<p class="ql-block">人生路途荊棘遍佈，當陷入低谷嗰陣，良好嘅心態就繫照亮黑暗嘅微光，唔抱怨唔逃避，保持樂觀執著前行，要知道今日踩嘅每一下，都繫在爲之前嘅每一次選擇埋單，呢個繫擔當，今日踩嘅每一下，亦繫在爲我今後嘅退休生活成功佈局，呢個叫沉澱，新嘅一天，新嘅開始，早安，向快樂出發。</p><p class="ql-block">@新會三江沙仔島</p> <p class="ql-block">每日一張相片記錄藍天白雲</p><p class="ql-block">287@365且行且聽且欣賞</p><p class="ql-block">陪我健走鲜花盛開的這條路～1824天——2019年10月14號 禮拜一己亥（猪）年 九月十六，今日晴天轉多雲，東北風5級，温度24°C／29°C，空氣湿度64％，空氣質量指數57（良），江門新會空氣一般，適宜騎行健走鍛煉。</p> <p class="ql-block">走得遠了睇得多了，忽然明白人生匆匆祇繫一個過程，感恩并珍重，喺修行嘅路上，寧思靜悟，悠然紅塵，喺淡泊中，逥味時光裏嗰啲花開過嘅明媚與溫柔，讓生命嘅過往，喺時光裏安然沉寂。</p> <p class="ql-block">沙仔岛距离新會城區唔遠，從三江漁業邨渡口坐上渡船，10分鐘便可抵達，聽講就繫咁樣一個小島，無論繫在五邑地區抑或繫在新會，甚至繫在三江镇，好多人對沙仔島認知甚少，就連小德小度都搜唔到沙仔島，有需要前往嘅朋友可以搜三江漁業邨或沙仔場就可以。</p><p class="ql-block">雖然小德小度都搜唔到這沙仔島，但仲好畀我一次過搵到咗這沙仔島馬頭，祇可惜好唔好彩，剛到渡口渡輪啱啱開走，離開岸邊已兩三米，當其時我離碼頭仲有那十幾二十米，就已經听到渡輪那發動機聲突然的加速聲響起，哎~那怕我踩快十秒八秒，相信我一定能落到船……現在衹能眼眨眨噉睇住渡輪漸漸離我遠去，留低嘅祇有渡輪發動機哪煩心嘅，卡嚓~卡嚓~卡嚓聲，好似變相噉喺度諷刺緊我，你嚟遲罅~黑仔~黑仔~黑仔~😂</p> <p class="ql-block">沙仔島位於新會銀洲湖中心嘅一塊沙洲，隸屬於新會三江鎮島上四面環水，島嘅周邊交通設施發達，但島上與外界往來衹能靠渡船，繫名副其實嘅孤島。</p><p class="ql-block">依個繫沙仔島治安亭，亦繫沙仔島候渡亭，等待繫一種折磨人嘅事，兩粒鐘嘅一班渡輪時間（早上四班，下午四班），真唔知有冇咁嘅耐性繼續等候落去~😓</p> <p class="ql-block">祇有持續噉爲夢想而努力嘅人，盡所能噉讓夢想實現嘅人，夢想先唔會遠離你嘅，哈~哈~哈~面對現實耐心等待啦，加油！</p> <p class="ql-block">企喺渡口上遙望河嘅出口處，對面不遠處就繫沙仔島了，渡輪幾時可以返航啊？</p> <p class="ql-block">除我之外，等待渡輪嘅仲有三位後生嘅人客，呢一刻喺最深嘅絕望裏，突然遇見最美麗嘅風景，遠處又傳來了卡嚓~卡嚓~卡嚓嘅聲響，渡輪嘅身影從模糊到清晰且越嚟越大，原來渡輪已經返航了。</p> <p class="ql-block">今日新會三江鎮沙仔島之行，真繫有好彩有唔好彩，唔好彩嘅繫剛到渡口，眼睜睜噉睇住渡輪剛剛開走。</p> <p class="ql-block">而好彩嘅繫，渡輪開過去之後就即時調頭返嚟，唔使再等兩粒鐘並且落船即開~👍👍👍</p> <p class="ql-block">渡船嘅費用一單車一人，</p><p class="ql-block">來逥一次衹需付5蚊可返程付，</p><p class="ql-block">依頭上咗渡輪，</p><p class="ql-block">渡輪便即刻慢慢開出，</p><p class="ql-block">依趟渡輪祗有船老大~我~</p><p class="ql-block">~仲有那三位後生嘅乘客，</p><p class="ql-block">船剛開動一陣秋涼愜意嘅江風吹來，</p><p class="ql-block">雖然比唔上海風但感覺十分舒暢</p><p class="ql-block">就連嗰啲煩心嘅卡嚓~卡嚓~卡嚓響聲</p><p class="ql-block">都變成咗~好彩~好彩~好彩聲</p><p class="ql-block">聽起來順心好多了😃~</p> <p class="ql-block">2019年10月14號 