<h3> ཀ་རྩོམ་ཆ་འགྲིག་མ།</h3><h3> མགོ་ཚང་བུ་ནས།</h3><h3>ཀ་རྩོམ་ཀ་ཕྲེང་འབྲི་བ་ངས་མ་ནུས།།</h3><h3>ཁ་རྩོམ་ཁ་ཕོད་འདྲ་བོ་གཞོན་ནུའི་གཏམ།།</h3><h3>ག་ཞ་ག་གོན་ཚིག་གིས་གསལ་བྱེད་དོ།།</h3><h3>ང་དང་ང་འདྲའི་བློ་གསལ་གཞོན་ནུའི་ཚོགས།།</h3><h3>ཅ་ནེ་ཅ་རེར་འཚོལ་བ་ཕུགས་བྱེད་ནས།།</h3><h3>ཆ་ཡོད་ཆ་མེད་མི་ལ་སྤུན་ཟེར་བཞིན།།</h3><h3>ཇ་ཁ་ཇ་ཆང་ཙམ་ཞིག་དོན་གཉེར་བྱས།།</h3><h3>ཉ་གང་ཉ་མ་དག་གི་བསླུ་བྲིད་ཀྱིས།།</h3><h3>ཏ་ཀུ་ཏ་ཀུ་བརྟེན་པ་ཡིད་རེ་སྐྱོ།།</h3><h3>ཐ་ཆད་ཐ་མ་ཁ་ནི་བག་མེད་སྤྱོད།།</h3><h3>ད་རེས་ད་ཚོད་རྨོངས་ཡང་སྨྲེང་མ་ཤེས།།</h3><h3>ན་ནིང་ན་ཚོད་སྨིན་ཡང་སྣང་སྨིན་རེད།།</h3><h3>པ་པོ་པ་པོ་ངག་གི་འབེབས་གཏམ་དག།</h3><h3>ཕ་ཡུལ་ཕ་སྐད་ཕ་རོལ་བཞག་ནས་ནི།།</h3><h3>བ་མ་བ་བོ་གཏམ་ཞིག་འཆད་ཀྱིན་གདའ།།</h3><h3>མ་ཕྱི་མ་མ་དྲན་པའི་ངོས་ནས་བོར།།</h3><h3>ཙ་གེ་ཙ་གེ་བྱིས་པའི་དོན་གཉེེར་ཙམ།།</h3><h3>ཚ་བ་ཚ་བོར་ལང་ཚོ་ཆུ་ལ་བསྐྱུར།།</h3><h3>ཛ་ཡ་ཛ་ཡ་རིན་ཆེན་གསུང་རབ་རྣམས།།</h3><h3>ཝ་ལེ་ཝ་ལེར་གསན་བསམ་རུས་སྦལ་སྤུ།།</h3><h3>ཞ་ར་ཞར་ཞོར་མི་རྟག་འབའ་ཞིག་ལོབས།།</h3><h3>ཟ་དང་ཟ་ཟུར་རང་རེའི་ལུགས་འདི་དམོད།།</h3><h3>འ་འུར་འ་འུར་ཆུ་སྣ་གར་ཁྲིད་བྱེད།།</h3><h3>ཡ་མཚར་ཡ་མ་ལུགས་ཤིག་ཁོ་ནར་འབད།།</h3><h3>ར་ཡིག་ར་མ་ལུག་ཅིག་དད་གནས་བྱེད།།</h3><h3>ལ་ལུང་ལ་ཁ་མྱུལ་བ་ཚོང་དོན་ཙམ།།</h3><h3>ཤ་འདྲེས་ཤ་ལྤགས་ཙམ་གྱི་འཇིག་རྟེན་སྐྱོང་།།</h3><h3>ས་ཆེན་ས་སྟེང་ས་ཡ་དྲུག་གི་ལྗོངས།།</h3><h3>ཧ་ཅང་ཧ་ལས་ཚིག་གིས་གཏམ་ཞིག་བརྗོད།།</h3><h3>ཨ་རོགས་ཨ་འདི་སྙིང་གི་ཕྱེད་ཀ་ཡིན།།</h3><h3></h3><h3>༢༠༡༦་ལོའི་ཟླ་༦་པའི་ཚེ་༢༩་ཉིན།</h3>