<h3>ꀉꂿ，ꉂꇁꅉꌠꀉꂿ，<br>ꃅꈎꃅꆪꆹꒈꂃꒊꆱꌡ<br>ꃅꑍꃅꉖꆹꃆꇭꃨꌠꌟꃅ<br>ꀒꁨꉜꄉꏹꇬꎷꑵꉬꅊꇈ<br>ꀋꋓꀋꉪꃅ ꀋꌋꀋꏢꃅ<br>ꆎꆹꃅꃴꈭꏂꌟꃅ<br>ꐝꅉꎳꅉꑟ ꇕꅉꎳꅉꑟꁧꃲ<br>ꀃꂰꆹꆏꉪꊇꌺꇖꈧꌠꐞꁧꊂ<br>ꃅꈎꋍꈓꐛꀐꃀ<br>ꀃꌋꀀꄓꇁꇬ<br>ꉠꐤꅉꇬꆹ<br>ꃅꑎꀱꍝꀕꌦꀐ<br>ꉡꆹꀊꅰꃅꆎꉂꆏꎺꇁ<br>ꀋꋓꀋꉪꑓꁴꑰꀕꇤꀐꅊꇈ<br><br><br>ꄚꉂꏣꎺꏣꆹꃅꈎꃅꆪꐊꄉ<br>ꐤꅉꅼꅉꑟꇁꑵꉬꌠꄜꐨꌧꀐ<br>ꅽꒌꆠꂶꌠꆹ<br>ꈺꄂꀕꃅꃄꇖꄹꊂꄁꃰꏿ<br>ꉡꆹꃀꌗꊷꆣꀕꌠꎹꂯ<br>ꃀꅇꑖꈈꀕꌠꎹꂯꇬ<br>ꄚꐰꎹꐰꀋꊌ<br>ꉎꇴꉎꀋꉐꃲ<br>ꀋꋓꀋꉪꃅ<br>ꎺꇊꅽꅇꂷꀊꋨꈨꄀꇁꇬꎷ<br><br><br>ꀋꑍꊂ，<br>ꀘꂾꀉꁌꄷꄯꒉꎭꆱꃓꇬ，<br>ꀉꂿꆎꆹꐰꇑꐛꐯꐛꂷꉬꄷꈨ！<br>ꅽꌺꅽꇐꋍꂷꈀꐥꃅꆏꉜꃬꄉ。<br>ꀉꂿꀋ，<br>ꑠꐛꅹ，<br>ꅽꊂꋊꊁꒆꈧꌠꇭꀧꎸꄛꃪ，<br>ꅽꇖꑳꀉꒉꑍꂷꐯꇯꄊꑪꂘꆹꀐ！<br>ꉪꑳꀊꏀꂶꌠꑌꇬꊎꄺꂿꇰ，<br>ꉆꐥꄻꌐꆹꀐ。<br>ꉂꇁꅉꌠꀉꂿ，<br>ꀃꑍꋋꄮꅽꌺꆹ<br>ꀿꉂꇭꋓꍬꃀꉂꇁꄿꋖꑴꇬ，<br>ꎺꇊꀉꂿꆏꄀꇬꆏ，<br>ꉌ꒜ꊷꆣꀕꇬꎷ！<br>ꉠꉂꇁꅉꌠꀉꂿꀋꎺꇁꀋꉆ！<br></h3> <h3>ꀉꂿꆹꈁꑌꑊꇗꒊꌋꀕꂶꄸ！</h3>