AM:10:18</p><p class="ql-block">渡輪好快就到咗對岸，終於可以上岸了，船老大踩住單車返屋企休息等開下一班渡輪了，細問之下船老大講，原來繫鎮領導來調研工作了，依一趟船繫專爲鎮領導開嘅加班船，就繫剛才喺渡口一齊候渡嘅嗰三位後生，多得依三位鎮領導了，我只等咗36分鐘就登上島了，讓我亦變相咁當咗一逥“鎮領導”了，享受咗一次暢通無阻嘅出行，出門遇貴人了 #路是對的就不害怕遙遠#</p> <p class="ql-block">遠處睇到嘅繫，2016年動工建設嘅銀洲湖特大橋，佢全長4700餘米跨越銀洲湖黃金水道，連接新會區三江、雙水兩鎮，從三江到雙水，經過三江沙仔島，橫跨銀洲湖黃金水道，2021年建設完成後將成爲新會嘅第一大橋。</p> <p class="ql-block">烏篷船&路虎單車~</p><p class="ql-block">上咗岸一條大道直去穿過高高河堤，貫穿整個沙仔島嘅頭同尾。</p> <p class="ql-block">村口嘅左邊，繫全島最大最漂亮最現代嘅建築物，沙子場社區服務中心。</p> <p class="ql-block">一入邨口就繫一個大大嘅籃球場。</p> <p class="ql-block">球場嘅右側，那一連排黃色嘅舊樓房，繫60年代嘅知青場。</p> <p class="ql-block">嗰時嘅知青樓，破舊得嚟又好特別，殘舊得嚟留低咗唔少幾十年前知青上山下鄉嘅烙印。</p> <p class="ql-block">好多門上仲留有嗰個年代嘅毛主席偉人頭像~👍</p> <p class="ql-block">可能見我繫島上唯一嘅一個遊客吧，禾花雀仔列隊三排歡歌在歡迎我呢。👍</p> <p class="ql-block">沙仔島上唯一嘅邨落位於島嘅中心，由東至西横貫而過，一條三四百米筆直嘅巷道，貫通整個邨莊嘅頭同尾，睇下兩邊嘅邨屋，十幾條橫巷口整齊擺放嘅垃圾桶，就知道這邨莊有幾咁乾淨整潔企理？</p> <p class="ql-block">呢度繫邨中間，一個邨民小小恬息嘅活動，同運動場所。</p> <p class="ql-block">穿過這活動場所，呈現喺眼前嘅繫，左右兩邊大片整齊大小劃一嘅水稻田，而中間繫種滿落羽杉同美人蕉，用嚟灌溉稻田嘅主灌溉渠，渠嘅兩邊繫筆直望唔到邊嘅柏油路。</p> <p class="ql-block">主灌溉渠左邊嘅稻田已經金黃了這景色實在太美了。</p> <p class="ql-block">同左邊相比較，右邊嘅稻田仲帶有少少嘅青綠色，我估計可能繫播種先後之分吧。</p> <p class="ql-block">由主灌溉渠分枝出嚟嘅撗向灌溉渠道。</p> <p class="ql-block">同樣筆直美麗，同樣種有蒲葵樹同美人蕉嘅橫向灌溉渠道，估計有十幾廿條之多。</p> <p class="ql-block">咁大個仔還真未見過，有咁樣美麗嘅水稻田，仲繫第一次見到可以咁樣種水稻嘅。</p> <p class="ql-block">這蒲葵樹繫江門市市樹</p><p class="ql-block">亦繫新會市特有嘅樹種~</p> <p class="ql-block">騎行喺田頭裏，</p><p class="ql-block">筆直嘅柏油路上一路嘅金黃，</p><p class="ql-block">鮮花稻穗伴我行好生愜意，</p><p class="ql-block">最讓我感到興奮嘅係，</p><p class="ql-block">那沁人肺腑嘅成熟嘅稻香。</p> <p class="ql-block">開心快樂時</p><p class="ql-block">會用最大嘅體能</p><p class="ql-block">讓單車達到最大速度</p><p class="ql-block">從而獲取最大嘅快感~</p> <p class="ql-block">眼傍嘅風景如時光一瞬即逝，</p><p class="ql-block">而信念不斷噉催促自己努力前行</p> <p class="ql-block">行走喺田野綠意與小桥流水間，</p><p class="ql-block">一切都咁美好咁順其自然，</p><p class="ql-block">而生命嘅本質就在於追求簡單快樂自在。