<p class="ql-block">Dangkun:Zhangmo Muzhi</p><p class="ql-block">爱景颇四周年纪念写作竞赛</p> <p class="ql-block"> Nga e yvummau</p><p class="ql-block"> Nga e yvummau gi zhvoiyung dik e Mingmau bvadam zo ma wangbyvi qam byinzvung shut gvomyvang dik e Mingxu Howa bum ma ngvut le.</p><p class="ql-block"> Ngon dik e Mingshu bum, zhvoiyung dik e Zaizo bum qo yam changchang yuq zhvoi bum e shumgam lvang cungtoq lai zo hik bvun gvat lui Iaqo tang e bo zhvoi kang bum dvo be, shing gvang dik e manzhum ne mo le jvang do e lazhung za, shumbo toq ma ngvoqzhvit ngvoqzo bve giru sha ga mying ngon bum ago .</p><p class="ql-block"> Nga e yvummau Howa ri gi “sanhu dvan." ri ga le, kinyi wakum ma shinggvang yap do e Zaiwa po gi hikun ming gan ma Zhabvan mizhan zan pyan ma Howa Wunbvong amyu wui zhabvan je sumdam timwang lo ri lom wo bikdau go kun le sire ri arong sidvang gvut misat dingsat do agvo. Akui byvat maungon mingding mu Howa wakau ma nyinyi buibui gongbo mai minggvan zvutmun no ana tang zik ra paqzhi qo byvo jvo nyi ago. G.C.D e dvira ge momo mingzo danzo ri yvum igvun lvo ngon byi yvumjvo wajvo byinpye hui mu chom shigut ra midvu. Howa bum ma tungking munau zumchang yam ma myvang dik e mingwu zumtang mo lo cuq ging dvo byi begvo mingwu zumtang mai lo doq wu gvat zhang, Lungchon labva mo sansan qangqang myang, goizo goimo yui lai lo e Lungchon lang e dvudvap Myenming ri myoq lat ma le zhoq dvo.</p><p class="ql-block"> Howa bum ma WB Zaizo wui sumzai byuze nyingon yapkap mu atung chinzo akam wuishuq, bumbva modo qo rot yvumkang myibo bvang bvang mangzo zoshang myinnap wuiwo langtang soisoi, kinyi le nga e yvummau qokang qomo byinpye lahut hui mu nyingon yapkap dik begvo.</p><p class="ql-block"> Gvasu:Zhangmo Muzhi</p><p class="ql-block"> 2022.1.1</p>