林丰文艺的美篇

林丰文艺

快板脱口秀：

月头光光照万里，子嫂叔娓来赴墟。

一天四角捞啊转，岩前象洞十方圩。

桃溪大禾到中山，民主下坝中赤转。

一阵子嫂讲家娘—

隔壁嫂很唔得哩，讲西涯个家娘排篮变箥箕。日日毛事讲婶娓，东家长，西家短，讲西婶娓唔当一夹糟。

隔壁嫂，很唔哩涯，讲西涯个家娘就鸡公都打鸭麻，夜夜毛事打天声，又愁天，又愁地，愁死婶娓鸡麻毛蛋生。

隔壁嫂，很唔晓得，讲西涯个家娘金子变勒色。毛事闲嘴啮鸡笼，南岭蛇，北山拐，还哇涯嘿一个老逍麻。

隔壁嫂，很呀唔里，讲西涯个家娘乌个都变成白，有钱拿几还嫌少，今朝索，天光赖，啮之撬鬼讲甩人，还哇婚后添放老人家。

涯个家娘喊阿华，大家喊几懒尸麻。日日睡目睡到月头斜。上家来猪古，下家来猪麻，几还在床上捉色麻。

涯个家娘喊阿木，大家喊几木猫公。卜起脾气像雷公，一下唔顺几个意，左手柄窝铲，右手柄勺麻，一个家庭若西毛甲煞。

涯个家娘喊阿福，大家喊几赌博麻，野神野鬼召了一禾仓。上昼摸麻将。下昼打扑克，夜脯研究六合彩。真个赌博麻。

涯个家娘喊阿才，唔识道理目珠斜。一个鼻公二个窿，就爱入来唔买出。借几满升还八角，给几甜头还嫌淡，十足一个乌理麻。

二十大精神放光芒，移风易俗大变革。男女老少来学习，日子好过靠自己。党个政策暖人心，全村起哎大变化。

改变以后新阿华，勤劳扎实又做家，毛个天晴落雨天，田头地尾做阿转，再都毛人喊个懒尸麻。

改变以后个新阿木，温柔贤惠惜老公，细声细气讲家事，爱华爱算爱当家。再都毛人喊几雷公麻。

改变以后新阿福，善解人意又扎实，重担重水几争做，灶头灶尾毛时停，扑克麻将戒啊卜，再都毛人喊几赌博麻。

改变以后以后新阿才。有理有节嘿人才，隔目分香有文化，一家大细几安排，鸡麻狗子都有裤着，再也毛人喊几无理麻。

月头光光照万里，子嫂叔娓来相聚。唱歌爱唱鲤鱼尾，家娘莫西讲婶娓，婶娓也唔买讲家娘，老公还细几带大，爷哩带子还咯得，几哇外哩带子老乳乳古邦唉八尺长啊！几哇大家个家娘婶娓都唔爱差，个个都嘿好人家，都哇党个政策好。尊老爱幼促和谐，上家下屋都和睦，全村人民喜洋洋。欢欢喜喜过大年！过大年！