<p class="ql-block">第一趟 2024.3.11，晴。</p><p class="ql-block">奉贤新造了一个言子书院，言子是孔夫子门生，说是奉贤人氏。书院设计得很简洁，现代当中又透着古朴，咪道侠气好，侠气适合拍照。格趟我做独脚强盗，一家头乘地铁，换了三部车子(11/1/5)，从望园路站出来，结果一部小黄车也寻勿着，算算路也勿算远，索性走过去伐。正好气温回暖了，风和日丽，一路上绿化做得老好，放眼望出去，正应了春光明媚春意盎然呃意思。我春游了廿几分钟就到书院了，拍了一圈侠气过瘾。但是勿巧，水池里正在搞卫生，水放光了，池底子朝天，啥水景也呒么拍到，看来只好下趟再来了。</p> <p class="ql-block">第二趟 2024.7.27，多云。</p><p class="ql-block">趁台风刚刚离境，云还蛮多，天也风凉，赶紧约了几个朋友一道来白相。伊拉侪是笫一次来，我是笫二次了，主要是想补拍几张水景。</p>