</p> <p class="ql-block">唔講你知，</p><p class="ql-block">你或可能會以爲你睇到嘅繫，</p><p class="ql-block">一處豪華小區嘅花園，</p><p class="ql-block">一座座棗紅色嘅小木橋。</p> <p class="ql-block">風格各異，</p><p class="ql-block">横跨主灌溉渠上。</p> <p class="ql-block">渠美~</p> <p class="ql-block">水美~</p> <p class="ql-block">橋美~</p> <p class="ql-block">路燈美，</p><p class="ql-block">有見過農田裏有咁靚嘅路燈？</p><p class="ql-block">主灌溉渠兩邊整齊或一嘅路燈，</p><p class="ql-block">同江門市好多主干道上嘅路燈撞面呢。</p> <p class="ql-block">喺騎行中有時會見到好多人</p><p class="ql-block">睇到好多靚風景</p><p class="ql-block">忽然喺某一個際遇</p><p class="ql-block">會認識到自己嘅不足</p><p class="ql-block">祇有認識到自己嘅不足</p><p class="ql-block">先有可能成為更完美嘅自己~</p> <p class="ql-block">爲咗唔讓自己騎行祇存於夢裏</p><p class="ql-block">在我睇嚟爲咗夢想而去努力嘅人</p><p class="ql-block">都係值得尊敬嘅人~</p> <p class="ql-block">生命因夢想而偉大</p><p class="ql-block">亦因夢想而寂寥</p><p class="ql-block">或許喺騎行路上嘅你</p><p class="ql-block">繫一個孤獨嘅騎行者</p><p class="ql-block">但你至少堅定噉踩出咗第一步</p><p class="ql-block">所有嘅遇見都繫最好嘅安排</p><p class="ql-block">人生没有一帆風順</p><p class="ql-block">邊個都唔知道前面嘅旅途</p><p class="ql-block">繫坎坷曲折仲繫一路平坦</p><p class="ql-block">所經曆嘅磨難受過嘅傷掉過嘅眼泪</p><p class="ql-block">都繫人生成長必須要經曆嘅曆練~</p> <p class="ql-block">向遠方踩去至少你可以在有限嘅生命裏去締造嗰一份属於你自己嘅精彩~</p> <p class="ql-block">騎行中所有能讓你愉悅心靈嘅過程</p><p class="ql-block">都係用艱苦換嚟嘅</p><p class="ql-block">呢個時候你會更加珍愛你嘅單車</p><p class="ql-block">因爲佢陪著你</p><p class="ql-block">共同行走過讓你筋疲力盡嘅路~</p> <p class="ql-block">行走在田野綠意與小橋流水間</p><p class="ql-block">一切都咁美好咁順其自然</p><p class="ql-block">而生命嘅本質就在於追求簡單快樂自在~</p> <p class="ql-block">以前嘅傳統種植模式一直都係</p><p class="ql-block">鐵梨牛耕，生滿草嘅田基~</p> <p class="ql-block">從播種，到挿秧，除草施肥~</p> <p class="ql-block">到收割涼曬都係用勞動力純手工操作~</p> <p class="ql-block">再巴閉一啲嘅就係這工農十拖機了~</p> <p class="ql-block">鏽跡斑駁嘅工農十拖拉機</p><p class="ql-block">展現咗佢嗰個年代嘅風采~</p> <p class="ql-block">踩著踩著</p><p class="ql-block">遠處傳來嗡嗡聲響</p><p class="ql-block">花從裏突然昇起咗一只飛天“大蠄蟧”</p><p class="ql-block">原來繫無人機喺度執行噴灑作業~</p> <p class="ql-block">依位操控住無人機嘅藍衫紅衭大哥</p><p