<p class="ql-block">ꆀꌺꋦꁍ</p><p class="ql-block"><br></p><p class="ql-block"> ꄸꌺꃴꉼ</p> <p class="ql-block">ꆀꌺꋦꁍ-ꑝꅇꇁꄿꑠꂷꑌ</p><p class="ql-block">ꆈꄚꆈꄿꌩꀑꇢ井ꄚꀀꇊꌠꉬ</p><p class="ql-block">ꀊꆨꑣꀮꁨꅪꑣꃀꃴꏂꅏꅉꉬ </p><p class="ql-block">ꄂꏸꄂꅪꈓꁱꀀꌒꂓꅑꅏꅉꉬ</p><p class="ql-block">ꉂꏣꎵꑳꀕꌠꄲꏂꉼꉹꅏꅉꉬ</p><p class="ql-block"> ꆀꌺꆀꉙꍅꇙꀕꌠꅇꀨꅏꅉꉬ</p><p class="ql-block">ꈍꎞꇐꀳꉐꀑꏰꌺꋶꌠꅏꅉꉬ</p><p class="ql-block">ꆈꌠꉌꈲꐮꄮꐧꋦꂓꅑꀀꅉꉬ</p><p class="ql-block">ꒉꆹꀊꊸꉘꁇꁉꌠꆹꒉꅏꅉꉬ</p><p class="ql-block">ꆀꌺꌳꃈꌳꈄꈬꋊꃆꇭꋩꅉꉬ</p><p class="ql-block">ꆀꌺꅡꈭꌊꁈꏃꋏꑱꃀꆗꅉꉬ</p> <p class="ql-block">ꆀꌺꋦꁍ-ꑝꅇꇁꄿꑠꂷꑌ</p><p class="ql-block">ꌺꎔꌺꃨꁦꀑꌿꁧꌡꌠꄚꇬꐥ</p><p class="ql-block">ꅪꎔꅩꃨꁦꀑꂚꃨꌡꌠꄚꇬꐥ</p><p class="ql-block">ꀑꁮꑓꆫꈩꅉꀋꃷꎵꃅꄚꇬꐛ</p><p class="ql-block">ꊿꋅꃺꑌꋍꏅꉹꁌꇫꐥꌠ</p><p class="ql-block">ꆀꌺꋦꁍ-ꑝꅇꇁꄿꈩꆫꀋꇁꇂ</p> <p class="ql-block">ꑝꅇꁧꎔꇉꎔꀑꇐꋓꃱꄚꄉꆍꇁꉚ</p><p class="ql-block">ꑌꑿꄄꆈꐛꌠꂚꈢꉘꁌꄚꄉꆍꇁꉚ</p><p class="ql-block">ꈍꎞꇐꀳꉏꀑꏰꌺꋶꌠꄚꄉꆍꇁꉚ</p><p class="ql-block">ꎧꏸꐝꇅꀕꌠꄔꊒꎧꒉꄚꄉꆍꇁꉚ</p><p class="ql-block">ꄲꏂꉼꉹꉂꏣꎵꑳꀕꌠꂢꄉꆍꇁꉚ</p> <p class="ql-block">ꐮꄮꐧꋦꂓꅑꐛꅉꆈꈥꇁꄿꆍꇁꉚ</p><p class="ql-block">ꋚꎔꈾꊞꑾꋆꈓꁱꀀꌒꊐꄉꆍꇁꉚ</p><p class="ql-block">ꂃꏂꂃꆧꑱꀘꇣꊭꈚꌠꎧꈈꆍꇁꉚ</p> <p class="ql-block">ꆀꌺꋦꁍ-ꑝꅇꇁꄿꑠꂷꑌ</p><p class="ql-block">ꁧꎔꇉꎔꒉꎔꃪꎔꀋꈩꉈꉩꀕꀐ</p><p class="ql-block">ꊿꋅꃺꑌꋍꏅꉹꁌꇫꐥꌠ</p><p class="ql-block"><br></p> <p class="ql-block">ꈩꇁ-ꄚꈩꇁ</p><p class="ql-block">ꆀꌺꋦꁍꉜꄉꈩꇁꂸ</p><p class="ql-block">ꐂꇁ-ꄚꐂꇁ</p><p class="ql-block">ꑝꅇꇁꄿꉜꄉꐂꇁꂸ</p>