<p class="ql-block">2024.10.3，晴。国庆长假，继续白相。昨日到南京路外滩轧闹猛，今朝寻了个冷僻呃地方，到宝山闻道园去寻个清静。闻道园呃信息也是最近才晓得，讲有一个老板投了勿少钞票，从乡下头拆了勿少徽派建筑搬到上海，再按原貌复原重建云云。到底哪能桩事体，约了几个朋友去一探究竟。</p><p class="ql-block">地铁坐到美兰湖下来，再自驾过去，还要开十几分钟路。大众点评上显示门票是40块，实际门口头却要卖50块！过节临时涨价啊？不过超过70岁可以免票。时逢节假日，来白相呃人还是蛮多呃！</p><p class="ql-block">毕竟是第一次来，还是觉得蛮好白相呃，那座状元楼蛮灵呃！做工精到。还有奇石馆也勿错，各色石头，林林总总，大开眼界。另外有只八卦荷花池，尽管池子里水侪放光了，荷花也侪落光了，但是大片大片的残叶在斜斜的阳光里随风摇曳，特别是逆光看过去，透了勿得了。几个朋友看到，脚侪挪勿动了，纷纷趴了地板上，拼命寻觅最佳呃仰拍角度。勿晓得呃人看到伊拉只只屁股翘了老高，还以为是叩头拜神仙来！</p><p class="ql-block">索尼7R2红外改机，原厂12-24/4镜头。</p>