class="ql-block">好淡定好健談</p><p class="ql-block">介紹佢哋正喺度爲水稻噴灑嘅繫酵素~</p> <p class="ql-block">濃業無人機具有水稻精量直播技术</p><p class="ql-block">采用農用無人機播種</p><p class="ql-block">能簡化種植方式提高生产效率~</p> <p class="ql-block">全自主飛行智能規劃路綫</p><p class="ql-block">不受地形同高度限制</p><p class="ql-block">大哥僅需簡單遙控操作</p><p class="ql-block">就可以完成噴灑橾作任务~</p> <p class="ql-block">喺以前傳統嘅農耕生産方式裏</p><p class="ql-block">主要都繫依靠簡單嘅農用器械</p><p class="ql-block">同人工手動進行</p><p class="ql-block">人工防治病蟲害效率低</p><p class="ql-block">現在無人機全自主飛行</p><p class="ql-block">智能規劃路線不受地形和高度限製</p><p class="ql-block">大哥仅需動動手指简单遙控操作</p><p class="ql-block">就可以完成作业任务~</p> <p class="ql-block">原來農用無人機嘅動力來源</p><p class="ql-block">分爲電動力和油動力</p><p class="ql-block">現在睇到嘅繫電動力無人機</p><p class="ql-block">小兄弟正爲無人機更換電池~</p> <p class="ql-block">大哥佢哋正在爲無人機</p><p class="ql-block">灌入準俻要噴灑的酵素~</p> <p class="ql-block">完來沙仔島上所種嘅</p><p class="ql-block">全部都繫由無人机播種</p><p class="ql-block">不施化肥施酵素嘅有機水稻~</p> <p class="ql-block">酵素水稻不仅不施化肥</p><p class="ql-block">連農葯除草劑等都能不用</p><p class="ql-block">而繫通過喺稻田裏套養禾花魚</p><p class="ql-block">禾花魚食用酵素和稻田裏嘅昆蟲雜草</p><p class="ql-block">嚟降低稻田嘅發病率</p><p class="ql-block">有效咁實現良性循環同生态互补~</p> <p class="ql-block">以前出街拎住部佳能卡片機</p><p class="ql-block">人哋就會覺得你好架勢</p><p class="ql-block">玩攝影，好犀利，現在？</p><p class="ql-block">人哋當笑話咁睇你</p><p class="ql-block">不過佢有佢嘅用處，我鍾意~</p> <p class="ql-block">我鍾意骑行鍾意亂咁拍</p><p class="ql-block">會随身携带嘅卡片相機</p><p class="ql-block">雖然舊啲，像素低啲</p><p class="ql-block">但當兩部手機都冇電嗰陣</p><p class="ql-block">佢就可以發揮佢嘅作用了</p><p class="ql-block">用相機記錄我嘅騎行旅程</p><p class="ql-block">照片可以讓我喺騎行結束後逥味無穷</p><p class="ql-block">有個美好嘅逥憶~</p> <p class="ql-block">眨下眼啫</p><p class="ql-block">無人機一個屈尾十</p><p class="ql-block">又飛到眼前了~</p> <p class="ql-block">大哥介紹喺河堤嘅外邊</p><p class="ql-block">有一片片祇種草不種稻嘅灘田</p><p class="ql-block">三江最好最肥美嘅禾蟲就嚟自依一度</p><p class="ql-block">哦，怪唔之得唔可以噴施農葯了</p><p class="ql-block">要知道一旦有污染</p><p class="ql-block">我哋鍾意食嘅禾蟲就會死光光啲</p><p class="ql-block">到時我哋仲邊有口福？