<p class="ql-block">Ngvap puq gva su;Lagui Lalat</p> <p class="ql-block"> Yinjang ginwang gi Yinnan Sikungmau buiwang qam munzvung shut mai e lalvum ginwang ngvut le Yinjang ginwang le nganvung amyu zowui gi pyingyen bva ga agvo lizhvung gi zhvoiyung dik e bvadamlam zhiwo ga Yinjang ginwang buitoq qam munzvung shut gi Tengchung myuq eq coq lvumle buitoq qam byinzvung shut gi Lengho ginwang eq coqlvum le byinzvung shut gi Lungchon ginwang eq coqlvum le buiwang qam shut gi Myenming eq jvo changlvunm le 。</p><p class="ql-block"> Yinjang ginwang mai Mangshi myuq zhe e qo gi 153Km bo le Kuimying myuqzhe e qo gi 735Km bo le Myenming e myitzhinva zhe e qo gi 197Km bole Myenming e manmo zhe e wo gi 131Km bo le。</p><p class="ql-block"> Yinjang ginwang gi pyingyen myuqwa Jucheng myuqwa Zhanxi myuqwa Nongzhang myuqwa Taipying myuqwa Xima myuqwa Nvabang myuqwa Kachang myuqwa Xincheng mauwa Yusungling mauwa Mvanzhang mauwa zhinva mauwa Suden Lisu mauwa mingnong mauwa tungbigon mauwa 8myuqwa eq 7mauwa bo le 。</p><p class="ql-block"> Yinjang ginwang gi Sam Zaizo Myiwa Lisu Achang Deang byumyu quqzhung chom nyi jo lo e zhiwo ngvut le Yinjang ginwang ma amyu wui chom zuizo zuishuq e howa gi guq yangyi koshau pungchui lumbum gapyi caugo saudoshi bve amyumyu zhaqmyobum le。</p><p class="ql-block"> Yinjang ginwang ma lamgvun zhiwo ri myodik le , Danggve wui lang yam ma e shiwa banbo qam kaibang wuinvong Yinyanfota suden mauwa ma e mvan nyui yo Zhinvamauwa ma e mvutmau lungsangbum tungbigon sikbvung nyi gvun qam myvanggam wangze taipyinggai hutaushi xangeqhu bve a wowo bo dik a shi 。</p><p class="ql-block"> Yinjangginwang ma amyu zowui shidaq zhvitdap kung ga lvumlui loqcoq gingging gvutlui chom nyi jo lo bum be zhvoiyung dik eq Yinjang bva ma gumang nvikdvang wui banshoq bang zhe le wui gvun shang Gibu gira e zhvitmyit mai lvomdve kilum nyi le zhezhvu go dik be。</p>