<p class="ql-block"> 老底子学堂（过去学校）是勿（不）提供午餐，学生吃中饭侪（都）回到屋里向（家里）解决，假如屋里向（家里）呒宁（没人）烧饭哪能介（如何）办呢？关键辰光（时候）街道额（的）公共食堂（社区食堂）推出勒（了）一种服务方法，只要花一分铜细（钱）帮大家蒸饭，迭种（这种）服务到勒七十年代后期结束勒</p><p class="ql-block"> 大家问勒，蒸饭需要用撒（啥）么事（东西）呢？就是一只只小小额饭格子（饭盒子）；迭辰光额（这时候的）饭格子是用铝材做成噶（助词），基本上是统一额造型——长方形；为勒区别饭格子，来勒（在）盖头（盖子）上面都做勒标志，交关宁（很多人）会辣（在）盖头上刻勒自介（自己）额名字。</p><p class="ql-block"> 蒸饭之前， 阿拉（我们）先要畀（把）米淘好，放好冷水后，放到食堂专用额台子（桌子）高头（上面），如果侬（你）放错地方，吃中饭就成问题勒，而到勒一定额辰光（时间），食堂里额阿姨就会畀饭格子统统集中勒一只老（很）大额铁镬子（铁锅）里，就跟蒸馒头（包子）一样额方法。蒸一次大概需要三刻钟（45分钟），蒸好以后，食堂里阿姨会畀饭格子放进一只较大额木箱子里，再用小被头（被子）盖上，确保饭盒子里额饭是热噶（助词），到勒饭点辰光大家会寻自介额饭格子。</p><p class="ql-block"> 至于过饭额小菜（佐饭的熟菜）基本上是昨么（昨天）夜饭（晚饭）剩下噶（助词），如果呒没（没有）过饭额小菜，邪气（很）多额宁，淘好米后就会倒噎眼眼（一点）酱油和猪油拌勒米里，吃饭辰光就勿觉得（不感觉）呒咪道（没味道）勒，当然，食堂里头（里面）嚡（也）出售熟小菜，迭辰光（这时候）花贰角伍分就可以买一块大排加青菜。</p><p class="ql-block"> 以载（现在）生活条件好勒，学堂里向（学校里）都提供午餐勒，用饭格子蒸饭已经看勿到勒，应该刚（讲）已经绝户勒，而刚（讲）到饭格子可能老多老多（很多）额小鬼头（小孩）侪（都）勿晓得（不知道）噶（助词）。</p>