【说方言】上海话 糗事

昌睿

　　宁家（别人）刚（讲）：勿（不）看三四（见风使舵）切苦头（受痛苦）。

今朝（今天）阿拉（我，我们）来刚刚隔壁小张做噶（助词）戆事体（傻事情）。

小张，差奥（绰号）叫老帮瓜（男性老人家），为撒（啥）叫伊（他）老帮瓜，伊自介（自己）嚡（也）勿晓得（不知道），只国蛰（感觉）自介有噎眼眼（一点点）小家巴气（小气），跟老帮瓜脚碰脚（一样级别），欢喜存铜细（钞票）养老，实际上伊彻底想错脱（助词）勒（了）。

老早（过去），上海滩流行穿皮夹克，小张单位里有箇（个）台巴子（台湾乡下人），从香港买勒一件皮夹克穿勒身高头（身上），真格（助词，相当啊）老（很）帅噶（助词），伊就暗搓搓（偷偷）想：“鹅（我）假如穿上皮夹克肯定比台巴子要灵光（效果好）。”

迭（这）辰光（时候），伊就千方百计想买皮夹克，勿过（不过），一件皮夹克要交交关关分（钱）勒，凭伊以载（现在）购买实力是呒（没）办法噶。

有一趟（次），伊在四川北路兜马路，看到一家皮草商店哉（在）卖皮夹克，因为过年后天气开始变热勒，皮夹克嚡就打对折促销，当看到中意额皮夹克肚肠根痒（急不可耐情绪）勒，豪叜（急忙）跑（走）到窝里厢（家中），从银行里取出铜细，急吼吼（急匆匆）冲到商店里，挑选勒一件喜欢式样买勒下来。

第二天早浪头（早上），伊勿管（不管）温度接近20度，来煞勿急（迫不及待）穿上皮夹克笃悠悠（不着急）跑到弄堂里逛来逛去要扎台型（显摆），迭（这）辰光门口头（门口）邻居见伊穿勒新买额皮夹克就问：“今朝天气介（很）热噶，侬（你）穿皮夹克勿国蛰（感觉）热呀。”

伊神抖抖（神气活现）拉拉皮夹克，宗气老充足刚：

“今朝天气勿热噶，再刚回来春捂秋冻是养身疗法，以载（现在）穿皮夹克可以噶。”

邻居笑着刚：“以载搿辰光（这时候）撒宁（谁）嚡穿皮夹克，只有老帮瓜侪（才）穿噶，看样子侬跟老帮瓜确实是脚碰脚噶。”

邻居乌里妈里（啰哩巴嗦）额潮叽叽（嘲笑）呒影响伊噶心情，反而国蛰弄堂里额宁看到自介（自己）穿着皮夹克会闷特想勿通（胸闷）。

“阿拉要挖塞（心里难受）侬。”伊看着邻居背影神兜兜（得意）刚。

中浪头（中午）辰光，天气越来越热，伊穿勒皮夹克哉（在）南京东路兜商店，汗水从骷榔头（头）里渗透出来，迭辰光伊暗搓搓（偷偷地）地用餐巾纸揩揩身高头的汗水，辣么生头（突然）想要回窝里厢起（去）。

下半捏（下午）温度超过勒20度，伊呒办法脱下皮夹克，小心翼翼地拿勒手高头（手上），急煞（着急）朝窝里厢跑，一副戆吼吼（傻乎乎）噶腔调（样子）弄得来弄堂里额宁都晓得（知道）。

从今以后，伊穿皮夹克跟老帮瓜搭界（有关系）勒，后来宁家当面叫伊小张，背后叫伊老帮瓜，差奥就此出现。

有宁要问阿拉勒撒道理（为什么）会晓得噶种（这样）事体（事情），阿拉悄悄地告诉侬：弄堂里额宁侪晓得噶。