སྐུ་ཡི་འཁྲུངས་མཆོད་བསུ། རང་དོན་ཐོས་བསམ་སྒོམ་གྱི་ལ་ཆེན་ཟླས།།
གཞན་དོན་འཆད་རྩོད་རྩོམ་པས་གདུལ་བྱ་བསྐྱངས།།
གཉིས་དོན་མཁས་བཙུན་བཟང་པོས་བསྟན་སྲོག་བཟུང་།།
མཉམ་མེད་བླ་མའི་ཕྱག་རྗེས་སྲིད་འདིར་མཛེས།།
རྩོམ་པ་པོ། ལྗང་ཤེར་བསྟན་ནམ་བྱ་མ་རྟ།
ས་ཆེན་གངས་རིའི་ཡོངས་རྩེ་ནས།།
འགྱིང་པའི་སེང་ཆེན་སྟོབས་ལྡན་ཏེ།།
མདོ་སྔགས་རྫོགས་གསུམ་བོན་སྡེ་རྣམས།།
ཐམས་བཅད་མཁྱེན་པའི་སྨན་རི་བ།།
རྒྱལ་བ་གཉིས་པ་ཁྱེད་ཕྱག་འཚལ།།
རྩོམ་པ་པོ། ཁྱུང་སེར་དུང་ཟླ། གྱེར་གཤེན་གྱི་བསྟན་པའི་སྐར་ཆེན།།
ལུང་རིག་གི་ཟླ་བ་དཀར་པོ།།
བཤད་སྒྲུབ་ཀྱི་ཉི་མ་སེར་པོ།
མཉམ་མེད་པའི་འཁྲུངས་སྐར་བསུ་འགྲོ།
རྩོམ་པ་པོ། ལྡོང་ཚུལ་བསྟན།
རིགས་གཞུང་བཅུད་ཀྱི་སྒོ་འཕར་ཡངས་པོར་ཕྱེས།།
སྐལ་ལྡན་བུང་བའི་བློ་རྨོངས་རབ་ཏུ་བཏུལ། །
ས་ཆེན་འཛིན་མའི་ལྟོ་བར་རབ་འགེང་བའི།།
བསྟན་པའི་བདག་ཉིད་མཆོག་གི་འཁྲུངས་སྐར་བསུ། །
རྩོམ་པ་པོ། གཟི་ཁྲ་རིལ།
བཅུ་རིག་སྨྲ་བའི་དབང་པོ་མཉམ་མེད་པས།།
སྐལ་ལྡན་བྱེ་བའི་ཡིད་ཀྱི་སྐྱིད་དཔལ་དུ།།
འཆད་རྩོད་རྩོམ་པའི་ལེགས་བྱས་རྨད་པོ་ཆེ།།
གཡུང་དྲུང་བསྟན་ལ་བསྐྱངས་བའི་མཛད་པ་ཟབ།།
རྩོམ་པ་པོ། ཁྲ་ཟི་འཁྱུག རྗེ་བཙུན་མཉམ་མེད་བླ་མ་ཡི།།
སྐུ་མཆོག་སྐྱེ་བ་མིར་བཞེས་ཤིང་།།
འགྲན་མེད་རིག་པའི་བང་རྩལ་གྱིས།།
ཡོངས་རྫོགས་བསྟན་པའི་ཐང་རྒལ་ཏེ།།
བོན་བསྟན་ནུབ་མེད་སྲིད་རྩེར་བསྒྲེང་།།
རྩོམ་པ་པོ། འཕྲུལ་མྱུར།
ཨ་སྔོན་གྱི་སྤྲིན་པའི་མཐའ་ནས་འགྱིང་པའི་ཐང་དཀར།།
འཛམ་གླིང་གི་གོ་ལའི་ཁྱོན་དུ་གྲགས་པའི་གཡུ་འབྲུག།
དད་འདུན་དང་སྨོན་ལམ་ཡོད་ཚད་བཅོལ་སའི་བླ་ཆེན།།
ཁྱེད་ཉིད་ཀྱི་འཁྲུངས་སྐར་དུས་བཟང་འདིར་བསུའོ།།
རྩོམ་པ་པོ། བཙན་ཞགས་ཀྱིས།
དུས་མཚུངས་ཉི་མ་སེར་པོ་མ་ནུབ་བྱས།།
རིག་པའི་གད་རྒྱངས་སྒྲོག་པའི་ཕ་ཡིག་སྒྲོན།།
འདང་ཆེན་བཙན་པས་འཇིག་རྟེན་བསྒུལ་བར་བཏང་།།
གཞན་རྒྱུད་ལྷོད་པར་གཏོང་བའི་མཉམ་མེད་བསྟོད།།
རྩོམ་པ་པོ། བསྟན་འཛིན་ཡོན་ཏན། གཤེན་བསྟན་ས་འཛིན་དཀར་པོའི་ཁོངས་གསེང་ནས།།
རྣམ་དཔྱོད་ཤེས་རབ་རྣོན་པོའི་གད་རྒྱངས་ཀྱིས།།
མ་རིག་ཀླད་པ་འགེམས་པའི་གདོང་ལྔ་ཅན།།
སྤྱན་གཅིག་པ་ཞེས་སྲིད་པ་གསུམ་ན་ལྡིར།།
རྩོམ་པ་པོ། ལྡོང་གཡུང་དྲུང་།
<=======================>
ལས་འཛིན་པ། ལྡོང་གཡུང་དྲུང་།
འཕྲིན་ཕྲན་འབྲེལ་ཨང་། ༡༨༧༠༨༠༨༧༤༣༩
<•••••••••••••••••••••••••••••••••••••••>