~</p> <p class="ql-block">哩度種有水草嘅</p><p class="ql-block">就係大哥所講嘅堤外養殖禾蟲嘅淺灘</p><p class="ql-block">堤上成羣成羣嘅禾花雀歡快追逐著</p><p class="ql-block">時不時會有一羣白鷺從你頭頂飛過</p><p class="ql-block">鷺飛草長，生機盎然~</p> <p class="ql-block">禾蟲繫當地嘅特色農產業</p><p class="ql-block">禾蟲通常生長喺咸淡水交滙處</p><p class="ql-block">對水質土壤等生長條件十分挑剔剔</p><p class="ql-block">當漲潮嗰陣</p><p class="ql-block">銀洲湖嘅水會浸過呢啲灘田</p><p class="ql-block">禾蟲就會喺適儅嘅時機自然生長出嚟</p><p class="ql-block">當時機成熟水退嗰陣就可以捕撈了</p><p class="ql-block">大哥講上星期仲有禾蟲買90蚊一斤</p><p class="ql-block">而現在要想買嘅話要等下個星期了</p><p class="ql-block">到時可能要賣到140蚊一斤了</p><p class="ql-block">哎~唸唸都流口水了</p><p class="ql-block">現在滿腦子都係陳皮絲鳮蛋缽仔焗禾蟲~</p> <p class="ql-block">毋小睇那小小嘅禾蟲</p><p class="ql-block">除咗馳名好食少有仲好貴之外</p><p class="ql-block">佢仲繫環境質量嘅‘晴雨表’</p><p class="ql-block">仲繫村民致富嘅金鈅匙~👍</p> <p class="ql-block">河堤嘅兩邊上盛開着各種各樣，</p><p class="ql-block">數唔清嘅小野花，</p><p class="ql-block">不時發出誘人嘅芳香，</p><p class="ql-block">圍堤上嘅雀仔在歡快咁飛翔着鳴叫着，</p><p class="ql-block">伴隨著車轆嘅滾動聲，</p><p class="ql-block">喺微涼嘅江风中久久咁逥荡着，</p><p class="ql-block">這迷人嘅景色真繫幾咁令人心醉</p> <p class="ql-block">涼爽愜意嘅傍晚，</p><p class="ql-block">一路野花一路美景。</p> <p class="ql-block">你祇有走完必須走嘅路，</p><p class="ql-block">先能過上你想要嘅生活。</p> <p class="ql-block">有啲路你必須一個人走。</p> <p class="ql-block">呢個唔繫孤獨，</p><p class="ql-block">而繫你鍾意嘅選擇。</p> <p class="ql-block">孤身一人孤島騎行~</p> <p class="ql-block">一個人出來固然好，</p><p class="ql-block">但就繫孤獨咗啲，</p><p class="ql-block">睇到美麗嘅景色冇人分享，</p><p class="ql-block">亦無法同依啲美麗嘅景色合照。</p> <p class="ql-block">一整日喺島上邨庄兜兜轉轉，</p><p class="ql-block">亦就總共衹見到過12個人，</p><p class="ql-block">船老大及三位鎮領導，</p><p class="ql-block">三位用無人機給稻田施酵素嘅大哥，</p><p class="ql-block">兩位稻田裏勞作除草嘅阿姨，</p><p class="ql-block">仲有4位閑坐在休閑廣塲嘅大爺大媽。