اتا ـ انالارعا ٴبىر پارشا حات 致家长一封信

图老师

موڭعۇلكۇرە اۋداندىق 5 ـ ورتا مەكتەپتىڭ «ەكىنى جەڭىلدەتۋ» جانە «تاپسىرمانى باسقارۋ» قىزمەتى جونىندەگى اتا ـ انالارعا جازعان ٴبىر پارشا حاتى سالەمەتسىزبە! بىيىل تامىزدا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «مىندەتتى وقۋ - اعارتۋ ساتىسىنداعى وقۋشىلاردىڭ تاپسىرما اۋىرتپالىعى جانە مەكتەپ سىرتىنداعى كۋرستان وتكىزۋ اۋىرتپالىعىن اناعۇرلىم جەڭىلدەتۋ» جونىندەگى پىكىردى (تومەندە قىسقاشا «ەكىنى جەڭىلدەتۋ» دەلىنەدى) باسىپ تاراتتى. «ەكىنى جەڭىلدەتۋ» بولسا مىندەتتى وقۋ - اعارتۋ ساتىسىنداعى وقۋشىلاردىڭ تاپسىرما اۋىرتپالىعى مەن مەكتەپ سىرتىنداعى تاربيەلەۋ اۋىرتپالىعىن جەڭىلدەتۋدى مەڭزەيدى. مۇندا تومەندەگى 5 تۇرلى باستى مىندەت پەن ءتۇيىندى شارانى ايقىندادى: ءبىرىنشى، تاپسىرمانىڭ جالپى مولشەرى مەن ۋاقىتىن جاپپاي قىسقارتىپ، وقۋشىلاردىڭ تاپسىرما اۋىرتپالىعىن جەڭىلدەتۋ؛ ەكىنشى، مەكتەپتەردىڭ ساباقتان كەيىنگى قىزمەت وتەۋ ورەسىن جوعارىلاتىپ، وقۋشىلاردىڭ الۋان ءتۇرلى قاجەتىن قاناعاتتاندىرۋ؛ ءۇشىنشى، قاتاڭ جونگە سالۋعا تاباندى بولىپ، مەكتەپ سىرتىنداعى تاربيەلەۋ ارەكەتىن جاپپاي ارناعا ءتۇسىرۋ؛ ٴتورتىنشى، وقۋ - اعارتۋ، وقىتۋ ساپاسىن زور كۇشپەن جوعارىلاتىپ، وقۋشىلاردىڭ مەكتەپ ىشىندە تولىق ۇيرەنۋىنە، جاقسى ۇيرەنۋىنە شىنايى كەپىلدىك ەتۋ؛ بەسىنشى، سايكەستى جونگە سالۋدى كۇشەيتىپ، تىرەكتىك، قامتاماسىز ەتۋ قابىلەتىن جوعارىلاتۋ. «ەكىنى جەڭىلدەتۋ» − وقۋ - اعارتۋ زاڭدىلىعىنا بويسۇنىپ، وقۋشىلاردىڭ جان - جاقتى جەتىلۋىن، اقاۋسىز جەتىلۋىن جەبەۋدەگى ماڭىزدى شارا، مەملەكەتكە، حالىققا پايدالى جاقسى ٴىس. «ەكىنى جەڭىلدەتۋ» ساياساتى وقۋشىلاردىڭ تاپسىرما اۋىرتپالىعى مەن مەكتەپ سىرتىنداعى كۋرستاردىڭ (جەلىدەن تىس جانە جەلىدەن تىس كۋرستاردى قامتيدى) اۋىرتپالىعىن، وتباسى تاربيەسى شىعىسى مەن اتا - انالاردىڭ سايكەستى زەيىن - زەردەسىنىڭ اۋىرتپالىعىن شىنايى جەڭىلدەتىپ، قوعام نازار اۋدارىپ وتىرعان ماسەلەلەر مەن ۇمىتتەرگە بەلسەنە جاۋاپ قايتاردى. اتا - انالار «ەكىنى جەڭىلدەتۋ» شەشىمدەرىن، ورنالاستىرۋلارىن ءتۇسىنىپ، قولداپ، ساياساتتىڭ اتقارىلۋىنا، تياناقتانۋىنا سايكەسىپ، بالالاردىڭ اقاۋسىز دارالىعىنىڭ دامۋىنا تاماشا وتباسىلىق ورتا ازىرلەۋى ءارى بۇكىل قوعامدا اۋىرتپالىقتى جەڭىلدەتۋ جونىندە بىرتىندەپ ورتاق تانىم قالىپتاستىرۋى كەرەك. اتا-انا بالانى جان-جاقتى جەتىلدىرۋگە، ومىرلىك جەتىلۋگە باۋلۋعا نازار اۋدارىپ، بالانىڭ دەنە، پسيحيكالىق جاقتان جەتىلۋ زاڭدىلىعىن ٴتۇسىنۋى، ٴپان ناتيجەسىن بالاعا باعا بەرۋدىڭ بىردەن-ٴبىر ولشەمى ەتپەۋى، بالانى ۇنەمى تابيعاتپەن جاقىنداسۋعا، قوعاممەن ارالاسۋعا، ٴتۇرلى امالياتتىق تاربيە قيمىلدارىنا قاتىناسۋعا، كوز اياسىن كەڭەيتۋگە، ٴبىلىمىن وسىرۋگە، ونەرلىك جاقتان جەتىلۋدى