<p class="ql-block"> Ngo gi WB zhvitmyit zhong zaiwa laigva mvoq wap 65gok jinghpo laigva mvoq wap 26gok Yinjang ginwang ma Myiwa amyu layuq ngvut le, nga mying gi: Go Caipyin ga le。</p><p class="ql-block"> 2000zan lvomo laqap ri, ngo Yinjang ginwang Mangzhang Bilik dap ma mu lo wang lo ma, Mangzhang mau gi bunzhvoi izhvam jeng, mili sansan zhvoi dik e zhiwo ma , Myiwa Xaiwa,Lasam .Lisu amyu chom nyi ngon agvo, Zaizo amyu gi Manzhang mau wa ma midung myo nyi e amyu le, wumbo jvetlek e zhvitmyit i sam yung dik e amyu ngvut ra yvo yvo mai ngo Zaizo amyu wui eq byinchang gvut zum ngon lo be,yvum ma ri e so hui gvun gvun gvut lui,bviming ming gvun , zo gvun shuq gvun go gvun gvut lui, yvang moq eq ze zum ngon ra be, Zaizo tungking re ri zhvitdap byuq lo be,hau mai gi dang bve ri chang mvoq chang jo lo dai lo be，Zaizo amyu wui eq byinchang gvut ri myit ngon dik ra。</p> <p class="ql-block"> Xi sumzan abun su ga lai lo be, Mangzhang mau wa wu gvat ri, Xincheng mau wa ma mu dum lo zui be, xi mo e Danggo wa ma gi banshoq Zaizo amyu ngvut le, ngo xiwa bang eq ri byinchang su dum lo zum ra be, yvang moq mu bo zhang ngo ri le gvam ho, ngo ri lago lom zui girum gvat gvut, yvangmoq e yvum igvum eq nga zui sai muzo ma yvang moq bi girum byi gvut lui, shidaq chom tuqbang lvum gvut lui zhaq yvang chom zum ra lvum be。</p><p class="ql-block"> Ngon e buinyi gi lawan dik be, abun su ga ma 2023zan dum zhe be, ngo ginwang kau ma qo mu zui dum dvau be, mau wa ma Zaizo byinchang wui eq no hui lvum e aqing ri shau byu be, ngvut gvilvang nga myit kau ma yvangmoq ri kanvam bun nyi le。</p><p class="ql-block"> Lanyi le bui ma, DY wu gvun nyi wu ma, sira Aroi Zaizo laigva mvoq se shang ga e dan lu wo pong be，Ngo myang wu gibu dik be, xi su zhong zhoq zhang gi Zaizo mying laigva ri zhe wo mvoq se be ra。Zaizo binchang wui ri zhe wo se lvum be ra ngvu imyit son zhe be，hau mu sira Aoi ri coq wang o mai, zhongwap ma zhe wang lo be。</p><p class="ql-block"><br></p><p class="ql-block">WB zhvitmyit zhongwap ma zhewang lo mai, ngo lago chang gvap shigut nyi be, ngvap te toq, a se bve bo zhang sira eq zhongzo byinchang ri myi gvut, a o ma byinchang wui eq ri mying mu man gvut, sanghi qap awo mvoq rot, tang ma laqap dum sai shigut mvoq mu lui, ongshi wo yu be锛宻ira bve qeon zhvunghuq ri wo yu be銆</p><p class="ql-block"><br></p><p class="ql-block">Kinyi WB zhvitmyi zhongwap 7an wo pong cuq kulum buige nyi ma, ngo WB zhvitmyit zhong銆丄roi sira銆乬obang sira bve ri ajvu bun dik be, ngo ri Zaizo laigva mvoq byi e, Zaizo laili paqzhi ri chang se yu e, byinchang wui ri zhe wo se yu, akui tangpang wo coqcoq sai shigut nyi ra, Zaizo laigva zhe wo mvoq yu ra qo ma chang shigut chang byvo jvo, mvoq se nau bang ri zhongwap ma shui wang gvut shigut nyi ra銆</p><p class="ql-block"><br></p><p class="ql-block"><br></p>