<p class="ql-block"> 3.8早上我起床很早，食完早餐仲未到9点，婆婆就问我，逗逗，今日想去边度玩啊，我话去影相啦！婆婆一听，冇即时回答我，好似系度谂谂下咁，突然对我讲，好啊！婆婆今日带你去揾蜗牛🐌，我们去东湖公园影昆虫好唔好吖，我一听唔知几高兴，因为我好中意蜗牛嘅，我有个蜗牛玩具，每晚训觉都要抱住它嚟训嘅。</p><p class="ql-block"> 婆婆执齐影相架餐，连同我的嘢一大包背起，大手拖小手出门去啦。</p> <p class="ql-block">路上，我睇到一块树叶执起就同婆婆讲，呢块树叶好似只蝴蝶🦋咁嘅。</p> <p class="ql-block">屋企离东湖公园好近，行一阵就到嘞，一入公园我就第一时间跑去睇鸭鸭🦆，系睇鸭鸭的细路仔群中踎左系一个小哥哥身边睇。</p><p class="ql-block"> 睇到好多鸭鸭，又有鸭妈妈带住三只鸭鸭一起玩，又系度冲凉，它们好开心喔。</p> <p class="ql-block">睇完鸭鸭，我就叫婆婆带我去揾蜗牛🐌嘞！</p><p class="ql-block">来到一片湿湿的草地、大树旁，婆婆就叫我执支树枝周围撩下，睇睇有无蜗牛，或者其它的昆虫仔，我话，好呀！就好认真好认真咁系度揾啊揾啊……。</p><p class="ql-block"><br></p> <p class="ql-block">为左揾蜗牛🐌，我一路行一路担天望地咁睇，咁睇。</p> <p class="ql-block">行下行下，我突然大声讲比婆婆听，睇到有果果呀！</p><p class="ql-block">我就开始执起果果来啦！唔记揾蜗牛嘞！</p> <p class="ql-block">执左一阵就执左好多粒果果嘞。</p><p class="ql-block">我的手仔都摞唔晒果果，婆婆就比左个胶袋我装住，叫我抓住个胶袋一边揾果果一边睇下有无蜗牛喔。</p> <p class="ql-block">系棵树周围行左一圈，乜嘢都揾唔到，真系好失望啊！</p> <p class="ql-block">行到有D攰啦，我就坐系地下，摞粒果果出来睇下，瓣开来睇睇，你地睇下我瓣的样子，系唔系好可爱呢！</p> <p class="ql-block">婆婆带我来到一个庭院，里面有几棵蕉树，仲见到有三梭好大雷的蕉，婆婆话呢个地方有可能揾到蜗牛，如果依度都无，今日就唔使揾啦！</p> <p class="ql-block">我系度认真揾紧蜗牛的时候，突然惊喜发现同我一起玩的彤彤小姐姐又系呢度玩，我见到彤彤小姐姐一下子高兴到忘记揾蜗牛了，就同彤彤姐姐一起跑来跑去，又一起睇花花，真系好开心，系呢度见到识得的姐姐仔。</p> <p class="ql-block">离开庭院我们继续行走，当经过树旁，睇到有碎石系树头，我又玩起我的最爱石头仔来啦！</p> <p class="ql-block">玩玩下，听到有喇叭📣在旁边讲，叫大家要戴口罩，不聚会的广播，我起身行到喇叭后面，指着部单车，讲比婆婆听，呢部系部警车来架，仲有盏灯系度闪闪下，叫婆婆唔好搞，有阿sir来捉人架。</p> <p class="ql-block">婆婆宣布今日唔揾蜗牛啦！我可以自由发挥，想点玩就点玩，我一听就话好呀！</p><p class="ql-block">现在正系木棉花开的季节，公园里面好多木棉树，成棵树都系好红好红的木棉花，婆婆指着树上的木棉花对我讲，木棉花又叫英雄花，又系广州市花嚟架，叫我记住，第日有人问广州市花系乜嘢花，要我讲得出来，要记住。</p><p class="ql-block">婆婆讲完就叫我趴系地下对住棵木棉花影下相，我一听有得影相就来劲了，一下子刷一声就趴低嘞，对住相机左睇睇，右睇睇咁，一本正经咁影木棉花啦！我趴系度影紧相时，吸引左好多人的眼球，有人系度拍我趴系度影相的姿势，有D爷爷、奶奶就行都埋来睇下我，主要系睇下部相机系唔系真的，仲话，如果部相机系真的，点会咁样比细路仔玩的，哈哈！我婆婆就是咁样摞部真家伙比我玩，比我影相啦！</p> <p class="ql-block">影完相，我起身行开，发现地下有朵木棉花，我快步行去执起，哇！依朵木棉花又红又大，好靓啊！</p> <p class="ql-block">婆婆见我摞住朵木棉花好开心，就话同我影番几张相，只见婆婆从包包里摞出一个瓶来，刷刷咁系木棉花上喷了几下，我睇到有水珠，婆婆话喷D水系朵花度影相会靓好多嘅！