<h3> ༼འཁྲུལ་སྣང་གི་བདེན་ཚིག།</h3><h3>ཐོག་མའི་མཇལ་ཕྲད་དེ་སྔོན་གྱི་ལས་རེད།།</h3><h3>བར་དུ་མཉམ་འགྲོགས་ཀྱི་ལོ་ཟླ་གསེར་རེད།།</h3><h3>མཐའ་མའི་སྨོན་ཚིག་དེ་དཀར་པོ་སེམས་རེད།།</h3><h3>བུ་མོའི་བརྩེ་བ་དེ་འཚོ་བའི་མདངས་རེད།།</h3><h3>སྒེག་ལྡན་བཅུ་དྲུག་གི་ལང་ཚོ་དེ་ལ།།</h3><h3>དམར་ཆུང་སེམས་པ་ཡི་ཕྱེད་ཀ་ཤོར་ཡོད།།</h3><h3>ཚུལ་ལྡན་ལུགས་བཟང་གི་གུས་པའི་ལས་ལ།།</h3><h3>ཡ་ཁོག་དུང་བ་ཡི་རྣམ་ཤེས་འཐིམས་ཡོད།།</h3><h3>མི་འབྲལ་ལག་ཟུང་ལ་འཐོར་བ་མེད་ན།།</h3><h3>ཚིག་གསུམ་དམ་བཅའ་ཡི་རི་མོ་བཀོད་ཆོག།</h3><h3>མི་ཚེའི་ལམ་ཕྲན་གྱི་འགྲོ་ལམ་གཅིག་ན།།</h3><h3>ལྷད་མེད་བརྩེ་བ་ཡི་མགུལ་རྒྱན་བསྐོན་ཆོག།</h3><h3>ཀྱག་ཀྱོག་ལམ་ཕྲན་ལ་འཇིགས་སྣང་མི་དགོས།།</h3><h3>ཁོ་བོ་ཁྱེད་ཉིད་ཀྱི་ཟུར་དུ་ཡོད་ངེས།།</h3><h3>འཁྱལ་འཁྱོལ་སྐད་ངན་ལ་སུན་སྣང་མི་དགོས།།</h3><h3>མི་ཚེའི་ལམ་བུ་འདིར་ཁོ་བོ་ཡོད་ངེས།།</h3><h3>བརྩེ་བའི་མིག་ཟུང་ལ་གཟིམས་པ་མེད་ན།།</h3><h3>དུང་བའི་སེམས་གཏམ་ལ་འཛད་པ་མི་སྲིད།།</h3><h3>དགའ་བའི་དགོད་འཛུམ་ལ་ཡལ་བ་མེད་ན།།</h3><h3>ཤོར་བའི་སེམས་པ་ལ་འགྱུར་བ་མི་སྲིད།།</h3>