རྩེ་སྐྱེས་རིག་པའི་རྣོ་གྲི
མེ་སྲས།
པདྨའི་ཚལ་དུ་པདྨ་འཛུམ་ན།།
སྐྱེ་འཇིག་འཁོར་བ་སྙིང་པོ་སྐྱེས་འོང་།།
རིག་པའི་སྡིངས་ཀར་རྩེད་འགྲོས་ལྡེམ་པས།།
སྲིད་པའི་གྲོང་ནས་མཇལ་བ་ངོ་མཚར།།
སྨྲ་བསམ་བརྗོད་འདས་ཤེས་རབ་རང་བྱོན།།
དམ་པའི་ཆོ་ངེས་ས་གསུམ་འགུལ་བ།།
སྙན་ངག་ལྷ་མོའི་དངོས་འགྲུབ་ལྟ་བུའི།།
རིག་པའི་རྣོ་གྲི་ཁེར་རྐྱང་རྒྱལ་ལོ།།
ཁ་མཚར་གླེང་ནས་ཚར་རྒྱུ་ཡོད་ཀྱང་།།
བསྟོད་པའི་ཚིག་ལ་འཛད་མཐའ་མེད་པས།།
མདོ་སྨད་སྐྱེས་བུ་ཟླ་བ་གྲག་པར།།
འཁྲུངས་སྐར་བདེ་ཞེས་ཚིག་གསུམ་བྲིས་ཡོད།།
སྤྱི་ཟླ་༡༠ཚེས༣ཉིན་འཁྲུངས་སྐར་བསུ།
🎁🎁🎁🎁🎁🌷💐