</p><p class="ql-block"><span style="font-size:18px;">婆婆叫我睇住朵花来影，我都一一照做了，婆婆影得好开心，影完仲亲左我一下，我开心度摞住朵花一蹦一跳咁继续行走了。</span></p> <p class="ql-block">睇到有部快艇，哒哒哒哒！咁开过来，我伸只手出去同开船的叔叔打招呼，叔叔睇唔到我，穿过桥底靠到一艘船旁，唔知仲乜嘢？我问婆婆，婆婆讲系果部船比水下的草卡住开唔到，呢部快艇系部拯救船。只见拯救船拖住被卡的船，然后开动快艇，一下子就把船拖出来了，我话犀利啵！</p> <p class="ql-block">自我执到依朵木棉花，我一直摞住它行，不时举起手中的木棉花，一蹦一跳，一时又睇睇住它，中意它的红色，好靓。</p> <p class="ql-block">来到一棵大榕树下，担高头我睇到棵树好多一条条的嘢，好奇怪，就问婆婆呢D系乜嘢嚟嘅啊！婆婆话呢D系榕树的须，榕树越老就越多！我话想摘一条来玩！婆婆就摘左一条比我啦！哈哈！原来系咁嘅！</p> <p class="ql-block">睇完榕树须，转身睇到有水喉，就话要去洗手，其实系想玩水，伸手去洗手，点知冇水出来，就问婆婆，点解水喉冇水嘅，婆婆话，你要踩住个脚边的水制先有水出来架，哦！我就用脚🦶一踩，哗啦哗啦！水就流出来啦！伸手去玩水，搞到衫袖湿晒，好好玩啊！好开心啊！</p> <p class="ql-block">洗完手，我又去爬石头了，一上一落，跳上跳落，好玩，但系婆婆就紧追不放，仲不停咁叫住，小心啊！小心啊！跌倒就麻烦啦！好担心的样睇得我越过瘾，哈哈😃</p> <p class="ql-block">爬到最高处，我仲举起手来欧耶，叫婆婆睇下我。</p> <p class="ql-block">行到攰，食瓶酸奶，补充能量，我要自己揸住食，婆婆话唔得，如果倒泻就整到成身邋遢晒架啦！我就乖乖听话了。</p> <p class="ql-block">睇到有只猫猫系度晒太阳，我好喜欢猫猫的，就行埋去踎低睇它，婆婆就拉住我唔比我行咁埋，要我坐远远的睇下就得，我只好乖乖咁听婆婆话坐系度睇猫猫啦！</p><p class="ql-block">睇睇下又有几个姐姐仔踎低同猫猫玩，同我一起睇猫猫，原来大人都咁喜欢同猫猫玩嘅。</p> <p class="ql-block">食食下听到人小盆友讲，喷水啦！喷水啦！我一听到就企起身想跑去，婆婆好快手，一手拉住我，问我仲食唔食酸奶架，我话唔食嘞！</p><p class="ql-block">好快！我就来到喷水池边，看到好多水一条条喷得好高，水哗啦哗啦咁响，好想行入去伸手玩水，淋下。婆婆系咁拉住我的手，唔比我入，仲讲比我听，喷水时系唔比入的，危险，只能企系度睇，于是我就企系个大花瓶旁边看喷水嘞！有时企系旁边同一个小哥哥一起用手去玩下水，就咁样玩都好满足嘞！</p> <p class="ql-block">睇完喷水，婆婆拖住我又行嘞，行行下婆婆突然企住，踎低指住前面一块被阳光照住的树叶叫我睇，问我睇到乜嘢！我顺住婆婆指的方向睇去，见到一块透红的树叶系地上，我就大声话块树叶好靓啊！婆婆叫我唔好行前去，就系呢度企住，婆婆就摞部相机出来叫我趴系度又影光影下的树叶嘞，我好认真影，呢块透红的树叶真系好靓。</p> <p class="ql-block">影完树叶，婆婆叫我摞住块红树叶做道具，哈哈！我又做起婆婆的模特嚟嘞！</p> <p class="ql-block">婆婆话呢旧大石头刻住：东湖春晓。</p><p class="ql-block">东湖春晓系旧羊城八景之一，新羊城八景无左东湖春晓嘞！</p><p class="ql-block">婆婆仲讲，东湖系个人工湖，我太婆后生时都参加过挖湖会战嘅！</p><p class="ql-block">同婆婆系块大石头两边捉咿因，笑到我咯咯声，真系玩得好开心啊！</p><p class="ql-block">东湖公园一天快乐游，系我一声声笑声中结束了！</p><p class="ql-block"><br></p> <p class="ql-block">最后请大家欣赏一下我婆婆带着我快快手影到的美照啦！</p> <p class="ql-block">多谢美友们的欣赏</p><p class="ql-block">祝大家虎年虎虎生威！</p><p class="ql-block">幸福快乐每一天！</p>