<p class="ql-block">lusik gva su:Ungsau Laq</p> <p class="ql-block">ZANTANG QOMZVING SHIGVON ZUPPONG</p><p class="ql-block"> 2022zan Lvomo 1 qap 29 nyi .Battang 6 nyi .Maudap lvomo 12 qap 27 nyi.Ruili myuq Hiyvup mauwa Bangling wapung Mvandot bva wa ma , wa nvikbo wui eq mingbyu wui myithui manghui byinpye loqcoq gvut mu lui , 2021zan zantang qom zving shigvon zuppong shui pong agvo, zuppong ma zhe le bi lom e nvikbo gvobang wui gi：Hiyvup mauwa rung wap ma fushang zhang.Yi lung. Bangling wapung wapdoq ma Shuji.Ho Sinyin. fushu ji. Jvin Yimui. fuzhvu Rin： Lapai Bok. Lapai Nangseng . Zuppong a pong shi hi zo nayi 9 qing ma ,Mingdan Dongkon hi lvoq dvoq shang ga wa kau ma Dangpung byu. Myinbyin .Zhongzo.wabyu：Zaiwa. Lasam Lisu. Deang. Myiwa. 5 zhung byumyu banshoq bang . yvumsing myuzo e wutbu king mvon chung mu , Zhongzo bve zhongking wutbu chung mu lui.Mingdan dongkon zing wang dabang zo ma. nvut ngvop ra ngvop, shidaq yap jvan lvum gvut yapyan dvo begvo .hausu mu .hikun mu bi wun wu su Nvikbo Ungsau Laq mai dang zhvunghuq dai ra：</p><p class="ql-block">1.Zhung go Mingdan Dongkon e lazhvum misat qo byan jvo.</p><p class="ql-block">2.Mingdan mikon e bvunwang misat dvo lazhvum kaijvo.</p><p class="ql-block">3. Bangling mau ma mvomyi labun zo daijvo.</p><p class="ql-block">GCD shui-on dvo akau ma nganvung nyingon yapkap be.Zo luq wam bying be. Wut luq cau gum be.</p><p class="ql-block">Kanvam zhe gvilvang Dang e ajvu a dvo myvi. Dang e tang chang. Dang Asuya e zomvoq te chom jo shang !</p><p class="ql-block">coqcoq mu lui. wum-o bo dik e Mingdan mikon te chang mu .zhvoiyung Kikkam dik e mingdan Dongkon lvang dvoq lo be.</p><p class="ql-block">Mingdan mikon te ban zhang. Mingdan dongkon ri myvang dik ma zhe be .banshoq bang gibu gira loqbyvuq chom bat begvo .</p><p class="ql-block"> Coqcoq mu banshoq bang shiwa yvum shut chom wang lo mu zuppong pong wang lo begvo.</p><p class="ql-block">Zuppong hi-u wun shui pong su gi：Sira Zhau Yinzhau.</p><p class="ql-block">1. Wa nvikbo Duizhang Zhu Chun shin 2021zan zantang qom zving dang dai ra. lai be lazan gom zuisai shigut lailo qo. zui sai a zhe shi qo. tangpyang dum shigut e lo ra qo bve dai ra. </p><p class="ql-block">Midung dai e gi yvum sing wakau ma zhongzo bve . zhong sira bve mvoqbyi a go ma nganvung wamai tummai girum wum-o chang byi shang ga. </p><p class="ql-block">Dviqzvang zhongzo zhong mai byi qe-on zhvunghuq laigva long .1 long 50 koi.</p><p class="ql-block">Jiro zvang zhongzo .qe-on zhvunghuq laigva long 1 long 60 koi.</p><p class="ql-block">Jiro zvang dvan myvang zhongzo qe-on zhvunghuq laigva long 1 long 100 koi.</p><p class="ql-block">Dvan myvang zhongmo zhongzo qe-on zhvunghuq laigva long 1long 200 koi.</p><p class="ql-block">Kizan jiro zvang dvan myvang zhongwo wang su 1 yuq 500 koi.</p><p class="ql-block">Kizan dvan myvang zhongmo wo wang su 1 yuq 1000 koi.</p><p class="ql-block">Zhongzo bve qe-on zhvunghuq wo yu bang：Dviq zvang zhongzo 8 yuq.</p><p class="ql-block">Jiro zvang zhongzo 12 yuq.</p><p class="ql-block">Jiro zvang dvan myvang zhongzo 7 yuq.</p><p class="ql-block">Dvan myvang zhongmo 5 yuq.wabyu muzui zhisai zuizo zui shuq qo ma u-hi she bang：yo mu zui howa gai ge bang. 5 yvum.no woq waq rem zvo gvun bang4 yvum.Yvumsing inu iwa mangzo ri dat paudap zhvit su 1yvum.Myi lang myithui zum ra 1yvum.yvumkau sanseng gvut zhe bang3 yvum.byu yuq gvut ge bang：Dangpung byu 1 yuq.Wa suwun 1 yuq.Waje 1 yuq.myiwe pung byu. 1 yuq.Nungngvam myitlai 1 yuq.Byumyu myithui zum ra. 1 yuq.Yvumbyu myithui shiwa myit bo. 1 yuq.21yuq Xi bang ri gi. qe-on zhvunghuq laigva long eq wuibu zhvoq ze zhvunghuq agvo.</p><p class="ql-block"> Xida zang chung qe-on zhvunghuq ngun gi, wa byu banshoq bang yvumsing zhvitmyit girum zhvunghuq ngun ngvut le , hi kun Asuya mu bi zui wu mangzo bve myo myo girum agvo .</p><p class="ql-block">Zuppong ma le be zhe lom e Mauwa eq Wapung ma nvikbo suwun wui paqzhi wum-o dang zhvunghuq myomyo byi agvo,</p><p class="ql-block">Nungmoq wa ma kizan wo chom zui shigut dvo mu zo xi ajvu ge wang zhaq bo ra, Nganvung mauwa gom ma kojvo lo ra ngvut le ga dai agvo .</p>