<p class="ql-block"> 國航機場之我見</p><p class="ql-block"> 可謂”一百歲唔死，日日都有新知趣聞。”</p><p class="ql-block"> 最近一次出行，糸搭乘遠近馳名贊聲載道嘅國航（Air Canada)班機。當日Check in櫃枱前，人頭湧湧，風情萬種。國航職員天藍色制服，裏盡沸騰的青春，却遮蓋不住風彩年華。眾帥哥舉手投足，習習生風。靚姐們更是齒白唇紅，令人怦然心動。此時個個恪盡職守，一絲不苛。忽然間聽見有人大聲講細聲叫，原來係三號枱有拗撬。櫃枱嘅國航靚姐，吩咐女乘客將隨身行李喼，放入國航專門作量度允許尺寸大細嘅鐵架內。結果半個喼入咗個鐵架，而喼底四個轆就凸曬喺個鐵架外。職員靚姐見狀即講：小姐你個喼超咗尺寸，要寄艙，承惠七十蚊啦唔該。唔系啩？一個有着烈焰紅唇嘅女乘客隨聲應道：四個轆收七十蚊？咪好過去搶。國航請人，梗係只睇外表，完全無睇個腦大小。弦外之音係話個國航職員人靚無腦，腦大生草咁解。靚姐無耐性去聽條辣椒女腰心腰肺講爺叔，頂咗一句：對唔住，上頭有規定。點知條辣椒女仲系口噏噏：你對唔住我時我更對唔住四個轆！說時遲那時快，聽見條女大喝一聲，空拳赤手使起內功居然擰甩四個喼底轆，個喼就急墜鐵架內。嘩，一招一式，令國航職員花容失色。早知如此，女人之家又何必為難女人呢？如果無耳藤喼靠托為虛，咁哩次眼見無轆皮喼靠扐為實了。一場藍鳥與雲雀金句頻生嘅精彩對决，余音裊裊，令我幾乎忘記了此行目的。拉住自己件行李我不奢望什麼了，求其過得關就阿哩吉帝。超！拼死無大碍，橫下一條心，小𡃤叭頂硬上，一於去馬！</p><p class="ql-block"> 以上場景時有出現，如有雷同，實屬巧合，過往事跡或者不會重現。</p><p class="ql-block"> </p><p class="ql-block"><br></p>