སྙིང་གི་གས་གསེབ་ལ་གཞས་ཤིག་བཏང་བས་ཡིན་ནམ།།
སེམས་ཀྱི་རྨི་ལམ་དེར་ཡོར་བ་དཀྲིས་པས་ཡིན་པ།།
རྣམ་རྟོག་རི་མོ་དེར་མདངས་ཤིག་རྒྱས་པས་དབང་གིས།།
གཅེས་པའི་མིག་ཟུང་ལས་ཆུ་མིག་བརྡོལ་བས་ཡིན་སྐད།།
ལས་བསྐོས་ལན་ཆགས་ཀྱི་མུན་པ་ཐོ་ཡོར་འདྲ་བ།།
དྲན་པའི་རྨི་ལམ་གྱི་ལྟེམས་ན་ལྷང་ལྷང་འཇོ་བ།།
ལྷིང་འཇགས་ཆོ་འཕྲུལ་གྱི་གཞིས་ཀ་འཇའ་ཚོན་ལྟ་བུ།།
ཁྱོད་ཀྱི་སྙིང་ག་ནས་ལྷམ་མེར་འཕྱོ་བ་བདེན་ནམ།།
གྱེས་པའི་རྡོ་རིང་ངོར་ཡིག་གཟུགས་འདྲ་མིན་ཕབ་པ།།
སྣང་བའི་མི་སྐད་ཀྱི་ཡལ་འདབ་འཐོར་བ་འདྲ་སྟེ།།
སྙེས་མལ་སྟེང་འོག་ཀུན་མཚོ་མོའི་བམ་ཁ་དོད་པས།།
དོ་ཞག་འཇིག་རྟེན་ལ་བདེ་བའི་གོ་སྐབས་བྲལ་ལོ།།
ཁྱོད་ཀྱི་འདྲ་རིས་དེ་དབྱངས་ཅན་ལྷ་མོར་མཚུངས་བས།།
འཁྲེང་བའི་མེ་སྲས་ང་དེ་ལ་ཧ་ཅང་དུངས་བ།།
མགོ་བོ་ལྡེམ་ལྡེམ་གྱི་ལག་ཟུང་དམ་དུ་འཁྱུད་ནས།།
གློ་བ་ཉེ་ཚུལ་གྱི་སྙིང་གཏམ་མང་དུ་ལུད་སོང་།།
གང་ལྟར་དགའ་དྲགས་པས་ཚོར་འདུ་སྨག་གིས་བཟུང་ཞིང་དྲན་ཆེ་བའི་རྨི་ལམ་སྟོང་བས་ཟིན་པ།