</p> <p class="ql-block">黃昏嘅沙仔島，</p><p class="ql-block">依度没有喧嚣，没有燈紅酒綠</p><p class="ql-block">亦沒有繁華</p><p class="ql-block">除咗無人機聲，同雀仔嘅叫聲</p><p class="ql-block">靜到一啲雜音都冇，</p><p class="ql-block">清靜得嚟好似與世隔絕噉，</p><p class="ql-block">但就鍾意一份咁様嘅安逸，</p><p class="ql-block">一份真真切切感覺到嘅解脱。</p> <p class="ql-block">時間Pm：17：15</p><p class="ql-block">時間嘅規劃就好似航船嘅舵一樣</p><p class="ql-block">而我就繫嗰個掌舵者，</p><p class="ql-block">由起點兜咗一個大運又逥到起點</p><p class="ql-block">用時剛好7個鐘，</p><p class="ql-block">距離最後一班渡船（17：45）</p><p class="ql-block">仲有半粒鐘，</p><p class="ql-block">提前半個鐘到達碼頭，</p><p class="ql-block">安全繫數打大咗啲😊</p> <p class="ql-block">其實今次計劃中，</p><p class="ql-block">仲一處好想去嘅地方，</p><p class="ql-block">就繫喺邨中部嘅一處雕樓，</p><p class="ql-block">好可惜聽大哥講，</p><p class="ql-block">爲咗興建銀洲湖特大橋，</p><p class="ql-block">雕樓已經拆咗了，可惜。</p> <p class="ql-block">人生沒有所謂嘅可惜，</p><p class="ql-block">人生没有所謂嘅一帆風順，</p><p class="ql-block">歲月没有所謂嘅一直靜好，</p><p class="ql-block">人生每一次跌倒，</p><p class="ql-block">都繫我哋成長嘅足跡，</p><p class="ql-block">每一次失敗都能再次將我哋錘煉</p> <p class="ql-block">祇有靠自己嘅人，</p><p class="ql-block">先能掌握人生嘅帆船，</p><p class="ql-block">自己掌舵即使風雨來臨，</p><p class="ql-block">亦能從容應對，</p><p class="ql-block">無論駛去邊度，</p><p class="ql-block">亦能乗風破浪。</p> <p class="ql-block">人生無人渡你，唯有自渡，</p><p class="ql-block">你有幾咁堅韌，便會有幾咁精彩</p><p class="ql-block">你有幾咁自信，便會有幾咁出衆</p> <p class="ql-block">自己嘅人生自己去掌舵，</p><p class="ql-block">自己嘅生活自己去把握，</p><p class="ql-block">自己嘅痛苦自己去消化，</p><p class="ql-block">自己嘅壓力自己去承擔，</p><p class="ql-block">人哋唔可能一直支撑你，</p><p class="ql-block">唯有自己學會靠自己。</p> <p class="ql-block">人生需自渡，</p><p class="ql-block">想要改變現狀就要忍辱負重，</p><p class="ql-block">想要衝破障礙就得咬緊牙關，</p><p class="ql-block">苦海再大亦有邊祗要你不放弃，</p><p class="ql-block">早晚都能會出頭，</p><p class="ql-block">老天爲你關上一扇門，</p><p class="ql-block">總會爲你打開一扇窗。</p> <p class="ql-block">感情需自渡，</p><p class="ql-block">傷心嘅時候自己去品味，</p><p class="ql-block">流淚嘅瞬間自己去辛酸，</p><p class="ql-block">沒有人能替代你哭泣，</p><p class="ql-block">沒有人能感受你嘅內心，</p><p class="ql-block">在乎你嘅人唔會讓你一再傷心，</p><p class="ql-block">唔在乎你嘅何必爲佢一直落泪。