<p class="ql-block">Gva su：Zingdvang Ganlum </p> <p class="ql-block"> LENGHO GINWANG</p><p class="ql-block"> 梁河县</p><p class="ql-block"> Lengho ginwang gi Yunnan ming ma buiwang qam shut, Sikung mau sam Zaizo amyu upkang mau ma buitoq mutshut ma, yvang e buitoq munshut gi Tengchung myuq eq coqlvum le, buitoq byinshut gi Lunglin ginwang eq coq lvum le, byinshut gi Mangshi myuq eq Lungchon ginwang eq coqlvum le, buiwang qam shut gi Yinjang ginwang eq coqlvum le。</p><p class="ql-block"> Lengho ginwang gi amyu kang mo nyi e mau ri ngvut le, xi ma Myiwa amyu, Sam amyu,Zaizo amyu,Achang amyu, Deang amyu, Lisu amyu, Waq amyu bve 13 myu yvang nyi le。</p><p class="ql-block"> Hai mai, Lengho ginwang gi yomu zui ri midung gvut ginwang, yvang gi zhunggo ma um-bung byvi mut e mau ri ngvut le。</p><p class="ql-block"> Dum ngvut zhang, Lengho ginwang ma lam gvun zhang ri zhaq zhoq le, danggve Nanfen xen fushi shu ,Taipyin gong-u, Xangyun gong-u, Hungyang gong-u yvum bve. Hau mai Lungo wa, Reshuitang, Xenfeng lam gvun zhang bve mi lo ge lam gvun le。</p><p class="ql-block"> Lengho ginwang ma sun-ngvam ri zhaq zhoq le, danggve Sam amyu waqsho put, Zaizo wui e angjvuq ngozo zhvoq, Lisu amyu e zangbvun bve zhaq ngvam bik le。</p><p class="ql-block"> Dum gi, Lengho ginwang gi bum bva yotung bve wo, mausoq ri ge e mau ngvut mu lui, a kui gi nyva hi, pungchui ho, poqko ho, bau-qingzvo, mau ho, yangyi bve hozo ginwang ri wo dut dvo be。</p><p class="ql-block"> Dai gvat zhang, Lengho ginwang gi sikyuq bumbyi dvo, wa yuq kung byin shoq e nyuizhvoi e mau ngon dvingdam lam e zhiwo, tungking labau kumzup e mau ngvut mu, nganvung lo lam lving wun gvilvang, myitngon dik be。</p><p class="ql-block"> Hau mu buinum au zo numnang wui Lengho ginwang ma lo lam gvun gveq.</p>