལབ་པ་དེ་ནོར་འདུག དེ་འགྲིག་མི་འདུག་སྙམ་པའི་ངེས་པ་རྙེད་པ་བྱུང་ན་དེ་འགྲིགས་པ་རེད། ཁོས་ལབ་པ་དེ་རེད་འདུག དེར་རྒྱུ་མཚན་འདུག་ཅེས་རང་གི་ངོས་ནས་ཐག་གཅོད་བྱེད་ཐུབ་པ་ཡིན་ན་གཞི་ནས་ཕན་ཐོགས་ཤིག་ཡོང་གི་རེད། དེ་འདྲ་ཡིན་དུས་གནས་སྟངས་གང་འདྲ་ཞིག་ཡིན་ཡང་རིགས་པར་གཞི་བཞག་ནས་འགྲོ་རྒྱུའི་ནུས་པ་དེ་ཆུང་དུས་སྐབས་ནས་གོམས་གཤིས་སུ་ཡོད་དགོས་པ་དེ་གལ་ཆེན་པོ་རེད་ཅེས་སོགས་གསུངས། </h3><h3><br /></h3><h3>སོ་སོའི་ངོས་ནས་བརྟག་དཔྱད་བྱེད་མ་ཐུབ་པ་ཡིན་ན་སློབ་ཚན་ངག་ཐོག་ལ་འཇུས་ཏེ་ཡིག་རྒྱུགས་འཕྲོད་པ་ཡིན་ཡང་མ་འོངས་པར་མཁས་པ་ཆགས་རྒྱུ་ཁག་པོ་རེད། བརྟག་དཔྱད་བྱེད་པའི་ནུས་པ་ཡོད་མཁན་ཞིག་གིས་སྟབས་མ་ལེགས་པར་རྒྱུགས་མ་འཕྲོད་པ་ཡིན་ཡང་དེ་ཙམ་གྱིས་ཐབས་སྐྱོ་པོ་མིན་ཚུལ་སོགས་དང་།</h3><h3 style="text-align: center; "><br /></h3>