</p> <p class="ql-block">情绪需自渡，</p><p class="ql-block">人活一辈子究竟爲咗乜？</p><p class="ql-block">壓力大責任重道路難煩惱多，</p><p class="ql-block">我哋每個人都有每個人嘅唔容易</p><p class="ql-block">需要彼此體諒一啲，</p><p class="ql-block">能讓就讓，讓一讓雲淡風輕，</p><p class="ql-block">能退就退，退一步海闊天空。</p> <p class="ql-block">万般皆苦唯有自渡，</p><p class="ql-block">這世間萬事萬物，</p><p class="ql-block">都有自己嘅難處，</p><p class="ql-block">冇人可以幇你一辈子，</p><p class="ql-block">無論乜嘢時候，</p><p class="ql-block">能真正幇你渡過難關嘅，</p><p class="ql-block">祇有你自己。</p> <p class="ql-block">相信每個人都希望自己嘅人生，</p><p class="ql-block">能多遇到幾個貴人，</p><p class="ql-block">助自己渡過嗰啲艱難嘅時刻，</p><p class="ql-block">所謂渡己就繫冇人幇你嘅時候，</p><p class="ql-block">你自己要做自己生命中嘅擺渡人</p> <p class="ql-block">其實人活着就繫一個渡己嘅過程</p><p class="ql-block">一路上會遇到好多人，</p><p class="ql-block">但冇人能一直陪你左右，</p><p class="ql-block">好多路都需要你一個人堅持走落去</p> <p class="ql-block">有句話講得好“修人先修心，</p><p class="ql-block">渡人先渡己，渡己先渡心，</p><p class="ql-block">行走喺漫长嘅人生旅途中，</p><p class="ql-block">不可避免咁會遭遇好多坑坑氹氹</p><p class="ql-block">但無論處喺乜嘢環境，</p><p class="ql-block">都要守護好内心嘅安寧，</p><p class="ql-block">守一份淡泊寧靜，</p><p class="ql-block">修一顆從容心，</p><p class="ql-block">做一個自在人，</p><p class="ql-block">得也好失也罷，</p><p class="ql-block">寵辱不驚，</p><p class="ql-block">喺起落沉浮嘅人生路上安然前行</p> <p class="ql-block">渡人渡心渡自己，</p><p class="ql-block">喺“渡”中領略人生嘅跌宕起伏</p><p class="ql-block">喺“渡”中感受生活嘅酸甜苦辣</p> <p class="ql-block">仲好~我人生嘅旅途中，</p><p class="ql-block">有“佢”陪我（我心愛嘅戰車）</p><p class="ql-block">有“佢”渡我，</p><p class="ql-block">“佢”睇嚟有啲古縮木獨，</p><p class="ql-block">但“佢”喺我心目中英俊瀟灑不凡，</p><p class="ql-block">“佢” 或者唔會花言巧語，</p><p class="ql-block">但卻“難過”著我嘅難過，</p><p class="ql-block">“心痛”著我嘅苦痛，</p><p class="ql-block">用行動讓我安心，</p><p class="ql-block">用陪伴讓我放寬心！