<h1><font style="color: rgb(0, 0, 0);"> ཞེན་པ་བཞི་བྲལ་སོགས་བཤད་པ། <br /><br />༡ དང་པོ་ཞེན་པ་བཞི་ནི། <br /><br />༡ ཚེ་འདི་ལ་ཞེན་པ། ༢ འཁོར་བ་ལ་ཞེན་པ། <br />༣ རང་དོན་ལ་ཞེན་པ། ༤ འཛིན་པ་ལ་ཞེན་པ། <br /><br />༡ ཚེ་འདི་ལ་ཞེན་ན་ཆོས་པ་མིན། ༢ འཁོར་བ་ལ་ཞེན་ན་ངེས་འབྱུང་མིན། ༣ བདག་དོན་ལ་ཞེན་ན་བྱང་སེམས་མིན། ༤ འཛིན་པ་བྱུང་ན་ལྟ་བ་མིན། <br /><br /> ༢ དེ་ལ་ཞེན་པ་བཞི་དང་བྲལ་བ་ཞིག་དགོས་པ་ཡིན། ཞེན་པ་བཞི་དང་བྲལ་ཡོང་དུས་བློ་ཆོས་སུ་འགྲོ་བ་དང་། ཆོས་ལམ་དུ་འགྲོ་བ། ལམ་ལ་བར་ཆད མེད་པ། འཁྲུལ་བ་ཡེ་ཤེས་སུ་འཆར་བ་དེ་འདྲ་བྱུང་། <br /><br />༡ ཞེན་པ་དང་པོ་ཚེ་འདི་སྣང་ལ་ཞེན་པ་དེ་ལྡོག་པ་ཡིན་ན་བློ་ཆོས་སུ་འགྲོ་བ་ཞེས་པ་དེ་ཡོང་གི་ཡོད།<br /> <br />༢ ཚེ་འདིའི་སྣང་ཞེན་ལྡོག་ནས་ཕྱི་མ་དོན་གཉེར་སྐྱེ་ཡོང་དུས་བློ་ཆོས་སུ་འགྲོ་བ་ཡིན། <br /><br />༣ ཆོས་ཟེར་བ་ཕྱི་མ་ཕན་ཆད་ཀྱི་བསམ་པས་ཟིན་པ་ཞིག་དགོས་པས། <br /><br /> དེ་ཡང་སྐྱེ་བ་ཕྱི་མ་དེ་ལྷ་དང་མིའི་གོ་འཕང་འཐོབ་ན་བསམ་ནས་བསྒྲུབས་ན་ཆོས་ཡིན་མོད་ཀྱང་ཐར་བར་འགྲོད་པའི་ལམ་དུ་མ་སོང་བ་ཡིན། ཐར་པའི་ལམ་དུ་བགྲོད་པ་ལ་ངེས་འབྱུང་གི་བསམ་པས་ཟིན་དགོས་པ་ཡིན་པས་ཞེན་པ་གཉིས་པ་འཁོར་བ་ལ་ཞེན་པ་དང་བྲལ་ན་ཆོས་ལམ་དུ་འགྲོ་བ་ཟེར་བ་དེ་ཡོང་གི་ཡོད། <br /><br />༤ བདག་དོན་ལ་ཞེན་པ་དང་བྲལ་བ་ཡིན་ན། ལམ་ལ་བར་ཆད་མེད་པ་བྱུང་བ་ཡིན། <br /><br />༥ འཛིན་པ་དང་བྲལ་ན་འཁྲུལ་པ་ཡེ་ཤུས་སུ་འཆར་བ་ཞེས་པ་དེ་བྱུང་བ་ཡིན། <br /> འོད་དམར་གྱིས་ཟིན་བྲིས་སུ་བཏབ། <br /></font></h1>