<p class="ql-block">Dangkun:Paja Muroi</p> <p class="ql-block"> Ngo ngamoq zhong ri zhvitdap le</p><p class="ql-block"> Ngamoq zhong ri gi Zaizo zhvitmyit zhong ga le.Ngamoq zhongzo bve le myin nap qik ri moi ri a ga abvun awang mai mvoqbyi nyi su gi nganvung kungga paudvap dik e zhvoiyung banse Mirip Aroi sira ngvut le.</p><p class="ql-block"> Yvang gi nganvung Zaizo laili laigva tungking labau mvomyi ri zhvitdap paudvap dik e dingman sira layuq ngvut le.</p><p class="ql-block"> Mvoq e lo qo ma ngvut gvilvang ,ming eq mau ma sira mo bve doqdan dvo e laigva ri chang mu mvoq byi nyi ra.</p><p class="ql-block"> Ngamoq zhong gi 2018zan Ivomo 1qap mai mvoqhi be,kinyi zhe zhang ngamoq zhong gi 57gok zhe wo shui mvoq shigut nyi be ngvut ra.</p><p class="ql-block"> Yvumsing myuzo mying laigva le wo mvoq se yu zhongzo zhaq myo be.Ongshi wo yu gu zhongzo bve gi sira mo bve zhewang dvo e bvunzvuq wap、ganzvang myvang wap bve ma laigva paqzhi myomyo dum e wo mvoq yu ra.</p><p class="ql-block"> Hau ago ma,ongshi wo yu gu zhongzo bve gi sira Aroi eq loqcoq byinpye hui gvut mu sira pung cuq dvo e mai nganvung Zaizo laigva ri onau senau bang ri dum chom mvoq byi e lo nyi begvo.</p><p class="ql-block">Ngamoq zhong ma zhongzo bve gi,nganvung Sikung mau gom ma e WB nvikdvang wui ngvut le,yvang moqgi:</p><p class="ql-block"> Mangshi、Lungchon、Yinjang、Ruili、Wandin，ago ma myiwa mau ma nyi bum e WB nvikdvang eq Myenming ma e WB nvikdvang wui bve, sumyu Sam Myima Lisu Angchan Naxi amyu bve ri le bi mvoq shigut nyi ra.</p><p class="ql-block"> Ngamoq zhong ma sira bve gi a myumyu laigva paqzhi mvoq byi agvo danggve: mying laigva，lusik gva paqzhi、mikon dangkun gva paqzhi、Zaizo tungking Munau zumgo paqzhi， Sira mvoqbvan paqzhi.mvoqmyi laigva ngvap.</p><p class="ql-block">lusik tebyvo paqzhi mvoq bve ngvut le.</p><p class="ql-block"> Ngamoq zhvitmyit zhong kumdong gi aqing kangmo nang midvu pong nyi le, zhe wang lo gve o WB nvikdvang wui.</p><p class="ql-block"> Nganvung myu zo zhe gvunggat lo ra midvu rau chom shigut e lo shang!</p><p class="ql-block"> Gva su:Paja Muroi</p><p class="ql-block"> 2022.1.1</p>