كۇشەيتۋگە، بالانىڭ اۋەسى مەن ەرەكشەلىگىن بايقاۋعا جانە جەتىلدىرۋگە، بالانىڭ جان-جاقتى جەتىلۋىن جەبەۋى ٴتيىس. اتا - انالار «ەكىنى جەڭىلدەتۋدەگى» تاپسىرمانى ورنالاستىرۋ تالابىنا نازار اۋدارۋى كەرەك، باستاۋىشتىڭ 1_ جانە 2_جىلدىعىندا جازباشا تاپسىرما ورنالاستىرىلمايدى؛ 3 - جىلدىقتان 6 - جىلدىققا دەيىن ٴار كۇنى جازباشا تاپسىرمانى ورىنداۋ ۋاقىتى ورتا ەسەپپەن 60 مينۋتتان اسپاۋى؛ ورتالاۋ مەكتەپتە ٴار كۇنى جازباشا تاپسىرمانى ورىنداۋ ۋاقىتى ورتا ەسەپپەن 90 مينۋتتان اسپاۋى كەرەك. ٴىشىنارا وقۋشىلار قۇلشىنسا دا جازباشا تاپسىرمانى ورىنداي الماسا، ۋاعىندا ۇيىقتاۋى كەرەك. تاپسىرمانىڭ قيىندىق دەڭگەيى ساباق ولشەمىنىڭ تالابىنان اسىپ كەتپەۋى كەرەك، وقىتۋشىلاردىڭ قايتالامالى جانە جازالاۋ سيپاتتى جۇمىستاردى ورنالاستىرۋىنا بولمايدى. اتا - انالار دۇرمەككە ىلەسۋدەن باس تارتىپ، كوزسىزدىكپەن قارا تالاسپاۋى، بالانى ۇيرەنۋ جوسپارىن ۇيلەسىمدى ورنالاستىرۋعا، دەربەس ۇيرەنەتىن، مەكتەپ سىرتىندا ساباق پىسىقتايتىن تاماشا ۇيرەنۋ ادەتىن قالىپتاستىرۋعا جەتەكتەپ، وتباسىنىڭ ساباقتان سىرتقى تاربيەلەۋ شىعىسىنىڭ اۋىرتپالىعىن جەڭىلدەتۋ كەرەك. اتا - انالار مەكتەپ سىرتىنداعى تاربيەلەۋ قۇرىلىمدارىنىڭ تاربيەلەۋ ونىمدىلىگىنە، بۇقارالىق تاربيە كوزقاراسىنا قاتە جەتەكشىلىك ەتىپ، اتا - انالاردىڭ الاڭداۋىن تۋدىراتىن جالعان ۇگىتكە سەنە سالماۋى كەرەك. وقۋعا جاتپايتىن پاندەرگە قىزىعۋ، اۋەستەنۋ تاربيەسىن جۇرگىزگەندە، بالانىڭ ٴوزىنىڭ ٴىس جۇزىندىك جاعدايىنا، تىلەگىنە قاراي ۇيلەسىمدى تاڭداۋ، لايىقتى قاتىناستىرۋ، بالانىڭ ساباقتان سىرتقى ۇيرەنۋ اۋىرتپالىعىن ارتتىرماۋ كەرەك. تور ارقىلى جەلىدە تاربيەلەۋدە وقۋشىلاردىڭ كورۋ قۋاتىن قورعاۋعا باسا ٴمان بەرۋ، ٴار ساباق ۋاقىتى 30 مينۋتتان اسىپ كەتپەۋى، ساباق ارالىعى 10 مينۋتتان كەم بولماۋ كەرەك. مەكتەبىمىزدىڭ «ەكىنى جەڭىلدەتۋ» جانە «تاپسىرمانى باسقارۋ» قىزمەتى جونىندە اتا - انالاردىڭ ۇيلەسىمدى پىكىر ايتۋىن، ۇسىنىس بەرۋىن قارسى الامىز. سوڭىندا، اتا - انالاردىڭ وتباسى مەن مەكتەپتىڭ قارىم - قاتىناسىن كۇشەيتىپ، مەكتەپتىڭ وقىتۋ_تاربىيەلەۋ قىزمەتىنە بەلسەنە سايكەسىپ، بالالارعا جاراسىمدى وتباسى تاربيەلەۋ ورتاسىن جاراتىپ، بالانىڭ اقاۋسىز ەسەيىپ - ەرجەتۋىن جەبەۋىن شىن جۇرەكتەن ٴۇمىت ەتەمىز. ٴبىز سىزبەن ٴبىر نيەت، ٴبىر تىلەكتە بولا وتىرىپ، بالالاردىڭ اقاۋسىز ەسەيىپ ـ ەرجەتۋىن بىرگە قورعايمىز! مەكتەپتەن سىرت تاربيەلەۋ قۇرىلىمدارىنىڭ مەملەكەتتىڭ زاڭدا بەلگىلەنگەن مەرەكە، دەمالىس كۇندەرىن جانە قىسقى، جازعى دەمالىس كەزدەرىن يەمدەنىپ الۋىنا بولمايدى. موڭعۇلكۇرە اۋداندىق 5-ورتا مەكتەپتىڭ «ەكىنى جەڭىلدەتۋ» جانە «تاپسىرمانى باسقارۋ» قىزمەتىن باقىلاۋ، اشكەرەلەۋ تەلەفونى:0999-77841060999-7784107موڭعۇلكۇرە اۋداندىق 5 ـ ورتا مەكتەپ2021 ـ جىلى 12 ـ اي