【说方言】上海话——辈分

昌睿

　　来辣（在）地铁一号线额（的）车厢里头（里面），鹅旁边坐着母子两箇（个）宁（人），从小宁（小孩）娘额闲话中可以晓得（知道），伊拉（他们）是从宁波到上海来白相（玩）噶（助词）。

“妈妈，很多人都说上海的舅舅是宁波，我们到表舅家里去，我应该是叫舅舅，还是叫其它什么称呼呢？”小宁刚（讲）普通话，一副天真无邪额面孔露出不知所云神色。

“该闲话和头嬉讲讲，莫当真（宁波话：这话都是开玩笑，不要当真），侬要叫娘舅（舅舅）啦。”小宁额娘是一口石骨铁硬（宁波话：很硬）宁波话，来煞勿急（急忙）阻止小宁继续问下起（去）。

童言无忌，鹅看着小宁额神态嚡（也）笑勒，毕竟有交关（很多）宁刚，宁波是上海额娘舅（舅舅），主要是上海有邪气（很）多额宁是宁波籍，而且，‘阿拉’（我们）迭（这）箇词语嚡送畀吾尼（我们）勒（了）。

　　听听迭些闲话蛮有道理，勿（不）过，迭些打棚（开玩笑）闲话始终让上海有噎眼眼（有些）澳门痛（有苦说不出），就像上海宁刚额‘邪气挖塞’（很郁闷）一样，心里头（心里面）老勿适意（很不舒服），因为闻名全世界额上海，辈分实在忒（太）小勒。

辣么生头（突然），鹅想到勒苏州；上世纪三十年代苏州闲话辣（在）上海滩浪（上）到勒顶峰，只要侬（你）会说几句苏州闲话老扎台型（很有面子），迭辰光（时候）交关苏州闲话就变成上海闲话勒，譬如：吃空心汤团（失信于人）、王伯伯（吹牛逼）、弹老三（死了），……

迭些上海闲话原来侪是（都是）苏州交畀（赠送给）上海，况且苏州是上海额后花园，刚闲话又老嗲（很好听）额，搿能（这样）分析额话——苏州是上海额阿姨。

嘿，真是大上海小辈分。