</p> <p class="ql-block"> 依個世上必有一種合拍，</p><p class="ql-block">“佢” 穿越靈魂幽幽而嚟，</p><p class="ql-block"> 我 ~靜靜無言，</p><p class="ql-block">“佢”~默默不語，</p><p class="ql-block"> 睇住 “佢” 我會內心一笑，</p><p class="ql-block"> 刹那間會有一種衝動快感，</p><p class="ql-block">“佢” 我心心愛著嘅戰車，</p><p class="ql-block"> 唔遠唔近就喺我嘅正前方，</p><p class="ql-block"> 我講 “佢” 未必能听懂，</p><p class="ql-block"> 但我走 “佢” 一定會跟我走</p> <p class="ql-block">緣份繫一種好奇妙嘅嘢</p><p class="ql-block">有啲時候 </p><p class="ql-block">“佢” 同我雖朝夕相處，</p><p class="ql-block">卻無法走進彼此嘅內心，</p><p class="ql-block">有啲時候</p><p class="ql-block">我祇繫睇 “佢” 一眼，</p><p class="ql-block">卻深深咁印喺腦海裏。</p> <p class="ql-block">或許光陰嘅渡口總繫相聚有緣，</p><p class="ql-block">我與“佢” 祇能把握踩踏共同進去，</p><p class="ql-block">這世上“佢” 繫用嚟比我銘記嘅</p><p class="ql-block">“佢” 繫用嚟幚助我，</p><p class="ql-block">不顧翻山越嶺！</p><p class="ql-block">不顧涉水過江！</p><p class="ql-block">不顧相隔千裡！</p><p class="ql-block">來給我帶嚟快樂嘅！</p> <p class="ql-block">總繫喺最美時光諗起 “佢”，</p><p class="ql-block">總繫喺驀然逥首中爲 “佢” 開心帶笑，</p><p class="ql-block">風吹老咗容顔，雨滄桑了歲月</p><p class="ql-block">而 “佢” 卻一直喺我心上一直與我同行~</p><p class="ql-block">騎行中所有能讓我愉悅心靈嘅過程</p><p class="ql-block">都繫用艱苦換來嘅依個時候我會更加珍愛我嘅戰車，</p><p class="ql-block">繫“佢” 陪著我一同流汗走過讓我筋疲力盡嘅路，</p><p class="ql-block">繫“佢” 讓我忍受著所有嘅煎熬</p><p class="ql-block">讓我站喺風景無比嘅最亮點，</p><p class="ql-block">繫“佢” 磨練著我嘅身心意志</p><p class="ql-block">勞筋骨苦心志酸甜苦辣祇有自己去感受，</p><p class="ql-block">依種艱苦繫人生中一種超值嘅享受。</p> <p class="ql-block">歲月嘅渡口</p><p class="ql-block">“佢”總會給我帶嚟快樂，</p><p class="ql-block">“佢” 攜手並肩與我快樂同行走過嘅每一段路，</p><p class="ql-block">“佢” 會讓我喺經年後微笑著諗起。</p><p class="ql-block">不禁依然想講一聲，</p><p class="ql-block">能夠遇見 “佢” 真好！</p><p class="ql-block">能夠擁有 “佢” 真爽！~</p> <p class="ql-block">車在劃行中，景覌心頭記，相信你會意犹未儘，未來嘅日子你會有再登島之行嘅唸法。逥程嘅渡輪上與船老大溝通得知，島上暫時仲未有旅舍食宿，已規劃正在開發，如果錯過了最後一班船點辦，可以要求開加班船，船費40蚊一程，諗諗專程爲你一人獨開一趟加班船，而且唔使等兩粒鐘即開，應該唔算太貴，有意前往嘅朋友搜新會沙仔塲就可以。</p><p class="ql-block">🚴♂️🚴♀️🚴♂️🚴♀️🚴♂️🚴♀️🚴♂️🚴♀️🚴♂️🚴♀️🚴♂️</p><p class="ql-block">感謝每一位打開美篇耐心觀看完的你🌹</p><p class="ql-block">背景歌曲：《小村之戀》鍾秋明</p><p class="ql-block">照片美拍：小樓聽雨</p><p class="ql-block">文字篇輯：小樓聽雨</p><p class="ql-block">2024年8月27日於上海徐滙區整理</p>