<p class="ql-block">《ZANSIK WANG NGON SHANG》</p><p class="ql-block"><br></p><p class="ql-block">Zhvitdap kungga dik e Sira zhongzo byinchang wui.banshoq bang nguingon wangzan wunli wo nyi shang!</p><p class="ql-block">Kicung kizan kinyi kibui . Cangge lalvo buige nyi.</p><p class="ql-block">Sun ge myin ma.</p><p class="ql-block">Zansik boi chom ra wang ngon shang!</p><p class="ql-block">Buitoq gaubum bik. Lvotoq gauwa myang.</p><p class="ql-block">Cungnuq num lui zantai.</p><p class="ql-block">Lvonuq num lui qaptai.</p><p class="ql-block">Cung eq zantai. Do eq ngvat tai.</p><p class="ql-block">Zantai yoq du lo be o . qaptai yoq du lo be o .</p><p class="ql-block">Zantai lumu gvun shang o.</p><p class="ql-block">qaptai gansang gvun shang o.</p><p class="ql-block">Kuwai buige nyi mai gi o.</p><p class="ql-block">Kuwai sun ge myin mai gi o.</p><p class="ql-block">Anvik zancau de ra be o.</p><p class="ql-block">Dumzhe zansik dveyu ra be o.</p><p class="ql-block">Sumzhvit zancau nungmu nungkap lo be o.</p><p class="ql-block">Sumdvap zansik byeche bye kap lo be o.</p><p class="ql-block">Zancau ri nung hu yoq be o.</p><p class="ql-block">Zansik pyang hi hu yoq be o.</p><p class="ql-block">pyowu nyuqnyun yoq be o.</p><p class="ql-block">Wangwu myitchin yoq be o.</p><p class="ql-block">Uqmying te no yoq be o.</p><p class="ql-block">Nodving sam no yoq be o.</p><p class="ql-block">Ne zo labam bo.</p><p class="ql-block">Bumgung shumbo.</p><p class="ql-block">Zhvintong tingra bo bve lvang.</p><p class="ql-block">Sumkuq uqlom ban dut ra ga.</p><p class="ql-block">Sumyang yilom yo mu ra ga lui.</p><p class="ql-block">Bohi bogvung bo zhvoi lo be o.</p><p class="ql-block">waq-i labvat zo bve. zhangje u-byven zo bve .lajung zvangngvu ngvoqzhvit ngvoqzo bve lvang . zo hi lo begvo. shuq hi lo begvo .</p><p class="ql-block">Kunbvan lo begvo.</p><p class="ql-block">myingmu lo begvo……</p><p class="ql-block">Banshoq bang： zansik ma zo ngon. shuqngon ，yvup ngon.</p><p class="ql-block">Myitngon.</p><p class="ql-block">zuisai ngon.</p><p class="ql-block">E lo byin so yo.</p><p class="ql-block">Wang wang zanzan !</p><p class="ql-block">Gva：Ungsau Laq</p><p class="ql-block">2023.1.22.</p>