<p class="ql-block"><b>辰光过了真快，眼睛一霎、两零两肆年了。</b></p><p class="ql-block"><b>做了交关趟数额每月记，阿做了双月记跟季度记录，要么戈趟换只样子？</b></p><p class="ql-block"><b>试试用上海闲话忒之大兴视频来记录一眼么事。</b></p> <p class="ql-block"><b>元月壹号 多云 叁到捌度</b></p><p class="ql-block"><b>新年额第一天，“排班”还是蛮满额：</b></p><p class="ql-block"><b>1. 困勒一只困到啥辰光是啥辰光额懒觉</b></p><p class="ql-block"><b>2. 去了趟嘉定忒之太仓交界额乡村白相相</b></p><p class="ql-block"><b>3. 看了四集上海闲话版额《繁花》</b></p><p class="ql-block"><b>4. 画了一张半速写，另外一张画勒只廓落</b></p><p class="ql-block"><b>新年快乐~~！</b></p> <p class="ql-block"><b>元月伍号 晴天 伍到拾伍度</b></p><p class="ql-block"><b>心血来潮乘火车到苏州兜了一小圈，走了两万多步，切力。 </b></p><p class="ql-block"><b>1. 太阳老好额，阊门边廊、河浜旁边才是蒲太阳额老头老太。 </b></p><p class="ql-block"><b>2. 小姑娘么打扮得来才像古代跑回来额人。</b></p><p class="ql-block"><b>3. 几只欢喜拍照片额老爷叔盯牢人家小姑娘要帮人家拍照片，有点瞎牢牢。 </b></p><p class="ql-block"><b>4. 平江路现在看上去有点龌蹉拔拉，么像老早一样有老暇意额感觉了。</b></p><p class="ql-block"><b>5. 难么就只好拍两扇旧哈哈额门窗、回去做做画图额素材。 </b></p><p class="ql-block"><b>好了，今朝走了腰酸背痛、早点困告去了。</b></p> <p class="ql-block"><b>元月柒号 多云 两到捌度</b></p><p class="ql-block"><b>今年春节阿拉窝里有人气了，阿妹妹夫好勒勒上海过年了，还增加了人头--大头外甥忒之外甥新妇。</b></p><p class="ql-block"><b>礼拜天、天气伐错，一道去寻寻地方、过年辰光一大家门好勒勒一道闹猛闹猛——</b></p><p class="ql-block"><b>章堰、弄了好几年，总算是像样子了，金章雅堰酒店阿开张了，但是周围还是忒冷清、缺少点人气；朱家角、到是蛮闹猛额，就是...哪能老早几只比较看得着眼额民宿才伐见特勒？太阳岛、到是比前两年有人气了，里厢好像是调特管理额模式了，还可以......</b></p> <p class="ql-block"><b>元月捌号 多云 陆到拾伍度</b></p><p class="ql-block"><b>戈只用上海闲话渗透伐进去额小视频封面、还是比较规范正宗额开国语了----以“母亲的怀抱”~亘古不变的爱。</b></p><p class="ql-block"><b>伊是</b><b style="font-size: 18px;">新额一年开头额好消息：</b></p><p class="ql-block"><b>1. 戈是今朝设计发布额喜讯：LBD news | 喜讯！上海市......婴幼儿教养研究中心荣获2023英国FX国际室内设计大奖最终奖。------恭喜恭喜！</b></p><p class="ql-block"><b>2. 看到戈条消息、忒之旧年年底亲子勒勒戈中心里办额新年活动，心里真额阿是老开心额，前两年勒勒做额辰光额投五投六、盯上盯下、来来回回心血么白化：设计是只亮点、建筑装修走过了交关难点......</b></p><p class="ql-block"><b>我么(ಡωಡ)……就伐讲了😊。</b></p> <p class="ql-block"><b>元月拾贰号 晴天 陆到拾伍度</b></p><p class="ql-block"><b>戈天气阿是蛮好白相额，年前么冷得来恰伐消，现在三九天了到是暖热来；腊月里、腊梅阿一眼眼开始开出来了，去兜兜看看。</b></p><p class="ql-block"><b>今朝去了醉白池、(ꄱੈˍꄱੈ) 真额已经闻到香米道了，顺了香米道走进去，腊梅到阿开了伐少；就是醉白池额腊梅是老里老早额树、伐算多，要看可能还是要到真如公园去看再可以满足。</b></p><p class="ql-block"><b>醉白池出来、就一部公共汽车到松江仓城历史文化风貌保护区去走了一圈，街廊相看看房子旧哈哈、有额像是要拆迁一样；阿有几家看看已经修过额、门面伐算大额书店、咖啡店，啥人晓得走进去还真额是老有腔调额，起码有两进到三进额院子，真额是蛮有看头额来，伐相信？侬可以自噶去走走看看。</b></p> <p class="ql-block"><b>元月拾玖号 落雨 陆到拾度</b></p><p class="ql-block"><b>昨日开始落雨了，阴丝刮哒额天、人阿就懒洋洋。个么就埔了窝里，补两张画、再整理整理前两天额画；翻翻看看、戈是勒勒自噶自我满足૧(●´৺`●)૭૧(●´৺`●)૭。</b></p> <p class="ql-block"><b>元月廿肆号 多云 肆到零下壹度</b></p><p class="ql-block"><b>眼睛一霎额功夫，小姑娘已经三十六七岁了，一噶头伊是感觉蛮自由自在，好伐！伊感觉好就可以了；小小额庆祝，㊗️伊自噶想做额事体勒勒新额一年能够顺伊心愿越做越好，阿伐掇特老本行…</b></p> <p class="ql-block"><b>元月廿捌号 晴天 肆到拾度</b></p><p class="ql-block"><b>看看🗓、后面靠十天才是阴丝呱嗒额天气，今朝到是太阳老好，跟阿拉阿妹一道、拖了老妈黄浦江边埌走走；新弄好额%咖啡西岸店、新地标“南浦站”…冷清来、一眼阿伐闹猛，大概是临近春节、交关人回乡过年去了…</b></p><p class="ql-block"><b>人伐多，咭咭☕️卟卟🌞到是蛮遐意额。</b></p> <p class="ql-block"><b>元月叁拾壹号 落雨 陆到拾壹度</b></p><p class="ql-block"><b>轧了只末班车，参观了一趟勒勒番禺路廊相额邬达克纪念馆。本来想就勒勒窝里伐远，慢慢叫去好了，啥人晓得伊从两月五号开始伐对外开放了。</b></p><p class="ql-block"><b>邬达克纪念馆勒勒番禺路一只像是弄堂额地方，伊额前头是上海开放大学航空运输学院、旁边是上海市现代职业技术学校、马路对过是上生新所；以后伐对外开放额原因是讲戈房子要还拨教育局了……伐晓得教育局要戈能一幢小房子来派啥用场？</b></p> <p class="ql-block"><b>真额就是先试试看，其实用上海闲话书写是老切力额一桩事体，交关文字写伐出来(替代额文字又感觉意思伐到位)( •̥́ ˍ •̀ू )</b></p><p class="ql-block"><b>伐好意思了，多提意见、建议喽！</b></p>